ﺳﺮﻣﺌﯽ ﻧﯿﻨﺪ ﮐﯽ ﺑﺎﺯﮔﺸﺖ

 

ﺳﺮﻣﺌﯽ ﻧﯿﻨﺪ ﮐﯽ ﺑﺎﺯﮔﺸﺖ

ﺍﺩﺍﺳﯽ ﻣﺠﮭﮯ ﺗﺨﻠﯿﻖ ﮐﺮﺗﯽ ﮨﮯ

ﮨﺮ ﺭﻭﺯ ﺍﯾﮏ ﻧﺌﯽ ﻧﻈﻢ ﻣﯿﮟ

ﻣﯿﮟ ﺟﻨﮕﻠﻮﮞ ﺍﻭﺭ ﭘﮩﺎﮌﻭﮞ ﮐﮯ ﮔﯿﺖ ﺳﻨﺘﺎ ﮨﻮﮞ

ﺍﻭﺭ ﺯﻣﺎﻧﻮﮞ ﮐﯽ ﻗﺪﺍﻣﺖ ﻣﯿﮟ ﮔﻮﻧﺠﺘﺎ ﮨﻮﮞ

ﻣﯿﮟ ﺑﮯ ﮔﺰﺭ، ﺩﺭﺍﺯ ﺭﺍﺳﺘﻮﮞ ﮐﺎ ﺭﺍﮒ ﮨﻮﮞ

ﺍﻭﺭ ﮨﻮﺍ ﮐﮯ ﻗﺪﻣﻮﮞ ﮐﯽ ﺳُﺮ ﻣﻠﯽ ﺻﺪﺍ

ﻣﯿﮟ ﺭﺍﺗﻮﮞ ﮐﺎ ﺁﺭﮐﺴﭩﺮﺍ ﮨﻮﮞ

ﺍﻭﺭ ﺩﻧﻮﮞ ﮐﮯ ﺍﻟﺒﻢ ﻣﯿﮟ ﻣﺤٖﻔﻮﻅ ﮐﯿﺎ ﮨﻮﺍ ﻧﻐﻤﮧِ ﺳﺎﺯ

ﻣﯿﮟ ﺯﻧﺪﮔﯽ ﮐﮯ ﺷﻮﺭ ﻣﯿﮟ ﺳﻨﺎﺋﯽ ﻧﮩﯿﮟ ﺩﻭﮞ ﮔﺎ

ﺩﻧﯿﺎ ﺳﻤﺎﻋﺖ ﮐﺎ ﺩﮬﻮﮐﺎ ﮨﮯ

ﺻﺮﻑ ﺍﯾﮏ ﺩﮬﻤﺎﮐﮯ ﮐﯽ ﻣﺎﺭ

ﺟﮩﺎﮞ ﻣﺤﺒﺖ ﮐﯽ ﺁﻭﺍﺯ

ﮨﻮﺍ ﮐﯽ ﺳﺮﮔﻮﺷﯿﻮﮞ ﮐﮯ ﺳﻨﮓ

ﺁﺑﺎﺩﯾﻮﮞ ﮐﮯ ﺁﺱ ﭘﺎﺱ ﺑﮭﭩﮑﺘﯽ ﺭﮨﺘﯽ ﮨﮯ

ﺍﻭﺭ ﮔﮭﺮﻭﮞ ﺍﻭﺭ ﺩﻟﻮﮞ ﻣﯿﮟ ﺩﺍﺧﻞ ﮨﻮﻧﮯ ﺳﮯ ﮔﮭﺒﺮﺍﺗﯽ ﮨﮯ

ﺍﻭﺭ ﺟﮩﺎﮞ ﺑﻮﮌﮬﯽ ﺁﺗﻤﺎﺋﯿﮟ

ﺟﻮﺍﻥ ﺟﺴﻤﻮﮞ ﮐﮯ ﺍﻧﺪﺭ ﺑﮭﻨﮕﮍﺍ ﮈﺍﻟﺘﯽ ﮨﯿﮟ

ﺍﮮ ﺧﺎﻣﻮﺵ ﺳﻤﻔﻨﯽ ﮐﮯ ﺧﺪﺍ !

