Hum Nagri Nagri Jate Hain

Hum nagri nagri jate hain aur ghar ghar geet gaatey hain

Hum galiyon galiyon aangan aangan pyar ke deep jalate hain

Hum khushbu ke saudaagar hain aur sauda sacha karte hain

Jo gaahak phoolon jesa ho hum bin’daamon bik jate hain

Hum sheher-e-wafa ke logon ka tum haal bhla kya jano ge

Hum dil ko chot chupatey hain aur aansu pee jatey hain

Jo log sharafat waley hain woh qadrey buzdil hite hain

Dushman se nahin dartey woh magar kam’zarfon se ghabratey hain

Hum sachey hain yeh kese kahen sach sab ke bass ki bat nahin

Jo sachhi baatain karte hain woh peghambar kehlaatey hain

Iqbaal to adnaa’a hadim hai arbaab ilm-o-danish ka

Yeh aap ka husn-e-samaat hai jo is pe karam farmaatey hain..