Jo khayal they na qayas they
wohi log mujh se bichhar gaye
jo muhabbaton k asas they
wohi log mujh se bichhar gaye
jinhain mahta hi nahin yeh dil
wohi mere hain hamsafar
mujhay har tarha se jo ras they
wohi log mujh se bichhar gaye
Mujhay lamha bhar ki rafaqaton
k sarab aur satayen ge
meri umar bhar ki jo pyas they
wohi log mujh se bichhar gaye
yeh khayal saray hain aarzi
yeh gulab saray hain kaghzi
gul-e-aarzoo ki jo baas they
wohi log mujh se bichhar gaye
jinhain kar saka na qabool main
woh shareek raah-e-safar howay
jo meri talab meri aas they
wohi loh mujh se bichhar gaye
meri dharkanon k qareeb they
meri chah they mera khwab they
wo jo roz-o-shab mere pas they
wohi log mujh se bichhar gaye....!
No comments:
Post a Comment