کچھ نیکیاں بھی ہلکے ٹھنڈے میٹھے سے

" کچھ نیکیاں بھی ہلکے ٹھنڈے میٹھے سے گلابی رنگ کی ہوتی ہیں جو کسی کو بتائی نہیں جاتی بس وہ چہروں پر نور بن کر ٹھہر جاتی ہیں رب کی رحمت کا نور....❤️

فرض کرو ہم تارے ہوتے۔۔

فرض کرو ہم تارے ہوتے۔۔

اِک دوجے کو دور دور سے دیکھ دیکھ کر جلتے بُجھتے

اور پھر اِک دن

شاخِ فلک سے گرتے اور تاریک خلاؤں میں کھو جاتے

دریا کے دو دھارے ہوتے

اپنی اپنی موج میں بہتے

اور سمندر تک اس اندھری، وحشی اور منہ زور مسافت

کے جادو میں تنہا رہتے

فرض کرو ہم بھور سمے کے پنچھی ہوتے

اُڑتے اُڑتے اِک دوجے کو چھوتے۔۔۔ اور پھر

کھلے گگن کی گہری اور بے صرفہ آنکھوں میں کھو جاتے!

ابرِ بہار کے جھونکے ہوتے

موسم کے اِک بے نقشہ سے خواب میں ملتے

ملتے اور جُدا ہو جاتے

خشک زمینوں کے ہاتھوں پر سبز لکیریں کندہ کرتے

اور اَن دیکھے سپنے بوتے

اپنے اپنے آنسو رو کر چین سے سوتے

فرض کرو ہم جو کچھ اب ہیں وہ نہ ہوتے

الفاظ کی جنگ لڑنا چھوڑ دی ہے میں نے

الفاظ کی جنگ لڑنا چھوڑ دی ہے میں نے

اب میں ایک تماشائی کی طرح 

لوگوں کے بدلتے ہوئے چہرے دیکھتی ہوں

ان کی حرکات دیکھتی ہوں

وہ کیسے دوسروں کے دلوں سے کھیلتے ہیں

اللہ پاک ہم سب کو ہدایت عطا فرمائیں..!

ایسی وحشت ہے مرے دل میں کہ ہر شے توڑوں

‏ایسی وحشت ہے مرے دل میں کہ ہر شے توڑوں

اور پھر چیخوں کہ دیکھو ، ایسی حالت ہے میری

ایک نوخیر کلی پاؤں میں پھینکوں ، مسلُوں

اور پھر روؤں کہ سمجھو ، یہ اذیت ہے میری

”چابی “

میں نے تمہاری محبت

وقت کے ریپر میں

لپیٹ کر

الماری میں رکھ چھوڑی ہے

الماری کو قفل لگا کر

چابی میں نے گم کر دی ہے

عقل مصلحت کے مصلے پر

دعا گو ہے 

کہ شہر کے سارے کلید ساز

اب چابیاں بنانا بھول جائیں

مگر دل کا وظیفہ ہے

"شہر کے سارے چور سلامت رہیں "

پتا نہیں باقی سب غلط کر رہے ہیں

پتا نہیں باقی سب غلط کر رہے ہیں

یا میں غلط سمجھتی ہوں

یا میں زیادہ سوچتی ہوں ۔۔۔

لیکن پھر میں سوچتی کیا میری سوچ واقعی ہی زیرو ہو گئ ہوئ ہے جو کچھ پازٹیو نہیں لگتا مجھے

پتا نہیں کیا ہو رہا ہے 

کنفیوز ہوتی جا رہی ہو ایک ایک لمحہ میں😔

میں آسمان کی بلندیوں سے ٹوٹ کر گرنے والا وہ ستارہ ہوں

میں آسمان کی بلندیوں سے ٹوٹ کر گرنے والا وہ ستارہ ہوں  جسے چمکنے کی خواہش کے ساتھ تمام تر بے حسی سے زمین کی سمت ایسے پٹخ دیا ہو___

جس کی باقیات کرہ ارض پر بسنے والے کسی شفیق انسان کے ہاتھ لگنے سے پہلے ہی خلا میں ریزہ ریزہ بکھر گئیں ___

کہیں نا ملنے کے لیے ___ کبھی نا سمٹنے کے لیے ___

میری Whatsapp کی چیٹ لسٹ میں

میری Whatsapp کی چیٹ لسٹ میں تمھارا نام بہت نیچے چلا گیا ہے۔

اب کے بورڈ بھی تمھارے نام کا پہلا حرف لکھنے پر پورا نام  Suggest نہیں کرتا۔

فیسبک کی Search Listt میں بھی تمھارا نام نیچے جاتے جاتے کہیں غائب ہو گیا ہے

 اب تمھاری ڈیپی کے ساتھ سبز نشان دیکھ کر میرے دماغ کے Neurons میرے ہاتھوں کو پیغام نہیں بھیجتے کہ میں تمھارے Inbox میں میسجز کے انبار لگا دوں

تمھارا نام سن کر میری دھڑکنوں کے ادھم میں پہلی سی شدت  نہیں رہی

 تمھاری بے رُخی، بے اعتنائی، لاپروائی اور بے قدری کی وجہ سے چیزیں مایوسی سے نڈھال ہو کر اپنے معمول کی طرف لوٹ رہی ہیں.

محبت کم نہیں ہو گی

محبت ایک موسم ہے

کہ جس میں خواب اگتے ہیں تو

خوابوں کی ہری شاخیں گلابوں کو بلاتی ہیں

انہیں خوشبو بناتی ہیں

یہ خوشبو جب ہماری کهڑکیوں میں دستکیں دے کر گزرتی ہے

مجھے محسوس ہوتا ہے

محبت کم نہیں ہو گی 

کچھ لوگ ایسی عمارتوں کی مانند ہوتے ہیں

کچھ لوگ ایسی عمارتوں کی مانند ہوتے ہیں ـ جنہیں وقت اور حالات کھنڈرات بنا دیتے ہیں ـ اور دیکھنے والے یہ کہنے پر مجبور ہو جاتے ہیں ـ " کبھی یہ بہت خوبصورت تھی "ـ!