"MOHABBAT" akhirish hai kia...???

Main shayar hoon to aksar log mujhsay puchtay hain ..
Is haseen israar k baray main batayen to bhala kia hai..???


"Mohabat akhirish hai kia....?''

Wasi main hans k kaihta hoon.

Kisi piyasay ko apnay hissay ka pani pilana bhi... Mohabbat hai.

Bhanwar main doobtay ko sahil tak lay k jana bhi ... Mohabbat hai

Kisi k wastay nannhi si qurbani .... Mohabbat hai.

Kaheen hum raaz saray khol saktay hon , magar phir bhi kisi ki ki bebasi ko daikh kar  khamosh hojana bhi ...Mohabbat hai.


Kaheen barish main saihmay , bhigtay billi k bachay ko zara si dair ko ghar lay k aana bhi...Mohabbat hai.

Koi chirya jo kamray main bhatakti aan nikli ho to us chirya ko phanka band kar k raasta bahir ka dikhlana...Mohabbat hai.

Kisi k zakham sehlana , kisi rotay hua dill ko behlanaa...
Mohabbat hai.

K meetha bol, meethi baat, meethay lafz, sab kiya hain..? Mohabbat hai.

 Mohabbat aik hi bas aik hi insaan ki khatir magan rehna.
Hama waqt us ki baton , Khushboun main, Dolna kab hai. Mohabbat
Sirf uski zulf k baal kholna kab hai...
Mohabbat k hazaaron rang , lakhon istaa'ray hain.
Kisi bhi rang main ho ye mujhay apna banai hai.