Tumhain Kia Yaad Hai Jaana,

Tumhain Kia Yaad Hai Jaana,

Jo Waaday Tum Ne Baandhay Thay,
_
Jo Qasmain Tum Ne Khaayeen Theen,

Tumhain To Yaad Hi Ho Ga,

Tumharay Lafz Apnay Thay,

Chalo Phir Se Unhi Lafzon Ko,

Main Dohraaye Daita Hoon,

Zara Tum Ghaur To Karna,

Ke Main Sacha Ya Jhoota Tha,

Ye Hi Tum Ne Kaha Tha Na,

Kabi Na Rishta Torrain Gay,

Kabi Na Saath Chorrain Gay,

Jo Torra Kisi Ne Ghar Apna,

Usay Hum Mil Ke Jorrain Gay,

Jo Toota Galti Se Waada,

To Apna Munh Na Morrain Gay,

Kathin Rasta Ho Jitna Bi,

Kabi Na Haath Chorrain Gay,

Sun Ke Tumhari Sab Batain,

FaQat Maine Kaha Tha Ke,

Maseeha Chorro Rehnay Do,

Ye Sab Kehny Ki Batain Hain,

Jo Waday Kar Rahay Ho Tum,

Chand Lamhon Ki Sogaatain Hain,

To Tab Tum Ne Kaha Tha Na,

Ke Aisa Ho Nahi Sakta,

Tumhari Ye Galat Fehmi Hai,

Tu Tanha Ho Nahi Sakta,

Zara Palto Aaj Aur Daikho Tum,

Main Tanha Hi Kharra Hoon Na...