مجھے یاد ہے

مجھے یاد ہے

کئی سال پہلے ان ہی دنوں 

میں نے تمہیں اپنے اندر ساتویں بار قتل کر کے 

وہیں کہیں دفن کیا تھا 

اور تمہاری قبر فراموشی کے بھاری پتھروں سے بھر دی تھی 

اور اس سے پہلے ایک بار دور سے آنے والے کسی دیو_ہیکل پرندے کے پیروں سے تجھے باندھ کر اڑا دیا تھا 

اور پھر اس سے بھی پہلے انہیں دنوں 

میں نے تمہیں مکمّل طور پر جلا کر 

تمہاری راکھ ایک تیز رفتار دریا میں بہا دی تھی 

لیکن اس ساری جان کہی کے باوجود 

تم آج پھر ہمیشہ کی طرح 

میری آنکھوں میں آنکھیں ڈال کے 

میرے دل کو اپنی مٹھی میں جکڑے 

!___میرے سامنے کھڑے ہو 

کہیں تو میرا یقین بکھرے...

کہیں تو میرا یقین بکھرے...

.

کہیں تو میرا گُمان ٹوٹے....!

ابھی اک چیخ سناٹے میں ابھری تھی

ابھی اک چیخ سناٹے میں ابھری تھی

وہ گہری، سرد، نوکیلی،ادھوری چیخ

ویرانے میں چکراتے ہوئے

پیلی کھجوروں کے پریشاں جھنڈ میں ٹھہری تھی

اور اب تک وہیں اٹکی ہوئی ہے

کون ہے یہ

کارواں سے ٹوٹ کر بھٹکا ہوا کوئی مسافر

ڈار سے بچھڑی ہوئی اک کونج ہے

یا دشت پر اتری اکیلی شام ہے

یا میری تنہائی؟

مجھے پڑھتے ہو کیوں لوگو

مجھے پڑھتے ہو کیوں لوگو

مجھے تم مت پڑھو کیوں کہ

اُداسی ہوں الم ہوں غم زدہ تحریر ہوں میں تو

ہر دن اپنے ساتهہ کیا وعده توڑ دیتی ہوں

ہر دن اپنے ساتهہ کیا وعده توڑ دیتی ہوں

یقین مانو میں تمہیں یاد نہیں کرنا چاہتی.

