چلو آج ہاتھ سے پھسل چکے سال کے

چلو آج ہاتھ سے پھسل چکے سال کے 

تمام لمحیں یاد کرلیتے ہیں

وہ باتیں جن پہ اختلافات بڑھنے کے ڈر سے 

چپ سادھ لی تھی ہم نے 

وہ سب بول دیتے ہیں

کچھ خدشے بھی تو دامن سے لپٹے رہتے تھے 

انکو بھی ہواؤں کے سپرد کرکے 

کسی اور نگر بھیج دیتے ہیں

وہ سب اچھی یادیں 

جو آنکھ  نم کرنے کا سبب بنی 

ان پہ مسکرا دیتے ہیں 

کچھ سانسیں جو ہم کھلی فضا میں لینا چاہتے تھے  جو وبا کی نظر ہوئی 

ان سانسوں کو چھت پہ جاکر

شام کے دھندلکے میں 

آزاد کردیتے ہیں 

گزرتے سال کی تمام تلخ یادیں کسی صندوق میں 

قید نہ کرنا 

کسی ساحل کنارے وہ سب دریا میں بہا دیں گے 

گزرتے سال کے گزرتے لمحے 

آؤ ہم سنگ منا لیتے ہیں !

دسمبر

دسمبر 

سال کا آخری مہینہ 

جو اپنے اختتام کو ہے، 

زندگی ایک بار پھر کسی نئے اور انجانے سال میں داخل ہونے جارہی ہے 

تو کیوں نہ مسکراہٹوں کا آغاز ___ بھی ابھی سے کیا جائے

یہ سمجھ کر کہ

یہ دسمبر ریل کا آخری ڈبہ ہے

اس پہ سال کی تمام بری یادوں کو

سوار کر کے

اپنی زندگی سے رخصت کردیں

اور آخر میں۔۔۔۔۔

ہاتھ ہلا کر خوشی سے کہیں

الوداع دسمبر ! 

شبِ یلدا

شبِ یلدا 

زمانہ آج سال کی طویل ترین رات منارہا ہے 

اک شور سا مچا ہوا ہے

کے لوگوں سال کی یہ واحد رات ہے جسنے طوالت اختیار کی ہو 

جو اتنی لمبی ہے جیسے تارکول کی سیاہ سڑک بنا کسی موڑ کے اک اُجلی صبح کی طرف نکلتی ہے

مگر میں اس سیاہ رات کے فسوں میں کھوٸ سوچتی ہوں کے فقط سال میں اک شب، شبِ یلدا تو نہیں میں اس شب یلدا کو پیچانتی ہوں

تمارے بعد میری زندگی کی ہر شب،  شبِ یلدا ہے 

جسکی طوالت صدیوں پر مشتمل رہی ہے

جسے کاٹتے کاٹتے میں نے خود اونگھتے کبھی گرتے دیکھا ہے  

 اپنی ہتھیلیوں پر زندگی کو سرد پڑھتے دیکھا ہے 

جن ہتھیلیوں پر فرصت کے لمحوں میں زندگی کے حساب کتاب ہوا کرتے تھے۔۔

وہ انگلیاں جو کسی پیشانی پرصراط کھینچتی تھیں۔ تو زندگی بخت کی صورت روشن ہوجایا کرتی تھی

اب وہ انگلیاں شب کی گہراٸ کو کھودتے کھودتے شل ہوچکی ہیں

 اور زندگی کی رمق کھو چکی ہیں

اور اس تاریک شب میں تمہارے لمس کی وہ حرارت جو ہمارے بیچ آنے والی پہلی شب یلدا پر میری انگلیوں کے پُوروں پر آن ٹہری تھی۔

اب اپنی سُن ہوتی انگیوں پر کھو چکی ہوں اور یہ تمہارے بعد میری زندگی کا آخری خسارہ ہے۔۔۔۔۔۔۔

خوابوں کی سمت جاتے سب رستے

خوابوں کی سمت جاتے سب رستے 

ساحل سے آتے سب پیروں کے نشاں

کسی دیوار پہ لگے رنگین اتھوں کے نقش و نگار

کسی ڈائری میں رکھی اک پرانی تصویر 

یاد دہانی کےلئے دروازے پہ لگائی گئی کوئی چٹ

بےربط سی کچھ باتیں 

کبھی نہ ملائے جانے والے مانوس سے نمبر

یاد کرنے کے , یاد آنے کے سب استعارے ہیں!

مجهے ضرورت ہے۔.

مجهے ضرورت ہے۔...

اُس چھوٹی سے چھوٹی آیت پاک کی،...

 اُس چھوٹی سے چھوٹی بات کی، 

اُس چھوٹی سے چھوٹی نصیحت کی، ....

بار بار میرے کانوں میں وہ گونجیں،....🌹

 بار بار میری آنکھیں پڑهیں، بار بار میرا منہ 

اُس طرف رُخ کرے

بار بار میرے کان سنیں... 

جس میں اللّٰہ پاک کہہ رہے ہوں... 

میں تمھارا رب ہوں،...

 میں تمہارے ساتھ ہوں، ..

میں تمہیں یاد کرتا ہوں، تم بهی مجهے یاد کرو، ...

پریشان نا ہو، ہر مشکل کے بعد آسانی ہے۔ ..

میں بڑا مہربان اور رحم فرمانے والا ہوں۔ ❤

ہاں مجهے ضرورت ہے اُن سب چهوٹی چهوٹی

 سرگوشیوں کی جو شفاء ہیں ,امید ہیں...

