عشق کی ٹیسیں ، جو مضرابِ رگِ جاں ھو گئیں
رُوح کی مدھوش بیداری کا ساماں ھو گئیں
پیار کی میٹھی نظر سے ، تُو نے جب دیکھا مجھے
تلخیاں سب زندگی کی ، لطفِ ساماں ھو گئیں
اب لبِ رنگیں پہ نوریں مسکراھٹ ؟ کیا کہوں
بجلیاں گویا ، شفق زاروں میں رقصاں ھو گئیں
ماجرائے شوق کی بے باکیاں ان پر نثار
ھائے وہ آنکھیں ، جو ضبطِ غم میں گریاں ھو گئیں
چھا گئیں دشواریوں پر , میری سہل انگاریاں
مشکلوں کا اِک خیال آیا , کہ آساں ھو گئیں
No comments:
Post a Comment