تو کہ سیماب طبیت ہے تجھے کیا معلوم

تو کہ سیماب طبیت ہے تجھے کیا معلوم

موسم ہجر ٹھہر جاے تو کیا ہوتا ہے

محبت بھیک میں ہر گز نہیں ملتی

محبت بھیک میں ہر گز نہیں ملتی

محبت دان بھی کوئی نہیں کرتا

نہ ہی خیرات کرتا ہے

محبت میں کوئی خوشبو کی طرح ساتھ ہوتا ہے

کسی کے ہاتھ کو تھامے کسی کا ہاتھ ہوتا ہے

محبت ایسی خوشبو ہے

فقط سانسوں میں بستی ہے

محبت تو بہت نازک سا اک احساس ہوتا ہے

کہیں دل کے نہاں خانوں میں رہتا ہے

محبت کا مگر رستہ بہت دشوار ہوتا ہے

بہت پُر خار ہوتا ہے

محبت تو دعا ہے

دل کی گہرائی سے اُٹھتی ہے

تو ہونٹوں سے نکلتی ہے

پیاس ہے ایسی کبھی بھی جو نہیں بجھتی

محبت بھیک میں ہر گز نہیں ملتی

محبت تو دعا ہے

تو کہ يکتا بے شمار ہوا

تو کہ يکتا بے شمار ہوا

ہم بھي ٹوٹيں تو جا بجا ہوجائيں

اتنا گہرا سناٹا ھے

اتنا گہرا سناٹا ھے 

جیسے کوئی بول رھا ھے

اے انکار کے لہجے والے 

میں نے تجھ سے کیا مانگا ھے ؟؟

باھم موت کا وعدہ چھوڑو 

کون کسی کے ساتھ جیا ھے ؟؟

توڑنے والے کیا توڑے گا 

تیرا میرا رشتہ کیا ھے ؟؟

پیڑ تیمم کرنے کو ھیں 

وقتِ نمازِ استسقا ھے

کھلتے پھول اور کھیلتے بچے 

دیکھ کے کتنا ڈر لگتا ھے

سارے جگ کی خیر ھو یا رب 

کتنے زور سے دل دھڑکا ھے

دردوں نے تو زندہ رکھا 

بے دردوں نے مار دیا ھے

کیسا کمسن درد ھے میرا 

آدھی رات کو جاگ اٹھا ھے

یاد آتا ھے کم کم لیکن 

یاد آۓ تو دل دکھتا ھے

الف , لام اور میم نے ملکر 

کیسا الم تخلیق کیا ھے

اے مجھ سے نہ ملنے والے 

میں نے خود کو چھوڑ دیا ھے

درد کی کوئی انت نہیں

تو صبر کا کیسا پیمانہ ھے ؟؟

جب مجھ سے باتیں کرتی تھی

جب مجھ سے باتیں کرتی تھی

وہ لڑکی شوخ سی چخچل سی

ڈرتی تھی پوچھا کرتی تھی

تم میرے ہو نا بس میرے ہو.......

میں نے کہا · اے پگلی!

تو نازک پھولوں کلیوں سی

اور سندر حوروں پریوں سی

میں تو شخص ہوں بکھرا بکھرا سا

حالات کے ہاتھوں بگڑا سا

بھلا تجھ کو کیا دے پاؤں گا

وہ کہنے لگی تیری آنکھوں کی مجھے لالی اچھی لگتی ہے

اس لالی کو میں اپنی بھی پلکوں میں بسانا چاہتی ہوں

تم کچھ بھی کہو

بس بات یہ ہے

تمہیں اپنا بننا چاہتی ہوں

اب مجھ سے بس اتنا کہہ دو

تم میرے ہو نا؟ بس میرے!

میں سن کر چپ سی سادھ گیا

وہ سمجھی شاید مان گیا

میں گم تھا سوچوں وہموں میں

کچھ درد پرانے یاد آےء

محسوس عجب سا ہونے لگا

بس پھر کیا تھا میں رونے لگا

اپنی نرم گزار ہتھلی کو

میرے ہاتھ پر رکھ کر وہ بولی

تیرے سب غموں اور دکھوں کو

خوشیوں کے رنگ میں بدلوں گی

چاھوں گی میں تجھ کو اتنا

کہ تجھ کو پاگل کر دوں گی

بس تم مجھ سے اتنا کہہ دو

تم میرے ہو نا؟ بس میرے ہو..!

اب ساتھ نہیں ہے وہ میرے

جو مجھ کو پاگل کرتی تھی

جو میرے سارے جزبوں کو

بس اپنا《حاصل》 کہتی تھی

جو میرے درد کہ آنگن میں

خوشیوں کو شامل کرتی تھی

جب میں اس سے یوں کہتا ہوں

میں تیرا ہو بس تیرا ہو....

میں تیرا ہو ہاں بس تیرا ہو.........

