وہ مان جاتا ہے ـ

وہ مان جاتا ہے ـ یہ اُسکی سب سے خوبصورت صفت ہے ـ ہم مجبور ہو کر اسکی نہیں مانتے ـ وہ بااختیار ہو کر ہم سے مان جاتا ہے ـ جب ہم گمراہیوں اور غفلتوں کے ٹوکرے اٹھا کر اس کے در پر جاتے ہیں ـ وہ دھتکار نہیں دیتا ـ پھٹکار نہیں دیتا ـ پچھلی توبہ یاد نہیں دلاتا ـ گناہوں کا حجم نہیں بتاتا ـ رد نہیں کرتا ـ اٹھا نہیں دیتا ـ بھگا نہیں دیتا ـ دل میں اترتا ہے ـ نیتوں کو پڑھ لیتا ہے ـ ندامت کو دیکھ لیتا ہے اور بندگی کو بھانپ لیتا ہے ـ وہ خوش ہو جاتا ہے ـ احسان کرتا ہے ـ اور معاف کر دیتا ہے ـ!