~~Gham e Ashiqui Tera Shukriya.~~

Kabhi ruk gaaye 

Kabhi chal diye

Kabhi chaltay chlatay

Bhatak gaye...

Younhi omer sari guzaar di

Younhi zindagi k sitam saahai

Kabhi neend main

Kabhi hosh main

Tu jahan mila

Tujhai daikh kar

Na nazar mili

Na zuban hili

Younhi sar jhuka k

guzar gaaye

Kabhi zulf par

Kabhi chasham par

Kabhi

Tere haseen wajood par

Jo pasand thay

Meri kitaab main

Woh shair saray bikhar gaaye

Mujhay yaad hai

Kabhi aik thay

Magar aaj hum hain juda juda

Woh juda huay

To sanwar gaaye

Hum juda huai

To bikhar gaaye

Kabhi arsh par

Kabhi farsh par

Kabhi un k dar

Kabhi darbadar

Gham e ashiqui

Tera shukriya

Hum kahan kahan 

Say guzar gaaye

________With Kahkahsan khan