ادھورا چھوڑ کے،رکھ کر کہیں پہ بھُول گیا

ادھورا چھوڑ کے،رکھ کر کہیں پہ بھُول گیا

وہ میری زات کو شائد، کتاب سمجھا تھا

بہت گم صم سے بیٹھے تھے

بہت گم صم سے بیٹھے تھے

کسی تصویر جیسے تھے

اگر میں سچ کہوں جاناں

مری تعبیر جیسے تھے

جہاں پر تم نے کاغذ کی بہت چھوٹی سی ناؤ کو

بڑی چاہت سے، ہمت سے

سمندر میں اتارا تھا

بہت دلکش نظارہ تھا

تمہارے حوصلے پہ کسقدر حیران یہ لہریں

تمہیں حیرت سے تکتیں تھیں

بپھرتی تھیں ، مچلتی تھیں

مگر تم ان سے بےپرواہ

بس اپنی سوچ میں گم تھے

ہماری آنکھ میں تم تھے

تمہیں کچھ یاد ہے

ساحل پے ہم نے گیت

گایا تھا

تمہیں دل میں بسایا تھا

جہاں ہم تم ملے تھے

اور پھر آنکھوں ہی آنکھوں میں

کئی صدیاں گزاری تھیں

مری سانسیں تمہاری تھیں

ابھی تو سال گزرا ہے

کہ جب تم میرے شانوں پر اچانک ہاتھ رکھ کر

چپکے چپکے مجھ سے کہتی تھیں

محبت تو عبادت ہے ، محبت تو سعادت ہے

محبت فیض کا چشمہ جسے دن رات بہنا ہے

ہمیں اک ساتھ رہنا ہے، یہ دکھ سکھ ساتھ سہنا ہے

ابھی کچھ دیر ہی پہلے

تمہاری آنکھ کے جھل مل ستارے

ہم سے کہتے تھے

ہمارا نام لیتے تھے ، ہمیں پیغام دیتے تھے

تمہارا ساتھ نہ چھوٹے ، ہمارا خواب نہ ٹوٹے

مگر یہ سال کیسا ہے

کسی نے بھی نہیں پوچھا

ہمارا حال کیسا ہے

وہی ساحل ، وہی موسم ، وہی رستے، وہی قصّے

وہی سب کچھ تو ہے جاناں

مگر اب تم نہیں میرے

بس اک احساس رہتا ہے

گیا وقت لمحے لمحے آنسوؤں کے ساتھ بہتا ہے

ہمیں اک بات کہتا ہے

تمہارا ساتھ کیوں چھوٹا ؟

ہمارا خواب کیوں ٹوٹا ؟

!ابھی تو سال گزرا تھا 

اک بات سنو میرے ہمدم !

اک بات سنو میرے ہمدم !

اس انا نمائی کی مشق میں

نہ تم ہارے نہ ہم ہارے

بس ہاری ہے جو بےچاری

اسے محبت کہتے ہیں__

کِس نے ترتیب وار رکھے ہیں

کِس نے ترتیب وار رکھے ہیں

میرے آنسو بڑی محبت سے

پھر بھی کبھی تم سامنے آؤ

ہمیشہ خواب بن کر

خواہشوں کی آنکھ میں تم گم ہی رہتے ہو

لرزتے سائے کی صورت

ہمیشہ دسترس سے دور رہتے ہو

.

کبھی تم سامنے آؤ

تمہیں وہ خوف دکھلاؤں

کہ جو خوابوں کے اکثر ٹوٹ جانے پر

کسی کی مردہ آنکھوں سے ٹپکتا ہے

.

تمہیں سمجھاؤں

دیواروں سے باتیں کیسے ہوتی ہیں

کوئی بھی بات جو ہوتی نہیں

وہ کس قدر تکلیف دیتی ہے

.

بدن کے چاک پر خواہش کی مٹی سے کھلونے کیسے بنتے ہیں

.

جدائی اور تنہائی کے ڈر سے

بدن یوں ڈھیر ہوتا ہے

کہ جیسے بارشوں میں کوئی کچا گھر پگھلتا ہے

.

سنو

! جب بھی اداسی قد سے بڑھ جائے

تو پستی کا بہت احساس ہوتا ہے

.

مرا وجدان تم کو دیکھ کر ہی وجد میں آتا ہے

تو میں شعر کہتی ہوں

یا خود کو روند دیتی ہوں

.

کبھی تم سامنے آؤ

کہ میری چند غزلیں اور نظمیں نامکمل ہیں

.

تمہیں کھونے کے ڈر سے

اب تمہیں پانے کی خواہش بھی نہیں دل میں

.

مگر

پھر بھی کبھی تم سامنے آؤ

" اِک عُمر سے ہر شب ___ سرِ شہراہِ محبّت

" اِک عُمر سے ہر شب ___ سرِ شہراہِ محبّت 

میں شمع کے انداز میں جلتا ہوُں سَحر تک"

آدمی ہوں بدل بھی سکتا ہوں

آدمی ہوں بدل بھی سکتا ہوں

!___اس قدر اعتبار مت کرنا

ﻣﺤﺒﺖ ﮐﯽ ﻭﺣﯽ

ﻣﺤﺒﺖ ﮐﯽ ﻭﺣﯽ

__________

ﮐﺒﮭﯽ ﺁﻧﮑﮭﻮﮞ ﮐﯽ ﻋﺒﺎﺩﺕ ﮔﺎﮦ

ﻣﯿﮟ ﺑﯿﭩﮭﮯ

ﭘﺮﺍﻧﮯ ﻃﺎﻗﭽﻮﮞ ﻣﯿﮟ ﮔﻞ

ﭼﺮﺍﻏﻮﮞ ﮐﻮ ﻧﺌﯽ ﻟﻮ ﺳﮯ ﺭﻓﻮ

ﮐﺮ ﮐﮯ

ﮐﻮﺋﯽ ﮔﻢ ﮔﺸﺘﮧ ﺳﯿﭙﺎﺭﮦ

ﭘﮍﮬﻮﮞ

ﺷﺎﯾﺪ!

