ﻭﮦ ﺟﺐ ﺟﺐ ﻣﻠﻨﮯ ﺁﺗﯽ ﺗﮭﯽ

 

 

ﻭﮦ ﺟﺐ ﺟﺐ ﻣﻠﻨﮯ ﺁﺗﯽ ﺗﮭﯽ

ﮐﭽﮫ ﻧﮧ ﮐﭽﮫ ﺑﮭﻮﻝ ﮐﮯ ﺟﺎﺗﯽ ﺗﮭﯽ

ﻣﯿﺮﺍ ﮐﻤﺮﺍ ﺑﮭﺮﺍ ﭘﮍﺍ ﺍﺳﮑﯽ ﭼﮭﻮﭨﯽ ﭼﮭﻮﭨﯽ ﭼﯿﺰﻭﮞ ﺳﮯ۔۔۔۔ !!:

ﯾﮧ ﮨﯿﺌﺮ ﭘﻨﺰ، ﺑﺎﻝ ﺑﻨﺪﮬﮯ ﺗﻮ ﺳﺰﺍ ﻟﮕﺘﺎ ﺗﮭﺎ ﺍﺳﮯ

ﯾﮧ ﺍﻧﮕﻮﭨﮭﯽ، ﻣﯿﮟ ﻧﮯ ﮐﮩﺎ ﺗﮭﺎ ﮐﮧ

ﮐﯿﺴﯽ ﺑﮭﺪﯼ ﺳﯽ ﮨﮯ، ﺗﻮ ﯾﮩﯿﮟ ﺭﮐﮫ ﭼﮭﻮﮌﯼ

ﯾﮧ ﺍﻭﭘﺮ ﺳﮯ ﭼﺒﺎﺋﯽ ﭘﻨﺴﻞ، ﺑﮭﻮﮐﯽ ﮐﮩﯿﮟ ﮐﯽ

ﯾﮧ ﭼﮭﻮﭨﯽ ﺳﯽ ﻧﻮﭦ ﺑﮏ، ﺑﮍﮮ ﺑﮍﮮ ﺧﻮﺍﺏ ﻟﮑﮭﺘﯽ ﺗﮭﯽ ﺍﺱ ﻣﯿﮟ

ﯾﮧ ﭨﻮﭨﯽ ﮨﻮﺋﯽ ﭼﻮﮌﯾﺎﮞ، ﻣﺠﮭﮯ ﻣﺎﺭﻧﮯ ﮐﻮ ﺍﭨﮭﯽ ﺗﮭﯽ ﺍﻭﺭ ﺩﯾﻮﺍﺭ ﻣﯿﮟ ﺟﺎ ﻟﮕﯽ

ﮐﯿﺴﮯ ﺑﭽﻮﮞ ﮐﯽ ﻃﺮﺡ ﭘﮭﻮﭦ ﭘﮭﻮﭦ ﮐﮯ ﺭﻭﺋﯽ ﺗﮭﯽ، ﺗﻮﺑﮧ

ﯾﮧ ﺑﺎﻧﻮ ﻗﺪﺳﯿﮧ ﮐﺎ ﻧﺎﻭﻝ، ﺁﺩﮬﺎ ﭘﮍﮬﺎ ﺍﻭﺭ ﯾﮩﺎﮞ ﭼﮭﻮﮌ ﺩﯾﺎ

ﺍﻭﺭ ﯾﮧ ﺑﺮﺳﻮﮞ ﭘﺮﺍﻧﯽ ﺟﯿﮑﭧ، ﺟﺎﻧﮯ ﮐﯿﺎ ﺍﭼﮭﺎ ﻟﮕﺘﺎ ﺗﮭﺎ ﺍﺱ ﻣﯿﮟ ﺍﺳﮯ

ﺳﺎﻧﺲ ﻧﮩﯿﮟ ﻟﯿﺘﯽ ﺗﮭﯽ ﺍﺳﮑﮯ ﺑﻐﯿﺮ

ﺍﺏ ﺩﯾﮑﮭﻮ ﭘﭽﮭﻠﯽ ﺳﺮﺩﯾﻮﮞ ﺳﮯ ﯾﮩﯿﮟ ﺩﮬﺮﯼ ﮨﮯ

ﭘﮭﺮ ﯾﻮﮞ ﮨﻮﺍ ﺑﮩﺖ ﻣﺪﺕ ﻧﮩﯿﮟ ﺁﺋﯽ ﻭﮦ ﻣﺠﮫ ﺳﮯ ﻣﻠﻨﮯ

ﮐﯿﺴﺎ ﺳﻨﺎﭨﺎ ﺭﮨﺎ ﮐﺮﺗﺎ ﺗﮭﺎ ﺍﻥ ﺩﻧﻮﮞ ﺍﺱ ﮐﻤﺮﮮ ﻣﯿﮟ

ﺁﺝ ﺁ ﺭﮨﯽ ﮨﮯ ﻣﻠﻨﮯ ﻣﺠﮫ ﺳﮯ، ﮐﮩﺘﯽ ﺗﮭﯽ

ﺁﺧﺮﯼ ﺍﻟﻮﺩﺍﻉ ﺿﺮﻭﺭﯼ ﮨﮯ

ﻣﯿﮟ ﻧﮯ ﺑﮭﯽ ﮐﮩﮧ ﺩﯾﺎ ﺍﺏ ﮐﭽﮫ ﺑﮭﻮﻝ ﮐﮯ ﻣﺖ ﺟﺎﻧﺎ

ﺁﺋﯽ، ﮐﭽﮫ ﺩﯾﺮ ﺭﮐﯽ، ﻧﮧ ﮐﻮﺋﯽ ﺑﺎﺕ، ﻧﮧ ﭼﯿﺖ

ﭼﭙﮑﮯ ﭼﭙﮑﮯ ﺭﻭﺗﯽ ﺭﮨﯽ ﺍﻭﺭ ﭘﮭﺮ ﭼﻠﯽ ﮔﺌﯽ