Ik shaair bhi hoon, musawir bhi hoon, fankar bhi hoon
Ager hoon nazuk sa koi phool to talwar bhi hoon
Mainay boi hai har ik mor pay nafrat likin
Main mohabbat k gulistan ka kharidar bhi hoon
Ho ager yar ghalat to main usay rokta hoon
Haq pay dushman ho to dushman ka tarafdar bhi hoon
Jurm har ik shaks say be_lose mohabbat hai ager
Phir to yeh sach hai k main ik khata kaar bhi hoon
Main woh ghafil hoon jisay umer ka ehsas nahin
Ik ik pal ki khaber rakhta hoon bedaar bhi hoon
Itna azaad, k aqash ko choo sakta hoon
Aik choti si tamanna main giriftaar bhi hoon
Mera andaz_tabiyat bhi kuch nirala hai
Bewafa bhi bohat hoon aur wafadaar bhi hoon.
___With Kahkashan Khan