Ajeeb tarz k mousm chaman ki had mai'n rahe
Jo pur-bahaar thy chehrey khizaa'n ki zad mai'n rahe
Hawa ki tarha zamee'n par chalo zarur mgr
Azeem shakhs wohi hy jo apney qad mai'n rahe
Jo pur-khaloos thy un ko na mil saki manzil
Wafa farosh k qisey wafa ki mad mai'n rahe
Nahi'n hai roushni shayd hamari qismat mai'n
Charaagh jo bhi jalaye aandhiyo'n ki zad mai'n rahe
Ameer-e-shehr ka lehja mujhey pasand nahi
Usay ye kehna k zara sa had mai'n rahe..
