میری ساری دُعائیں

مُجھے یقیین ہے

میری ساری دُعائیں 

جو میرے دِل کے نہاں خانوں سے 

باہر کبھی نِکلی ہی نہیں 

وہ دُعائیں جنہیں میں 

خود سے بھی چھپ کہ مانگتی ہوں 

وہ دُعائیں بھی 

اُس تک 

جاتی تو ہیں 

تبھی تو کِسی روز اچانک 

قبولیت کی دستار پہن کر 

حقیقت میں ڈھل جاتی ہیں

ایسی ہی ایک دُعا 

میں نے خود سے چُھپ کر مانگی ہے 

گھنٹوں خود پہ نظر رکھی 

تب خود کی آنکھ سے اوجھل ہو کر 

یہ جسارت کر پائی ہوں ۔۔ 

بس تم میرے ساتھ رہو

اور 

جب تم گھر سے باہر جاؤ 

فرشتے تمھاری ڈھال بنیں 

ہر اُس آنکھ سے تم کو بچائیں 

جو ہم دونوں کو دُور کرے ۔۔ آمین