ﺑﺎﺩﻟﻮﮞ ﮐﮯ ﭘﺮﻭﮞ ﮐﯽ ﺳﺮﺳﺮﺍﮨﭩﯿﮟ

ﺻﺮﻑ ﻣﺠﮭﮯ ﮐﯿﻮﮞ ﺳﻨﺎﺋﯽ ﺩﯾﺘﯽ ﮨﯿﮟ؟

ﺑﭽﮯ ﺍﭘﻨﮯ ﺍﭘﻨﮯ ﮐﻤﺮﻭﮞ ﻣﯿﮟ ﺳﮑﻮﻥ ﮐﯽ ﻧﯿﻨﺪ ﺳﻮ ﺭﮨﮯ ﮨﯿﮟ

ﺍﻭﺭ ﺑﺎﮨﺮ ﺑﺎﺭﺵ

ﮐﻮﺋﯽ ﻧﺌﯽ ﺩُﮬﻦ ﺗﺮﮐﯿﺐ ﺩﯾﻨﮯ ﻣﯿﮟ ﻣﺼﺮﻭﻑ ﮨﮯ

ﺩﺭﻭﺍﺯﮮ ﺍﻧﺪﺭ ﺳﮯ ﺑﻨﺪ ﮨﯿﮟ

ﺍﻭﺭ ﮐﮭﮍﮐﯿﺎﮞ ﭨﯿﺮﺱ ﮐﯽ ﻃﺮﻑ ﻣﻨﮧ ﮐﮭﻮﻟﮯ ﮨﻮﺋﮯ ﺑﯿﭩﮭﯽ ﮨﯿﮟ

ﺍﻭﺭ ﻣﯿﮟ ﭨﯿﺒﻞ ﻟﯿﻤﭗ ﮐﯽ ﻣﺤﺪﻭﺩ ﺭﻭﺷﻨﯽ ﻣﯿﮟ ﺳﻮﭺ ﺭﮨﺎ ﮨﻮﮞ

ﮐﮧ ﮐﭽﮫ ﮐﺘﺎﺑﯿﮟ ﭘﮍﮬﮯ ﺑﻐﯿﺮ ﺧﺘﻢ ﮐﯿﻮﮞ ﮨﻮ ﺟﺎﺗﯽ ﮨﯿﮟ

ﺍﻭﺭﺟﻮ ﺷﺐ ﮔﺰﺍﺭ

ﺻﺒﺢ ﮐﺎ ﺳﻮﺭﺝ

ﺍﻭﺭ ﺷﺎﻡ ﮐﺎ ﺳﺘﺎﺭﮦ ﻧﮩﯿﮟ ﺑﻦ ﺳﮑﺘﮯ

ﻭﮦ ﮐﮩﺎﮞ ﻃﻠﻮﻉ ﮨﻮﺗﮯ ﮨﯿﮟ ؟

ﺭﺍﺕ ﮐﺎ ﺳﻨﺎﭨﺎ ﺧﺘﻢ ﮨﻮﻧﮯ ﺳﮯ ﭘﮩﻠﮯ

ﻣﺠﮭﮯ ﺧﻮﺍﺏ ﮐﮯ ﺍُﺱ ﺳﺮﮮ ﮐﯽ ﻃﺮﻑ ﺟﺎﻧﺎ ﮨﮯ

ﺟﮩﺎﮞ ﮐﺴﯽ ﺁﻧﮑﮫ، ﮐﺴﯽ ﺻﺒﺢ ﮐﮯ ﺁﺛﺎﺭ ﻧﮩﯿﮟ

ﺑﺲ ﺳﺮﻣﺌﯽ ﻧﯿﻨﺪ ﮨﮯ

ﻻﺷﻮﮞ ﺍﻭﺭ ﻣﭽﮭﻠﯿﻮﮞ ﮐﯽ ﻃﺮﺡ

ﺍﯾﮏ ﺩﻭﺳﺮﯼ ﮐﮯ ﺍﻭﭘﺮ ﮈﮬﯿﺮ ﮐﯽ ﮨﻮﺋﯽ

ﻣﺴﻠﺴﻞ ﻧﯿﻨﺪ ۔۔۔۔۔۔

ﻣﺠﮭﮯ ﺍﺱ ﻧﯿﻨﺪ ﮐﯽ ﺑﺎﺯﮔﺸﺖ ﺳﻨﺎﺋﯽ ﺩﮮ ﺭﮨﯽ ﮨﮯ