ﻧﻔﯽ ﺍﺛﺒﺎﺕ ﮐﮭﻞ ﺟﺎﮰ

ﻗﺪﺭ ﮐﯽ ﺭﺍﺕ ﮐﮭﻞ ﺟﺎﮰ

ﮐﺒﮭﯽ ﮨﻮﻧﭩﻮﮞ ﮐﯽ ﻣﺤﺮﺍﺑﻮﮞ

ﭘﮧ ﻟﮑﮭﯽ ﺁﯾﺘﯿﮟ

ﻣﯿﮟ ﺭﻭﺡ ﮐﯽ ﻣﺴﺠﺪ ﻣﯿﮟ

ﺩﮨﺮﺍﺅﮞ

ﺣﺼﺎﺭ ﮐﺎﺋﻨﺎﺕ ﺟﺴﻢ ﺳﮯ ﺑﺎﮨﺮ

ﻧﮑﻞ ﺟﺎﺅﮞ

ﮐﺒﮭﯽ ﺣﯿﺮﺕ ﺯﺩﮦ ﺍﺷﮑﻮﮞ ﮐﮯ

ﺁﺏ ﺯﻣﺰﻡ ﺳﮯ ﻭﺿﻮ ﮐﺮ ﮐﮯ

ﮐﺴﯽ ﺍﻃﮩﺮ ﺟﺒﯿﯿﮟ ﮐﮯ ﺳﻨﮓ

ﺍﺳﻮﺩ ﮐﮯ ﺑﻮﺳﮯ ﻟﻮﮞ

ﮐﺒﮭﯽ ﺫﺍﺕ ﮐﮯ ﻏﺎﺭ ﺣﺮﺍ ﻣﯿﮟ

ﺑﯿﭩھ ﮐﺮ ﺳﺠﺪﮮ ﮐﺮﻭﮞ

ﺷﺎﯾﺪ!

ﺍﺳﯽ ﺻﻮﺭﺕ ﮐﺒﮭﯽ ﻣﺠھ ﭘﺮ

ﻣﺤﺒﺖ ﮐﯽ ﻭﺣﯽ ﺍﺗﺮﮮ

تمہیں جب دیکھتی ھوں، تو ۔

تمہیں جب دیکھتی ھوں، تو ۔

میری آنکھوں پہ رنگوں کی پُھواریں پڑنے لگتی ھیں !

تمہیں سُنتی ھوں، تو ۔۔

مُجھ کو قدیمی مندروں سے،

گھنٹیوں اور مسجدوں سے وِرد کی آواز آتی ھے !

تمہارا نام لیتی ھوں، تو ۔

صدیوں قبل کے لاکھوں صحیفوں کے،

مُقدّس لفظ میرا ساتھ دیتے ھیں !

تمہیں چُھو لُوں، تو ۔۔

دُنیا بھر کے ریشم کا مُلائم پن،

میری پَوروں کو آکر گُدگُداتا ھے !

تمہیں گر چُوم لُوں، تو ۔۔

میرے ھونٹوں پر الُوھی، آسمانی،

ناچشیدہ ذائقے یُوں پھیل جاتے ھیں ۔۔

کہ اُس کے بعد مُجھ کو ،

شہد بھی پھیکا سا لگتا ھے !

تمہیں جب یاد کرتی ھوں، تو ۔۔۔

ھر ھر یاد کے صدقے مَیں،

اشکوں کے پرندے چُوم کر آزاد کرتی ھوں !

تمہیں ھنستا ھوا سُن لوں، تو ۔۔

ساتوں سُر سماعت میں سما کر رقص کرتے ھیں !

کبھی تُم روٹھتے ھو، تو ۔۔۔

میری سانسیں اٹکنے اور،

دھڑکن تھمنے لگتی ھے !

تمہارے اور اپنے عشق کی ۔۔۔

ھر کیفیت سے آشنا ھوں مَیں !!

مگر ۔۔۔۔۔۔۔۔۔۔۔ جاناں !!!

تمہیں بالکل بُھلا دینے کی جانے کیفیت کیا ھے !

