خود کلامی

خود کلامی 🥀

تم نے ٹھیک سمجھا ۔۔۔

زندگی پانیوں میں تیرتے ھوئے جزیرے پر ۔۔۔

خود رو گھاس کی طرح بـے معنی اور خوبصورت ھے ۔۔۔

تم نے ٹھیک سمجھا ۔۔۔

وقت دلوں سے لپٹ کر ۔۔۔

آس اور نراس کا ہر قطرہ نچوڑ دیتا ھے ۔۔۔

وقت ایک بھاری جاذب جس مِیں ۔۔۔

مَیں اور تو بوندوں کی طرح گرتے رھتے ھیں ۔۔۔

تو اور میں ازل سے ابد تک ۔۔۔

چلنے والے ایک مسلسل واہمے کے خال و خد ۔۔۔

بوجھل پلکوں سے اُس پار کے اندھیرے کو ۔۔۔

جھٹکتے ھوئے ایک دوجے کو صدیوں سے گھورتے چلے آ رھے ھیں ۔۔۔

۔

تم نے ٹھیک سمجھا ۔۔۔

کہ نیند ایک بـے پناہ آغوش کا لمس ۔۔۔

کہ رات سب وقتوں کی ایک سچائی ۔۔۔

اور صبح کی مقدس روشنی ۔۔۔

اس سکوت میں چلنے والے ایک لمحے کی کروٹ ۔۔۔

اس سناٹے میں دراڑ جو زمان و مکان پر چھاۓ ھوئے گھنے ابر کی چادر ھے ۔۔۔

جس سے ہمارے ناموں کی ڈوریاں بندھی ھیں ۔۔۔

ہاں ۔۔۔

لمحہ صدیوں پر بھاری ھوتا ھے ۔۔۔

لمحہ جو تیری میری آنکھوں کے کھلنے کا جواز ھے ۔۔۔

لمحہ جو عافیت کی بـے خودی میں سرشار ۔۔۔

ایک مسلسل رقص ھے ۔۔۔

لمحہ جو تو ھے ۔۔۔

لمحہ جو میں ھوں ۔۔۔

تم نے ٹھیک سمجھا ۔۔۔

کہ سمجھ لینے میں کبھی نہ ھونے کا خوف ھی ہمارا رشتہ ھے ۔۔۔

جو کسی وقت بھی ٹوٹ سکتا ھے ۔۔