یرے نفس نے مجھے نصیحت کی

میرے نفس نے مجھے نصیحت کی اور بتایا کہ میں اس سے

محبت کروں، جس سے لوگ نفرت کرتے ہیں اور اس سے خلوص برتوں، جس سے لوگ بغض و کینہ رکھتے ہیں۔ اس نے مجھ پر واضح کیا کہ محبت چاہنے والے کا نہیں، چاہے جانے والے کا امتیاز ہے۔

اور اپنے نفس کے نصیحت کرنے سے پہلے محبت میرے لیئے ایک باریک دھاگا تھی، جو پاس پاس گڑھی ہوئی دو میخوں کے درمیان کسا ہوا تھا۔ لیکن اب اس نے ایک ہالے کی صورت اختیار کرلی ہے، جس کا اول، آخر ہے اور آخر اول۔ جو ہر موجود کو محیط ہے، اور آہستہ آہستہ پھیل رہا ہے تاکہ آیندہ جو بھی عرصئہ وجود پر قدم رکھنے والا ہو، اسے اپنی 

آغوش میں سمیٹ لے۔