مجھے محسوس ھوتا ھے ۔۔۔

کہ مرگِ ذات کے احساس سے بھر جاؤں گی فوراً !

تمہیں مَیں بُھولنا چاھوں گی تو ۔۔

مر جاؤں گی فوراً ....!!

کچھ کتابوں کی رازداری ہم

کچھ کتابوں کی رازداری ہم

خشک پھولوں کے نام کرتے ہیں

حال دل کا جگنو جیسا

جلتا جائے بجھتا جائے

بڑے مقدس ھو تم،

میرے ایمان کی طرح.

ﺗﻢ ﮐﻦ ﭘﺮ ﻧﻈﻤﯿﮟ ﻟﮑﮭﺘﮯ ﮨﻮ

ﺗﻢ ﮐﻦ ﭘﺮ ﻧﻈﻤﯿﮟ ﻟﮑﮭﺘﮯ ﮨﻮ

ﺗﻢ ﮐﻦ ﭘﺮ ﮔﯿﺖ ﺑﻨﺎﺗﮯ ﮨﻮ

ﺗﻢ ﮐﻦ ﮐﮯ ﺷﻌﻠﮯ ﺍﻭﮌﮬﺘﮯ ﮨﻮ

ﺗﻢ ﮐﻦ ﮐﯽ ﺁﮒ ﺑﺠﮭﺎﺗﮯ ﮨﻮ

ﺍﮮ ﺩﯾﺪﮦ ﻭﺭﻭ

ﺍﻧﺼﺎﻑ ﮐﺮﻭ

ﺍﺱ ﺁﮒ ﭘﮧ ﺗﻢ ﻧﮯ ﮐﯿﺎ ﻟﮑﮭﺎ؟

ﺟﺲ ﺁﮒ ﻣﯿﮟ ﺳﺐ ﮐﭽﮫ ﺭﺍﮐﮫ ﮨﻮﺍ

ﻣﺮﯼ ﻣﻨﺰﻝ ﺑﮭﯽ، ﻣﺮﺍ ﺭﺳﺘﮧ ﺑﮭﯽ

ﻣﺮﺍ ﻣﮑﺘﺐ ﺑﮭﯽ، ﻣﺮﺍ ﺑﺴﺘﮧ ﺑﮭﯽ

ﻣﺮﮮ ﺑﺴﺘﮯ ﮐﮯ ﻟﺸﮑﺎﺭﮮ ﺑﮭﯽ

ﻣﺮﮮ ﺳﺖ ﺭﻧﮕﮯ ﻏﺒﺎﺭﮮ ﺑﮭﯽ

ﻣﺮﮮ ﺟﮕﻨﻮ ﺑﮭﯽ، ﻣﺮﮮ ﺗﺎﺭﮮ ﺑﮭﯽ

ﺍﮮ ﺩﯾﺪﮦ ﻭﺭﻭ

ﺍﻧﺼﺎﻑ ﮐﺮﻭ

ﻭﮦ ﺭﺍﮦ ﻧﮩﯿﮟ ﺩﯾﮑﮭﯽ ﻣﯿﮟ ﻧﮯ

ﺟﻮ ﻣﮑﺘﺐ ﮐﻮ ﺟﺎﺗﯽ ﮨﮯ

ﺍﺱ ﮨﻮﺍ ﻧﮯ ﻣﺠﮫ ﮐﻮ ﭼﮭﻮﺍ ﻧﮩﯿﮟ

ﺟﻮ ﻧﯿﻨﺪﻭﮞ ﮐﻮ ﻣﮩﮑﺎﺗﯽ ﮨﮯ

ﺍﻭﺭ ﻣﯿﭩﮭﮯ ﺧﻮﺍﺏ ﺩﮐﮭﺎﺗﯽ ﮨﮯ

ﺍﺱ ﮐﺮﺏ ﭘﮧ ﺗﻢ ﻧﮯ ﮐﯿﺎ ﻟﮑﮭﺎ؟

ﺍﮮ ﺩﯾﺪﮦ ﻭﺭﻭ

ﺍﻧﺼﺎﻑ ﮐﺮﻭ

ﻣﺮﯼ ﺗﺨﺘﯽ ﮐﯿﺴﮯ ﺭﺍﮐﮫ ﮨﻮﺋﯽ؟

ﻣﺮﺍ ﺑﺴﺘﮧ ﮐﺲ ﻧﮯ ﭼﮭﯿﻦ ﻟﯿﺎ؟

ﻣﺮﯼ ﻣﻨﺰﻝ ﮐﺲ ﻧﮯ ﮐﮭﻮﭨﯽ ﮐﯽ؟

ﻣﺮﺍ ﺭﺳﺘﮧ ﮐﺲ ﻧﮯ ﭼﮭﯿﻦ ﻟﯿﺎ؟

ﺍﻧﺼﺎﻑ ﮐﺮﻭ ﺍﮮ ﺩﯾﺪﮦ ﻭﺭﻭ

ﺍﻧﺼﺎﻑ ﮐﺮﻭ

,

شہرطلب کرے اگر تم سے علاج تیرگی

شہرطلب کرے اگر تم سے علاج تیرگی 

صاحب اختیار ہو آگ لگا دیا کرو 

مانگ رہے ہو مجھ سے رخصت

مانگ رہے ہو مجھ سے رخصت 

اور خود ہی 

،ہاتھ میں ہاتھ لئے  بیٹھے ہو 

!___تم بھی نا  

