Sochta hoon k usay neend bhi aati hogi
Ya meri tarh faqat ashq bahati hogi.
Woh meri shakal mera naam bhulanay wali
Apni tasveer say kia aankh milati hogi.
Is zameen pay bhi hai sailaab mere ashqon ka
Mere matam ki sada arsh hilati hogi.
Shaam hotay hi woh chokhat pay jala k shama
Apni palkon pay kai khuwab sajati hogi.
Mere tareek zamanay say nikalnay walay
Roshni tujhko meri yaad dilati hogi.
Dill ki masson rageyen khud hi sulagti hongi
Jonhi tasveer ka kona wo jalati hogi.
___With Kahkashan
No comments:
Post a Comment