سب خواہشیں تھیں سراب سی
بلبلہِ آب سی
میرے خواب نکلے ہیں رائیگاں
محض سمے کا زیاں
زیست ہے ایک کٹھن سوال
بنا ہے جو جاں کا وبال
چاہِ اجل بھی گناہ ہوئی
اور زندگی بھی سزا ہوئی
امیدیں سب گھائل سی ہیں
میری ہمتیں زائل سی ہیں
نارسائی کے سبھی عذاب سہتے تھک چکی میں
کھونے والوں کے غموں کو روتے روتے تھک چکی میں
اس پہ پھر حالات کی ستم ظریفی دیکھئے
میرے مقدر پہ چھائی تیرگی بھی دیکھئے
اختیار میں میرے فرار کی کوئی راہ بھی نہیں رہی
دلِ مضطرب کو اب قرار کی کوئی چاہ بھی نہیں رہی ۔
No comments:
Post a Comment