ﻣﯿﮟ ﻣِﭧ ﮔﺌﯽ ﮨﻮﮞ ﻣﮕﺮ ﺟﺎﻭِﺩﺍﮞ ﺍﺩﺍﺳﯽ ﮨﮯ

ﻣﯿﮟ ﻣِﭧ ﮔﺌﯽ ﮨﻮﮞ ﻣﮕﺮ ﺟﺎﻭِﺩﺍﮞ ﺍﺩﺍﺳﯽ ﮨﮯ

ﺭﮔﻮﮞ ﻣﯿﮟ ﺧﻮﻥ ﻧﮩﯿﮟ ﺑَﺲ ﺭَﻭﺍﮞ ﺍﺩﺍﺳﯽ ﮨﮯ

ﺯﻣﯿﮟ ﺍﺩﺍﺳﯽ ﮨﮯ ، ﺍﺏ ﺁﺳﻤﺎﮞ ﺍﺩﺍﺳﯽ ﮨﮯ

ﻣﺮﮮ ﻟﺌﯿﮯ ﺗﻮ ﻣﺮﺍ ﮐُﻞ ﺟﮩﺎﮞ ﺍﺩﺍﺳﯽ ﮨﮯ

ﺧﻤﯿﺮ ﮔﻮﻧﺪﮬﺎ ﮔﯿﺎ ﻣﯿﺮﺍ ﺑﯿﻘﺮﺍﺭﯼ ﺳﮯ

ﺑﺪﻥ ﻣﯿﮟ ﭘﮭﻮﻧﮏ ﺟﻮ ﮈﺍﻟﯽ ، ﻭﮦ ﺟﺎﮞ ﺍﺩﺍﺳﯽ ﮨﮯ

ﺯﻣﯿﻦِ ﻗﻠﺐ ﮐﻮ ﺍﺷﮑﻮﮞ ﺳﮯ ﻧﺮﻡ ﮐﺮ ﮐﮯ ﭘﮭﺮ

ﺟﻮ ﺩﺭﺩ ﺑﻮﮰ ، ﻭﮨﯽ ﺑﺎﻏﺒﺎﮞ ﺍﺩﺍﺳﯽ ﮨﮯ

ﯾﮧ ﻗﮩﻘﮩﻮﮞ ﺳﮯ ﭼﮭﻠﮑﺘﯽ ﮨﮯ ﺳﻮﺯ ﮐﯽ ﺻﻮﺭﺕ

ﮐﮩﯿﮟ ﮨﻨﺴﯽ ﻣﯿﮟ ﺑﮭﯽ ﺟﯿﺴﮯ ﻧِﮩﺎﮞ ﺍﺩﺍﺳﯽ ﮨﮯ

ﮐﺴﯽ ﮐﯽ ﺁﺱ ﻣﯿﮟ ﺳُﻠﮕﺎ ﺟﻮ ﺭﺍﺕ ﺑﮭﺮ ﺗﻨﮩﺎ

ﺑُﺠﮭﮯ ﭼﺮﺍﻍ ﺳﮯ ﺍﭨﮭﺘﺎ ﺩﮬﻮﺍﮞ ، ﺍﺩﺍﺳﯽ ﮨﮯ

ﺳﻮﺍﻟﯽ ﺑﻦ ﮐﮯ ﺩﺭِ ﻋﺸﻖ ﭘﺮ ﮐﮭﮍﯼ ﮨﻮﮞ ﻣﯿﮟ

ﻣِﺮﮮ ﻟﺒﺎﺱ ﺳﮯ ﺩﯾﮑﮭﻮ ، ﻋﯿﺎﮞ ﺍﺩﺍﺳﯽ ﮨﮯ

ﺍﻧﺪﮬﯿﺮﺍ ﺑﻦ ﮐﮯ ﮐﺒﮭﯽ ﭼﮭﺎﮰ ﭼﺎﺭ ﺳُﻮ ﻣﯿﺮﮮ

ﺑُﺠﮭﯽ ﺭُﺗﻮﮞ ﻣﯿﮟ ﮐﺒﮭﯽ ﺿﻮ ﻓِﺸﺎﮞ ﺍﺩﺍﺳﯽ ﮨﮯ

ﻃﻮﯾِﻞ ﺭﺍﺗﻮﮞ ﻣﯿﮟ ﺍﭘﻨﺎ ﯾﮩﯽ ﮨﮯ ﺳﺮﻣﺎﯾﮧ

ﺧﯿﺎﻝِ ﯾﺎﺭ ﮨﮯ ، ﺍِﮎ ﻣﮩﺮﺑﺎﮞ ﺍﺩﺍﺳﯽ ﮨﮯ