وہ لحاظ تھا یا حصار تھا ، کہ ہمیشہ جس میں بندھی رہی

ترے ہجر میں ، تری آس میں ، مُجھے کیا ملا تری پیاس میں

یہ حیات ساری گُذر گئی ، تُجھے دیکھنے کو ترس گئی

۔

مری سوچ پر ، مری فکر پر ، رہا سایہ تیرے خیال کا

یہ ُجنون اتنا بڑھا کہ میں ، تُجھے ملنے مثل ِ مَگس گئی

وہ لحاظ تھا یا حصار تھا ، کہ ہمیشہ جس میں بندھی رہی

نہ نکل سکی،نہ میں کُھل سکی،مری ڈور ایسی تھی کَس گئی

۔

میں سؔبیلہ ایسی ہوں فاختہ ،جو بہت دنوں سے تھی قید میں

جو رِہا ہُوئی تو نہ اُڑ سکی ، سو دوبارہ سُوۓ قَفس گئی

سؔبیلہ انعام صدیقی