سورة یٰسین

!!_سورة یٰسین میرے دل پہ لکھی ہے, بےچینی میں چین پانے کو دل کا دروازہ کھولے دل پہ لکھی آیتیں دُہرانے لگتی ہوں

‏یٰسِین وَالْقُرْآنِ الْحَكِيمِ°

!!آنکھیں بند کئے لب خودبخود ورد کرتے ہیں، میٹھا میٹھا ورد 

إِنَّكَ لَمِنَ الْمُرْسَلِينَ°

!!_سخت دل پر نرمی چھانے لگتی ہے, بوجھل طبیعیت اعتدال پر آنے لگتی ہے، تنے اعصاب ڈھیلے پڑنے لگتے ہیں

عَلَىٰ صِرَاطٍ مُّسْتَقِيمٍ°

!!_آیتیں ٹھنڈی پھوار بن کر چہرے سے ٹکراتی ہیں، تو سکون کی لہر پوری روح میں سرایت کرنے لگتی ہے'

اَلْيَوْمَ نَخْتِمُ عَلَى أَفْوَاهِهِمْ وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُونَ°

رب کے روبرو ہونے کا احساس ہوتا ہے، جسم میں پھریری سی دوڑ جاتی ہے، ٹپ ٹپ ٹپ بند آنکھوں سے آنسو گرنے لگتے ہیں

"اِنۡ کَانَتۡ اِلَّا صَیۡحَۃً وَّاحِدَۃً فَاِذَا ہُمۡ جَمِیۡعٌ لَّدَیۡنَا مُحۡضَرُوۡنَ °

!!_ایسا لگتا ہے خدا رُوبرو ہے، دُکھڑے سُن رہا ہے آنسو چن رہا ہے، دلاسہ دے رہا

سَلامٌ قَوْلاً مِنْ رَبٍّ رَحِيمٍ° وَامْتازُوا الْيَوْمَ أَيُّهَا الْمُجْرِمُونَ°

ہر آیت دل کو چین دلاتی ہے، روح دَم گھٹتی قید سے آزاد ہونے لگتی ہے، بند آنکھیں مسکرانے لگتی ہیں، بند پلکوں تلے ٹھہرے موتی چمکنے لگتے ہیں، لب ورد کئے چلے جاتے ہیں'

اِنَّمَاۤ اَمْرُهٗۤ اِذَاۤ اَرَادَ شَیْئًـا اَنْ يَّقُوْلَ لَهٗ كُنْ فَيَكُوْنُ°

!!'_بیقراریاں پانی کے ریلے کی طرح بہنے لگتی ہیں، دل غموں سے دُھل کر صاف ہونے لگتا ہے

فَسُبْحٰنَ الَّذِيْ بِيَدِهٖ مَلَـكُوْتُ كُلِّ شَيْءٍ وَّاِلَيْهِ تُرْجَعُوْنَ°

ورد ختم ہوتا ہے، بند پلکیں کھلتی ہیں، دکھ کے سائے چھٹ جاتے ہیں، ٹھنڈی ہوائیں آر پار ہوتی ہیں، طبیعیت ہلکی ہوجاتی ہے، بےچین دل و روح چین پاجاتے ہیں'_!!

!!'_دل پہ لکھی آیتیں, دل پھر سے دُہرانے لگتا ہے, میٹھا میٹھا ورد، فضاٶں میں ٹھنڈک سی بھرنے لگتا ہے

یٰسِین°

وَالْقُرْآنِ الْحَكِيمِ°

إِنَّكَ لَمِنَ الْمُرْسَلِينَ°

عَلَىٰ صِرَاطٍ مُّسْتَقِيم°

❤

💕

!!!_بےشک اللہ کی یاد سے ہی دلوں کو سکون ملتا ہے'

❤