ﺗﻤﮩﺎﺭﯼ ﺯﻧﺪﮔﯽ ﻣﯿﮟ ﻣﯿﮟ ﮐﮩﺎﮞ ﭘﺮ ﮨﻮﮞ؟

ﺗﻤﮩﺎﺭﯼ ﺯﻧﺪﮔﯽ ﻣﯿﮟ

ﻣﯿﮟ ﮐﮩﺎﮞ ﭘﺮ ﮨﻮﮞ؟

ﮨﻮﺍﺋﮯ ﺻﺒﺢ ﻣﯿﮟ

ﯾﺎ ﺷﺎﻡ ﮐﮯ ﭘﮩﻠﮯ ﺳﺘﺎﺭﮮ ﻣﯿﮟ

ﺟﮭﺠﮭﮑﺘﯽ ﺑﻮﻧﺪﺍ ﺑﺎﻧﺪﯼ ﻣﯿﮟ

ﮐﮧ ﺑﮯ ﺣﺪ ﺗﯿﺰ ﺑﺎﺭﺵ ﻣﯿﮟ

ﺭﻭ ﭘﮩﻠﯽ ﭼﺎﻧﺪﻧﯽ ﻣﯿﮟ

ﯾﺎ ﮐﮧ ﭘﮭﺮ ﺗﭙﺘﯽ ﺩﻭﭘﮩﺮﻭﮞ ﻣﯿﮟ

ﺑﮩﺖ ﮔﮩﺮﮮ ﺧﯿﺎﻟﻮﮞ ﻣﯿﮟ

ﮐﮧ ﺑﮯ ﺣﺪ ﺳﺮﺳﺮﯼ ﺩُﮬﻦ ﻣﯿﮟ

ﺗﻤﮩﺎﺭﯼ ﺯﻧﺪﮔﯽ ﻣﯿﮟ

ﻣﯿﮟ ﮐﮩﺎﮞ ﭘﺮ ﮨﻮﮞ؟

ﮨﺠﻮﻡِ ﮐﺎﺭ ﺳﮯ ﮔﮭﺒﺮﺍ ﮐﮯ

ﺳﺎﺣﻞ ﮐﮯ ﮐﻨﺎﺭﮮ ﭘﺮ

ﮐِﺴﯽ ﻭﯾﮏ ﺍﯾﻨﮉ ﮐﺎ ﻭﻗﻔﮧ

ﮐﮧ ﺳﮕﺮﭦ ﮐﮯ ﺗﺴﻠﺴﻞ ﻣﯿﮟ

ﺗﻤﮩﺎﺭﯼ ﺍﻧﮕﻠﯿﻮﮞ ﮐﮯ ﺑﯿﭻ

ﮐﻮﺋﯽ ﺑﮯ ﺍﺭﺍﺩﮦ ﺭﯾﺸﻤﯿﮟ ﻓﺮﺻﺖ؟

ﮐﮧ ﺟﺎﻡِ ﺳُﺮﺥ ﺳﮯ

ﯾﮑﺴﺮ ﺗﮩﯽ

ﺍﻭﺭ ﭘﮭﺮ ﺳﮯ

ﺑﮭﺮ ﺟﺎﻧﮯ ﮐﺎ ﺧﻮﺵ ﺁﺩﺍﺏ ﻟﻤﺤﮧ

ﮐﮧ ﺍِﮎ ﺧﻮﺍﺏِ ﻣﺤﺒﺖ ﭨﻮﭨﻨﮯ

ﺍﻭﺭ ﺩُﻭﺳﺮﺍ ﺁﻏﺎﺯ ﮨﻮﻧﮯ ﮐﮯ

ﮐﮩﯿﮟ ﻣﺎﺑﯿﻦ ﺍﮎ ﺑﮯ ﻧﺎﻡ ﻟﻤﺤﮯ ﮐﯽ ﻓﺮﺍﻏﺖ؟ ﺗﻤﮩﺎﺭﯼ

ﺯﻧﺪﮔﯽ ﻣﯿﮟ

ﻣﯿﮟ ﮐﮩﺎﮞ ﭘﺮ ﮨﻮﮞ؟

حکمت

سنو

اس میں بھی کوئی حکمت ہے

جسکو مجھ سے الفت ہے

بے پناہ محبت ہے

اس نے میری قسمت میں

منزلیں تو لکھی ہیں

تجھے ہمسفر نہیں لکھا

،جو دوگے وُہ پلٹ کر آئیگا

،جو دوگے وُہ پلٹ کر آئیگا

،خُواہ وُہ مان ہو یا دھوکہ،

،اُمید ہو یا وسوسہ،

،آنسو ہو یا مُسکان،

،جفاء ہو یا وفا،

،دُعا ہو یا دغا،

،آسانی ہو یا زحمت،

،سکون ہو یا وحشت،

،رحم یا ظُلم و سِتم،

خوشی ہو یا غم۔،۔،

،جو دوگے وُہ پلٹ کر آئیگا-

!___جو دوگے وُہ پلٹ کر آئیگا-

کس کی ہے یہ تصویر جو بنتی نہیں مجھ سے

کس کی ہے یہ تصویر جو بنتی نہیں مجھ سے 

میں کس کا تقاضا ہوں جو پورا نہیں ہوتا 

