ﻋﺠﺐ ﮨﮯ ﺭﻧﮓِ ﭼﻤﻦ، ﺟﺎ ﺑﺠﺎ ﺍُﺩﺍﺳﯽ ﮨﮯ

ﻋﺠﺐ ﮨﮯ ﺭﻧﮓِ ﭼﻤﻦ، ﺟﺎ ﺑﺠﺎ ﺍُﺩﺍﺳﯽ ﮨﮯ

ﻣﮩﮏ ﺍُﺩﺍﺳﯽ ﮨﮯ، ﺑﺎﺩِ ﺻﺒﺎ ﺍُﺩﺍﺳﯽ ﮨﮯ

ﻧﮩﯿﮟ ﻧﮩﯿﮟ، ﯾﮧ ﺑﮭﻼ ﮐﺲ ﻧﮯ ﮐﮩﮧ ﺩﯾﺎ ﺗﻢ ﺳﮯ؟

ﻣﯿﮟ ﭨﮭﯿﮏ ﭨﮭﺎﮎ ﮨﻮﮞ، ﮨﺎﮞ ﺑﺲ ﺫﺭﺍ ﺍُﺩﺍﺳﯽ ﮨﮯ

ﻣﯿﮟ ﻣﺒﺘﻼ ﮐﺒﮭﯽ ﮨﻮﺗﺎ ﻧﮩﯿﮟ ﺍُﺩﺍﺳﯽ ﻣﯿﮟ

ﻣﯿﮟ ﻭﮦ ﮨﻮﮞ ﺟﺲ ﻣﯿﮟ ﮐﮧ ﺧﻮﺩ ﻣﺒﺘﻼ ﺍُﺩﺍﺳﯽ ﮨﮯ

ﻃﺒﯿﺐ ﻧﮯ ﮐﻮﺋﯽ ﺗﻔﺼﯿﻞ ﺗﻮ ﺑﺘﺎﺋﯽ ﻧﮩﯿﮟ

ﺑﮩﺖ ﺟﻮ ﭘﻮﭼﮭﺎ ﺗﻮ ﺍﺗﻨﺎ ﮐﮩﺎ، ﺍُﺩﺍﺳﯽ ﮨﮯ

ﮔﺪﺍﺯِ ﻗﻠﺐ ﺧﻮﺷﯽ ﺳﮯ ﺑﮭﻼ ﮐﺴﯽ ﮐﻮ ﻣﻼ؟

ﻋﻈﯿﻢ ﻭﺻﻒ ﮨﯽ ﺍﻧﺴﺎﻥ ﮐﺎ ﺍُﺩﺍﺳﯽ ﮨﮯ

ﺷﺪﯾﺪ ﺩﺭﺩ ﮐﯽ ﺭﻭ ﮨﮯ ﺭﻭﺍﮞ ﺭﮒِ ﺟﺎﮞ ﻣﯿﮟ

ﺑﻼ ﮐﺎ ﺭﻧﺞ ﮨﮯ، ﺑﮯ ﺍﻧﺘﮩﺎ ﺍُﺩﺍﺳﯽ ﮨﮯ

ﻓﺮﺍﻕ ﻣﯿﮟ ﺑﮭﯽ ﺍُﺩﺍﺳﯽ ﺑﮍﮮ ﮐﻤﺎﻝ ﮐﯽ ﺗﮭﯽ

ﭘﺲِ ﻭﺻﺎﻝ ﺗﻮ ﺍُﺱ ﺳﮯ ﺳِﻮﺍ ﺍُﺩﺍﺳﯽ ﮨﮯ

ﺗﻤﮩﯿﮟ ﻣﻠﮯ ﺟﻮ ﺧﺰﺍﻧﮯ، ﺗﻤﮩﯿﮟ ﻣﺒﺎﺭﮎ ﮨﻮﮞ

ﻣﺮﯼ ﮐﻤﺎﺋﯽ ﺗﻮ ﯾﮧ ﺑﮯ ﺑﮩﺎ ﺍُﺩﺍﺳﯽ ﮨﮯ

ﭼﮭﭙﺎ ﺭﮨﯽ ﮨﻮ ﻣﮕﺮ ﭼﮭﭗ ﻧﮩﯿﮟ ﺭﮨﯽ ﻣﺮﯼ ﺟﺎﮞ

ﺟﮭﻠﮏ ﺭﮨﯽ ﮨﮯ ﺟﻮ ﺯﯾﺮِ ﻗﺒﺎ ﺍُﺩﺍﺳﯽ ﮨﮯ

ﻣﺠﮭﮯ ﻣﺴﺎﺋﻞِ ﮐﻮﻥ ﻭ ﻣﮑﺎﮞ ﺳﮯ ﮐﯿﺎ ﻣﻄﻠﺐ

ﻣﺮﺍ ﺗﻮ ﺳﺐ ﺳﮯ ﺑﮍﺍ ﻣﺴﺌﻠﮧ ﺍُﺩﺍﺳﯽ ﮨﮯ

ﻓﻠﮏ ﮨﮯ ﺳﺮ ﭘﮧ ﺍُﺩﺍﺳﯽ ﮐﯽ ﻃﺮﺡ ﭘﮭﯿﻼ ﮨُﻮﺍ

ﺯﻣﯿﮟ ﻧﮩﯿﮟ ﮨﮯ ﻣﺮﮮ ﺯﯾﺮِ ﭘﺎ، ﺍُﺩﺍﺳﯽ ﮨﮯ

ﻏﺰﻝ ﮐﮯ ﺑﮭﯿﺲ ﻣﯿﮟ ﺁﺋﯽ ﮨﮯ ﺁﺝ ﻣﺤﺮﻡِ ﺩﺭﺩ

ﺳﺨﻦ ﮐﯽ ﺍﻭﮌﮬﮯ ﮨﻮﺋﮯ ﮨﮯ ﺭﺩﺍ، ﺍُﺩﺍﺳﯽ ﮨﮯ

ﻋﺠﯿﺐ ﻃﺮﺡ ﮐﯽ ﺣﺎﻟﺖ ﮨﮯ ﻣﯿﺮﯼ ﺑﮯ ﺍﺣﻮﺍﻝ

ﻋﺠﯿﺐ ﻃﺮﺡ ﮐﯽ ﺑﮯ ﻣﺎﺟﺮﺍ ﺍُﺩﺍﺳﯽ ﮨﮯ

ﻭﮦ ﮐﯿﻒِ ﮨﺠﺮ ﻣﯿﮟ ﺍﺏ ﻏﺎﻟﺒﺎً ﺷﺮﯾﮏ ﻧﮩﯿﮟ

ﮐﺌﯽ ﺩﻧﻮﮞ ﺳﮯ ﺑﮩﺖ ﺑﮯ ﻣﺰﺍ ﺍُﺩﺍﺳﯽ ﮨﮯ