سیاہ آسمان، روشن چاند ، خنکی ، سرد ہوا ، گہری چپ

سیاہ آسمان، روشن چاند ، خنکی ، سرد ہوا ، گہری چپ

پسلیوں سے نکلتی حرارت ،

اور کھوئی کھوئی سی نظریں ،

اک سکون ہے مگر بےچینی ہے ، ایک جستجو ہے ،

ایک کسک ہے جو میری روح کو میرے جسم سمیت کسی ایک مرکز پر ٹھہرنے نہیں دے رہی ،

لیکن شائد ہم جیسی روحیں اپنے جسم کو ایک جگہ ٹکا کر نہیں رکھ سکتی ، تکلیف میں بھی نہیں ، 

زندگی شائد ایسی ہی ہوا کرتی ہے گھٹن زدہ اور کھوئی کھوئی سی ،

کب کس لمحے مہربان ہو کر یہ کب آپ پر تنگ ہوجائے کبھی معلوم ہی نہیں ہو پاتا ،

لیکن یہ بات شائد دکھ ہے ، 

دکھ تو اور بھی بہت کچھ ہوتا ہے نہ مگر پہلے دل میں یوں سینے میں ہوک تو نہیں اٹھتی کہ سینہ ہی چیر کر رکھ دے ، 

خیر دل تو دل ہے ، دل کا کیا کیجئے!