کل بے وجہ کتاب سے چہرے کو ڈھانپ کر

کل بے وجہ کتاب سے چہرے کو ڈھانپ کر 

تا دیر تیری یاد میں بیٹھا رہا کوئی 

، بحث ، شطرنج ، ﺷﻌﺮ موسیقی

، بحث ، شطرنج ، ﺷﻌﺮ

 موسیقی 

تم نہیں رہے ، تو یہ دلاسے رہے 

فارغ نہ جانیے مجھے مصروف جنگ ہوں میں'

فارغ نہ جانیے مجھے مصروف جنگ 

ہوں میں'

اس چپ سے جو کلام سے آگے نکل گئی 

تم بناؤ___ کسی تصویر میں___ کوئی راستہ

تم بناؤ___ کسی تصویر میں___ کوئی راستہ 

میں بناتا ہوں___ کہیں دور سے ___آتا ہوا  ___میں 

مجھے پاگل سمجھتی ہو

مجھے پاگل سمجھتی  ہو

مجھے معلوم ہے تم اب کہو گی

تم اپنا دھیان رکھنا وقت پر سونا

کسی کی یاد آئے تو نہ رونا

آنے والے دن بہت مشکل ہیں

اور تم خرچ کرتے ہو تو آنکھیں بند رکھتے ہو

مجھے معلوم ہے تم اب کہو گی

تیز رفتاری کے موسم میں بھی تم آہستہ چلنا

اگر ممکن ہو تو اب کے سفر بھی کم ہی کرنا

مجھے معلوم ہے تم جو بھی کہتی اور کرتی ہو

مجھے جلدی سلانے کے لیے تم رات بھر سوتی نہیں ہو

مجھے خوش کرتے کرتے تم نے کتنے دکھ اٹھائے ہیں

مرے کل کے لیے تم نے متاعِ زندگی بھی گروی رکھی ہے

مجھے آہستہ کر کے تم نے میری تیز رفتاری

کے سارے سانحے جھیلے

مجھے معلوم ہے تم جو بھی کہتی اور کرتی ہو

مجھے پاگل سمجھتی ہو۔

وہ ایک لڑکی

اداس لوگوں کی بستیوں میں 

وہ تتلیوں کو تلاش کرتی 

وہ ایک لڑکی . . .

