موسم نے بدلنا شروع کر دیا ہے

سُنو
 ،موسم نے بدلنا شروع کر دیا ہے
اب آسمان کو شام کی چادر اوُڑھنے کی بہت جلدی ہونے لگی ہے۔۔۔
آہستہ آہستہ... راتیں طویل ہو جائیں گی اور دن چھوٹے
جاڑے کی رات
!......تم جانتے ہو نا
کیسی خاموشی اور ویرانی ہوتی ہے ان راتوں میں
کیا کرؤ گے تم
جب یہ خامشی تمہارے اندر شور کرے گی تو؟؟؟
اپنےگھر کی چھوٹی سی دیوار پر بیٹھ کر
جب تم زمین کو دیکھو گے تو کس سے گفتگو کرو گے؟؟
جب تمہیں اپنے دل کی دھڑکن صاف سُنائی دے گی تو کیا اُس میں میرا نام نہ ہو گا؟؟؟
سُنو
اس بار تم مجھ سے نہیں
بلکہ اس بار تم میری
....باتیں کرنا
فضا میں گونجتی اس خاموشی کو
تم ہماری داستان سُنانا
لازوال محبت کی داستان
!!......بے مثال ہجر کی داستان