تمھارے دھیان کے سورج بجھے بجھے کیوں ہیں

 

تمھارے دھیان کے سورج بجھے بجھے کیوں ہیں

یہ چار سمت اندھیروں کے سلسلے کیوں ہیں

لبوں پہ ترکِ رفاقت کے تذکرے ہیں اگر

تو میرے دل سے ترے دل کے رابطے کیوں ہیں

میں تیرے خواب سے باہر نکل چکی ہوں تو پھر

یہ جا بجا تری یادوں کے قافلے کیوں ہیں

کئی دنوں سے یہاں روشنی نہیں أترى

تمہارے دھیان کے سورج بجھے بجھے کیوں ہیں

میں تیرے سنگ تو روشن سفر پہ نکلی تھی

یہ چار سمت اندھیروں کے سلسلے کیوں ہیں

نیا خیال ہے کوئی نہ خواب ہے کوئی

تو آنکھوں میں مری ناہید رتجگے کیوں ہیں

tumahray dheyaan ke Sooraj bujhe bujhe kyun hain

yeh chaar simt andheron ke silsilay kyun hain

labon pay tark e rafaqat ke tazkeray hain agar

to mere dil se tre dil ke raabtey kyun hain

mein tairay khawab se bahar nikal chuki hon to phir

yeh ja baja tri yaado ke qaafley kyun hain

kayi dinon se yahan roshni nahi utri

tumahray dheyaan ke Sooraj bujhe bujhe kyun hain

mein tairay sang to roshan safar pay niklee thi

yeh chaar simt andheron ke silsilay kyun hain

naya khayaal hai koi nah khawab hai koi

to aankhon mein meri naheed rat-jage kyun hain