Kabhi aisa ho k

Kabhi aisa ho k

mousam ki phaily barish main

koi nanhi si boond

palkon k dareechay main aa thairay

aur

main

lams e ashnai paa k

jab holoay say ankh kholoon

to 

tujahai ro baroo paoun

Usay kehna !

Usay kehna !

December ja raha hai

Aur december ki akhri sham hai

Aur december k guzartay hi

Baras ik aur mazi ki fiza main doob jaye ga

Usay kehna!

December k guzarnay say zara phailay

Mohabbat ki kahani ko koi takmeel day jana

Usay kehna!

December ka maheena jaisay hi guzray ga

Umeedyen doob jayen gi

Woh sapnay toot jayen gay

Usay kehna!

December k guzarnay say zara phailay

Mohabbat ko koi tabeer day jay

Usay kehna!

Muqadar ko hamaray dob janay say bacha layna!

Kaha us na shakhon say !

Kaha us nay shakon say!

Juda pholon ko karnay ki

hawaon ki jo sazish hai

Usay achi nahin lagti

Faqat ik pal ko ji chaha

Usay itna keh doon aaj!

Mohabbat....!!!

Phool ki pation say

Barh kar bhi nazuk hai

Jisanay qadmon talay usnay

Kabhi ka rondh dala hai!!!!!_____

With

Kahkashan khan

Sirf woh ik shaks kisi tarah say mil jata ager!

Sirf wo ik shaks kisi tarah say mil jata ager .........

Mujhay manzoor thay 

Phir jitnay bhi khasaray hotay!___With Kahkashan khan

Usay kehna!!!

Usay kehna!

Sada mousam baharon k nahin rehtay

Sabhi pattay bikhartay hain

hawa jab raqs karti hai!___With Kahkashan khan

Ager tum kamyabi chahtay ho....!

Ager tum dill griftah ho

k tum har jao gay

to phir tum har jao gay

ager khatir shikastah ho

k tum kuch kar nahin saktay

yaqeenan kar nahin pao gay

yaqeen say aari ho kar

manzilon ki simt chalnay say

kabhi manzil nahin milti

kabhi kankar k jitnay hoslay walon

say bhari sill nahin hilti

zamanya main hamesha kamyabi

un k hissay main aati hai

jo awal din say apnay sath

ik azam musmam lay kar chaltay hain

k jin k dill main azam o hosla ik sath paltay hain

ager tum chahtay ho kamyab o kamran hona

to bus rakhta e safar main

tum yaqqen o azam ki mash

al jala rakhna

safar dushwar tar ho

tab bhi himmat , hoslah rakhna

safar e aghaz jab karna 

to bas itna samjh layna

jahan main kamyabi ki yaqeen walon say yaari hai

ager tum bhi yaqeen rakho

to phir manzil tumhari hai__________With kahkashan khan

http://kahkashankhan1990.blogspot.com/

Insan ki fitrat ko samjhtay hain parinde bhi.....

Insan ki fitrat ko- samjhtay- hain parinde bhi!!!

Jitna bhi pyar say bula lo- magar pass nahin aatay

Jo batyen main keh nahin sakta!!!

***Jo batyen main keh nahin sakta

Unhai main farz karta hoon!

Chalo main farz karta hoon k

Mujhay tum say mohabbat hai,***............

Mujhay Tanha Nahin Krana.......

Mujhay tum say yeh kehna hai!

mujhay parchayon, tanhaiyon say khouf aata hai..

mujhay tanha nahin karna

mujhay tum ko batana hai!

meri sochon k jangal main

tumharay naam k jugnoo rasta dikhatay hain

inhai bhujnay nahin dayna

meri neendon k shra main

tumharay khwuab ka saaya bohat ziada zaroori hai

isay ghatnay nahin dayna

yeh to tum bhhi jantay ho na!

mere lafzon ki maalayen

meri sari taman'nayen

tumharay bin adhor hain

meri har soch k angan main tum hi jagmagati ho

mere be rabt jumlon ko tumhi misray banati ho

meri sab shairi janaa!

tumharay bin adhori hai

meri har ik khushi janaa!

tumhary bin adhori hai

mri ye zindagi jana!

tumharay bin adhori hai

meri takmeel tum say hai

mujhay aadha nahin karna

mujhay adhi adhuri zindagi say khouf aata hai

kami jaisi bhi ho mujhko kami say khouf ata hai

mujhay tum say yeh kehna hai!

kabhi aisa nahin karna

mujhay tanha nahin karna

meri takmeel tum say hai

mukammal tum hi kardo na!

mere jevan ki tanhai main apna ran bhar do na!

mujhay tum say yeh kehna hai!

mujhay parchaiyon , tanhaiyon say khouf ata hai

haqeeqat ashna mere!

kabhi aisa nahin karna

main tum bin ji nahin sakta

mujhay tanha nahin karna...

Neened Naraz Rahi........................

Mainay ik pal ko tera naam lia tha shaed

neend naraz rahi raat meri ankhon say

Kwuab zaron ka tasawur bhi hua khuab numa

Dill ki hartal hui dard ki ahat jaisay

Soch main khilnay lagay phool kai mazi kay

Titliun jaisay kai lafz mujhay yaad aaye

Teri awaz ki khushboo, tere lahjay ki khatak

Teri ankhon ki shararat, tere honton ki mehaik

Tere bolay huai jumlon ki woh khamosh kasak

Dair tak raat rahi phir teri yadon ki dhunk

Kitnay aansoo mere lafzon main dhalay yaad nahin

Kab talak yaad k yeh deep jalay yaad nahin

Mainay ik pal ko tera naam lia tha shaed

Neend naraz rahi raat meri ankhon say..........

____With Kahkashan Khan