جب بھی آپ کے سامنے کسی کا اسٹیٹس آئے

جب بھی آپ کے سامنے کسی کا اسٹیٹس آئے جس میں کوئی حدیث یا پھر آیت ہو یا کچھ بھی ایسا motivational پڑھنے کو ملے... جس سے آپ کو آپ کے سوالوں کا جواب ملیں تو یہ سب coincidence نہیں ہوتا یہ سب ایسے ہی کوئی اپنے سٹیٹس پر نہیں لگا لیتا وہ جو اوپر عرش پر مستوی ہمارا رب ہے ناں وہ آپ کی دِلی کیفیت سے بخوبی واقف ہوتا ہے عرش والے کی طرف سے زمین والوں کو جواب ملتے ہیں___ یہ الله کی آپ پر رحمت ہوتی ہے کہ وہ آپ کو ایسے روتا ہوا depressed نہیں چھوڑتا.. 

وہ کسی نہ کسی کو سبب بنا کر اپنے پیارے بندوں کو indirect  تسلیاں ضرور دیتا ہے... محسوس کیا کریں اپنے اوپر الله کی رحمت کو برستے ہوئے!

بلاگ

 بلاگ کی دنیا میں  کسی پیج گروپ  کا ایڈمن بن جانا صرف ایک پہچان کے علاوہ کچھ بھی نہیں ہے۔۔ہماری ذاتی حیثیت سے کسی کا بھی کچھ لینا دینا نہیں ہوتا۔

۔ہم اصل زندگی میں کون ہیں کیا ہیں کیسے ہیں کہاں رہتے ہیں کیا کرتے ہیں

????

ان باتوں سے کسی کو فرق نہیں پڑنے والا۔۔

لوگ کسی بھی پیج گروپ کا انتخاب وہاں موجود اچھی پوسٹس یا ایڈمن کے دوستانہ رویے کی وجہ سے کرتے ہیں۔۔اور بس۔۔۔۔

کہنا بس اتنا ہی ہے۔۔اپنے اپنے پیجز پر بس اچھی اچھی پوسٹ کیا کریں۔۔نہ اپنی خوبیاں بیان کریں اور نہ لوگوں کی خیامیاں

بلاگ پر نفرتیں پھیلانا بند کر دیں

ہم سے سیکھیے۔۔لوگوں کا جینا حرام کرنا۔۔وہ بھی بنا شور کئے😂😁😁

خوش رہے۔۔اور لوگوں کو جینے دیں😍😁😁

میرے آنچل پر تیری محبت نے

میرے آنچل پر تیری محبت نے

یوں گوٹا کناری کی ہے__ 

جیسے فن کا کوئی شاہ پارہ 

کہ ماہر سے ماہر کاریگر کا ہنر بھی ،

اس کے آگے مات کھا جائے___

 اور ہر دیکھنے والی آنکھ عش عش کر اٹھے___🧡

اُس کی زباں میں اِتنا اثر ہے، کہ نصفِ شب وہ روشنی کی بات کرے، اور دِیا جلے

 تارِیکیوں کو آگ لگے اور دِیا جلے

یہ رات بَین کرتی رہے اور دِیا جلے

اُس کی زباں میں اِتنا اثر ہے، کہ نصفِ شب

وہ روشنی کی بات کرے،  اور دِیا جلے

تم چاہتے ہو تم سے بچھڑ کے بھی خوش رہُوں

یعنی ہَوا بھی چلتی رہے اور دِیا جلے

کیا مجھ سے بھی عزیز ہے تم کو دیے کی لو

پھر تو مِرا مزار بنے اور دِیا جلے

سورج تو میری آنکھ سے آگے کی چیز ہے

میں چاہتا ہُوں، شام ڈھلے اور دِیا جلے

تم لوٹنے میں دیر نہ کرنا، کہ یہ نہ ہو !

دِل تِیرَگی میں ڈوب چُکے اور دِیا جلے

تم سردی کی سنہری دھوپ میں

تم سردی کی سنہری دھوپ میں

جب کچھ دیر حرارت جذب کرنے کو

وسیع فرش پر آ بیٹھتی ہو

تو غور سے دیکھا کرو...

دیکھا کرو کہ سورج تمہاری خاطر

اپنی کرنوں کی نوک تراش لیتا ہے

دیکھا کرو کہ فلک مسکرا رہا ہوتا ہے

اور جب اٹھ کر چل دو

تو دیکھا کرو

کہ تمہارے بعد بھی کتنی ہی دیر

پرندے تمہاری جگہ پر بیٹھے رہتے ہیں...

تم محبت کا وہ اشارہ ہو

جسے پرندے بھی سمجھ سکتے ہیں.. 

میں تو پھر بھی تمہارا گھائل ہوں!! 

اپنی اذیت کو لفظوں میں اتاریں

اپنی اذیت کو لفظوں میں اتاریں

خاموشی اختیار کر لیں مگر سامنے والے سے گلہ مت کریں گوشہ نشیں ہو جائیں مگر اپنا معیار مت گرائیں عزت نا ملے تو کنارہ کشی کر لیں وقت کی بھیک نہ مانگیں

عزت اور محبت کے بغیر کسی رشتے کا وجود نہیں عزت وہ نہیں جو باتوں سے سنائی جاتی ہے عزت وہ ہے جو عمل سے دکھائی دیتی ہے۔۔