انگریزی ڈیپارٹمنٹ میں کرسمس پارٹی تھی اور بعد میں مسیحی احباب جناب مسیح علیہ السلام کی نعتیں، کرسمس کیرول وغیرہ پڑھتے تھے تو ان کے معانی بارے سوچ کر جیسے رونگٹے کھڑے ہو جاتے تھے. جیسے نبی کریم صلی اللہ علیہ وسلم کی نعت اور ان کا نامِ نامی سامنے آنے پر درود و سلام کی چکی چل پڑتی ہے ویسے ہی زبان پر درودِ ابراہیمی جاری ہو جاتا. اس پر غور کیا تو احساس ہوا کہ نبی کریم صلی اللہ علیہ وسلم تو مائی باپ ہیں، ذکر چاہے ان کے نبی بھائی علیہ السلام کا ہے لیکن ہمارا آسمان تو آقا و مولا علیہ الصلوۃ والسلام کی ذاتِ والا صفات ہے. ہمارا انٹینا ایک فریکوئنسی پر ٹیون یے اور ہارڈ وائرڈ ہے. لیکن ہم سب انبیاء کرام علیہم السلام سے بھی محبت رکھتے ہیں کہ یہ ہمارے ایمان کا تقاضا ہے.
اللھم صل علی سیدنا مسیح ابن مریم
اللہم صل علی سیدنا و مولانا محمد
No comments:
Post a Comment