ﭘﻠﭧ ﺁﺅ
ﮐﮧ ﺧﻮﺍﺑﻮﮞ ﮐﯽ ﺯﻣﯿﻨﻮﮞ ﭘﺮ
ﮐﺴﯽ ﺩﻧﯿﺎ ﮐﯽ ﺷﮩﺰﺍﺩﯼ
ﮐﺌﯽ ﻗﺮﻧﻮﮞ ﮐﺌﯽ ﺻﺪﯾﻮﮞ ﺳﮯ
ﺗﯿﺮﯼ ﯾﺎﺩ ﮐﯽ ﭼﮭﺎﺅﮞ ﻣﯿﮟ ﺑﯿﭩﮭﯽ ﮨﮯ
ﺍﺳﮯ ﺍﺫﻥ ﺣﻀﻮﺭﯼ ﺩﻭ
ﮐﮧ ﺍﺱ ﮐﯽ ﻣﻨﺠﻤﺪ ﺑﺮﻓﺎﺏ ﺁﻧﮑﮭﻮﮞ ﻣﯿﮟ
ﺧﻮﺷﯽ ﮐﯽ ﺗﺘﻠﯿﺎﮞ ﺍﺗﺮﯾﮟ
-
ﭘﻠﭧ ﺁﺅ
ﮐﮧ ﺍﺏ ﺑﮭﯽ ﺷﮩﺮ ﮐﯽ ﮔﻠﯿﺎﮞ
ﺗﻤﮭﺎﺭﮮ ﭘﺎﺅﮞ ﮐﯽ ﺣﺪﺕ ﭘﮧ ﻣﺮﺗﯽ
ﺑﺲ ﺗﻤﮭﯿﮟ ﺁﻭﺍﺯ ﺩﯾﺘﯽ ﮨﯿﮟ
ﺩﯾﺌﮯ ﮨﺮ ﺁﻧﮯ ﻭﺍﻟﮯ ﺳﮯ
ﺗﻤﮭﺎﺭﺍ ﭘﻮﭼﮭﺘﮯ ﮨﯿﮟ
ﺍﻭﺭ ﺩﺭﻭﺍﺯﮮ... ﺗﻤﮭﺎﺭﯼ ﺁﮨﭩﻮﮞ ﻣﯿﮟ ﮔﻢ
ﻣﮕﺮ ﺗﻢ ؟
ﺩﻭﺭﯾﻮﮞ ﮐﮯ ﺷﮩﺮ ﺳﮯ ﺑﮭﯽ ﺩﻭﺭ ﺑﯿﭩﮭﮯ ﮨﻮ
ﺟﮩﺎﮞ ﺁﻭﺍﺯ ﺑﮭﯽ ﺟﺎﻧﮯ ﺳﮯ ﮈﺭﺗﯽ ﮨﮯ
-
ﭘﻠﭧ ﺁﺅ
ﮐﮧ ﺍﺏ ﺑﮭﯽ ﺭﺍﺳﺘﮯ ﺍﻣﯿﺪ ﮐﯽ ﺧﻮﺷﺒﻮ ﺳﮯ ﻣﮩﮑﮯ ﮨﯿﮟ
ﮐﮧ ﺗﻨﮩﺎﺋﯽ
ﮨﻤﺎﺭﯼ ﺭﻭﺡ ﮐﮯ ﺳﺎﺣﻞ ﭘﮧ ﺟﺐ ﺑﮭﯽ ﺑﯿﻦ ﮐﺮﺗﯽ ﮨﮯ
ﺗﻤﮭﺎﺭﺍ ﻧﺎﻡ ﻟﯿﺘﯽ ﮨﮯ
ﮨﻮﺍ ﺟﺐ ﮔﻨﮕﻨﺎﺗﯽ ﮨﮯ
ﺗﻮ ﺍﺱ ﮐﮯ ﺳﺮﻣﺌﯽ ﮨﻮﻧﭩﻮﮞ ﺳﮯ
ﺗﯿﺮﮮ ﺩﺭﺩ ﻣﯿﮟ ﮈﻭﺑﮯ ﮨﻮﺋﮯ ﻟﻤﺤﻮﮞ ﮐﯽ
ﮐﭽﯽ ﺑﻮﺭ ﺍﮌﺗﯽ ﮨﮯ
-
ﭘﻠﭧ ﺁﺅ
ﮐﮧ ﺍﺏ ﮨﻢ ﺩﯾﻮﺗﺎﺅﮞ ﮐﯽ ﻃﺮﺡ ﺧﺎﻣﻮﺵ ﺭﮦ ﺭﮦ ﮐﺮ
ﺗﻤﮭﺎﺭﮮ ﮨﺠﺮ ﮐﮯ ﺁﺯﺍﺭ ﺳﮩﮧ ﺳﮩﮧ ﮐﺮ
ﺑﮩﺖ ﮨﯽ ﺗﮭﮏ ﭼﮑﮯ ﮨﯿﮟ
ﮨﻤﯿﮟ ﺍﺏ ﻧﯿﻨﺪ ﮐﮯ ﻟﻤﺒﮯ ﺳﻔﺮ ﭘﺮ ﻟﻮﭦ ﺟﺎﻧﺎ ﮨﮯ
ﺟﮩﺎﮞ ﮨﻢ ﻧﮯ
ﺯﻣﺎﻧﮯ ﮐﯽ ﻧﮕﺎﮨﻮﮞ ﺳﮯ ﭘﺮﮮ
ﺍﮎ ﺍﻭﺭ ﮨﯽ ﻣﻨﻈﺮ ﺑﺴﺎﻧﺎ ﮨﮯ
-
ﭘﻠﭧ ﺁﺅ
ﮐﮧ ﯾﮧ ﻟﻤﺤﮯ
ﮨﻤﺎﺭﺍ ﻣﺎﺱ ﮐﮭﺎﻧﮯ ﭘﺮ ﺗﻠﮯ ﮨﯿﮟ
ﺯﻧﺪﮔﯽ ﺑﺎﺭﻭﺩ ﺑﻦ ﮐﺮ ﺟﺴﻢ ﻭ ﺟﺎﮞ ﻣﯿﮟ ﺩﻭﮌﺗﯽ ﮨﮯ
ﺁﻧﮑﮫ ﭘﺘﮭﺮﺍﺋﯽ ﮨﻮﺋﯽ ﮨﮯ
ﮨﺎﺗﮫ ﺷﻞ ﮨﯿﮟ
ﺍﻭﺭ ﮨﻢ ﭘﮧ ﻣﻮﺕ ﺳﯽ ﭼﮭﺎﺋﯽ ﮨﻮﺋﯽ ﮨﮯ
-
ﭘﻠﭧ ﺁﺅ
ﮐﮧ ﺩﻝ ﮐﯽ ﺩﮬﮍﮐﻨﯿﮟ ﺍﺏ ﺑﮭﯽ
ﺗﻤﮭﺎﺭﯼ ﻧﺎﻡ ﮐﯽ ﺗﺴﺒﯿﺢ
!ﺻﺒﺢ ﻭ ﺷﺎﻡ ﭘﮍﮬﺘﯽ ﮨﯿﮟ
No comments:
Post a Comment