عید مبارک

السلامُ علیکم و رحمۃ اللہ وبرکاتہ

-

عید مبارک کہنا یا عید کی خوشی کا اظہار کرنے کا بھی ہر ایک کا الگ الگ انداز ہوتا ہے ۔ کچھ لوگ ڈھونڈ ڈھونڈ کر اتنے ثقیل الفاظ کا چناؤ کرتے ہیں اپنی نیک خواہشات اور جذبات کے اظہار کے لئے کہ پڑھنے والے کو بھی پڑھنے ڈال دیتے ہیں۔۔۔ اس کے بعد آتے ہیں وہ عقل مند لوگ جو دوسروں کے بھیجے گۓ پیغامات کو جوں کا توں آگے روانہ کر دیتے ہیں شائد بنا پڑھے ہی ، پیغام وصول کرنے والا جب پیغام پڑھتا ہے تو ایک شدید حیرت کا شکار ہوجاتا ہے کہ میرا/ میری کوئی تمہارا/تمہاری بھی ہے اور میں ہی لاعلم ہوں

اور کچھ لوگ بس جب دیکھو ہر کسی پر تنقید کرتے رہتے ہیں حتی کہ عید کے پرمسرت موقع پر بھی! 

آپ لوگ میری طرف ایسے کیوں دیکھ رہے ہیں 

میں تو بس کہ رہی تھی ۔۔۔۔۔

“عید مبارک”

کہنا بھی اک فن ہے 

سو عید کا تیسرا دن بہت بہت مبارک ہو