وہ گول چہرہ ، وہ کالی آنکھیں 

جو کرتی رہتی ہزار باتیں 

مزاج سادہ ، ، ، وہ دل کی اچھی 

وہ ایک لڑکی . . .

ساری باتیں وہ دل کی مانے 

وہی کرے وہ ، جو دل میں ٹھانے 

کوئی نا جانے ، ، کیا اس کی مرضی 

وہ ایک لڑکی . . .

وہ چاہتو کے سراب دیکھے 

محبتوں کے وہ خواب دیکھے 

وہ خود سمندر مگر ہے پیاسی 

وہ ایک لڑکی . . .

وہ دوستی کے نصاب جانے 

وہ جانتی ہے عہد نبھانے 

وہ اچھی دوست وہ اچھی ساتھی 

وہ ایک لڑکی . . .

وہ جام چاہت کا پینا چاھے 

وہ اپنے مرضی سے جینا چاھے 

مگر ہے ڈرتی ، ، ، مگر ہے ڈرتی 

وہ ایک لڑکی . . .

محبتوں کا جو فلسفہ ہے 

وہ جانتی ہے ، ، ، اسے پتہ ہے 

وہ پھر بھی رہتی ڈری ڈری سی 

وہ ایک لڑکی . . .

وہ جھوٹے لوگوں کو سچا سمجھے 

وہ ساری دنیا کو اچھا سمجھے 

وہ کتنی سادی ، ، ، وہ کتنی پگلی 

وہ ایک لڑکی

...ﺧﻮﺩ ﺳﮯ ﺭﻭﭨﮭﻮﮞ ﺗﻮ

...ﺧﻮﺩ ﺳﮯ ﺭﻭﭨﮭﻮﮞ ﺗﻮ 

!__ﮐﺌﯽ ﺭﻭﺯ ﻧﮧ ﺑﻮﻟﻮﮞ ﺧﻮﺩ ﺳﮯ 

میں اکثر سوچتی ہوں

میں اکثر سوچتی ہوں 

کہ میرے بس دو سہارے ہیں 

زمیں پہ تم 

اور اوپر 

آسماں پہ وہ خدا

کہ جو 

سب ہی سے پیار کرتا ہے 

میں جب مایوس ہو تی ہوں 

کوئی انجان سا ڈر 

جب کبھی بےچین کرتا ہے 

میں اپنے دو سہاروں کو 

!___بہت سا یاد کرتی ہوں

آیا کچھ اس ادا سے کہ پلکیں بھگو گیا

آیا کچھ اس ادا سے کہ پلکیں بھگو گیا

جھونکا تیرے خیال کا کتنا شدید تها

وہ اپنی ضد پہ قائم تها, ہٹے ہم بهی نہیں پیچهے

وہ اپنی ضد پہ قائم تها, ہٹے ہم بهی نہیں پیچهے

ہوئے برباد یوں دونوں, انا چاہت پہ بهاری تهی

ﻣﯿﮟ ﺭﻭتی ﺭہی ﺭﺍﺕ ﺑﮭﺮ

ﻣﯿﮟ ﺭﻭتی ﺭہی ﺭﺍﺕ ﺑﮭﺮ ﭘﺮ ﻓﯿﺼﻠﮧ ﻧﮧ ﮐﺮ

ﺳکی 

ﺗُﻮ ﯾﺎﺩ ﺁﺭﮨﺎ ﮨﮯ ........... ﯾﺎ ﻣﯿﮟ ﯾﺎﺩ ﮐﺮ ﺭہی

ﮨﻮﮞ

بہت سی کتابیں

بہت سی کتابیں

بہت سی سی ڈیز اور کیسٹس

بہت سی بے تُکی اپائنمنٹ

دوستوں سے فون پر لمبی باتیں

یا پھر اُلجھی راہوں پر چلتے

یوں ہی وقت بیتانا

بے سمت راستوں پر بے وجہ خاک اُڑانا

یا پھر نیٹ کے اُلجھاؤں میں

بے طرح خود کو اُلجھانا

!!.......بے بات ہنسنے کے بہانے

بہت خوش ہوں

دُنیا کو دکھانے کو

کتنے بہانے ڈھونڈتا ہے دل

!......فقط اُسے بھلانے کو