Un k liye ehm aur woh bhi hum

Un k liye ehm

Aur woh bhi

hum

Ay Dill_e_Nadan

Bus pagal hai

tu bhi!

Barh k khareed lay, koi aisa hai yahan

Barh k kharid lay, koi aisa hai yahan

Mere tamam khuwab bara_e_forokht hain.

Biknay walay aur bhi hain jaa k kharid lo

Mohsin says:

"Biknay walay aur bhi hain ja kar kharid lo.

Hum log qeemat say nahin qismat say mila kartay hain".

Faraz replied to Mohsin:

"Ager chahoon to ik nigah main kharid loon usay

Jis ko naz hai bohat k bikta nahin hoon main".

Sager replied to Faraz:

"Bohat naaz hai tujhko teri nigah_e_ulfat par

Mager hum woh nahin piyaray jo nigahen char kartay hain".

& Iqbal replied to all:

"Kisi ko kharidna mere bas main nahin Iqbal

Meri sadgi daikh kar log khud hi mit jatay hain".

Yeh barish ka mousam yeh thanda samaa

"Yeh barish ka mousam yeh thanda samaa"

Batao!

"Yeh koi waqt hai hum say door raihnay ka."

Yeh bhi ik khuwab ka daikha hua manzar hi na ho

Yeh bhi ik khuwab ka_ daikha hua manzar hi na ho

Tere hathon main mera hath kahan mumkin hai__!

Woh pani ki laihron pay kia likh raha tha

Woh pani ki laihron pay kia likh raha tha

Khuda janay

Hurf_e_dua

Likh raha tha

Likhay thay jisnay wafa k maani adhooray,

Woh shaks piyar ki inteha likh raha tha,

Zara uski ankh say ik aansoo na nikla,

Woh jis waqt

Lafz_e_saza

Likh raha tha.

Mohabbat main nafrat mili thi usay

Woh har shaks ko bewafa likh raha tha

Is qader

Zamanay walon nay

Usko sataya,

Woh piyar k 

Jazbay ko gunah

Likh raha tha.

Na kisi ki ankh ka noor hoon

Na kisi ki ankh ka noor hoon

Na kisi k dill ka qarar hoon.

Jo kisi k kaam na aasakay, main woh ik musht_e_gubar hoon.

Na to main kisi ka habib hoon

Na to main kisi ka raqeeb hoon.

Jo bigar gaya woh naseeb hoon

Jo ujar gaya woh dayar hoon.

Mera ranj_rup bigar gaya

Mera yaar mujhsay bichar gaya.

Jo chaman fizaa main ujar gaya

Main usi ki fasl_e_bahar hoon.

Parhnay fatiha koi aaye kiun

Koi chaar phool charhaye kiun.

Koi aik shama jalaye kiun

Main woh bekasi ka mazar hoon.

Main nahin hoon naghma_e_ janfishan

Mujhay sun k koi karay ga kia.

Main baray baroog ki hoon sada

Main baray dukh ki pukaar hoon.

Tumhai udas sa pata hoon main bohat din say

Tumhai udas sa pata hoon main bohat din say

Na janay koun say sadmay utha rahi ho tum

Woh shokhiyan , woh tabassum

Woh qaihqay na rahai

Har im cheez ko hasrat say daikhti ho tum.......

Chupa chupa k khamoshi main apni bechaini

khud apni raaz ki tashheer ban gai ho tum.

Tum apnay husan ki ranaiyon par reham karo.

Mujhay tumhari judai ka koi ranj nahin. mere khayal ki duniya mian mere pass ho tum.

Yeh tum nay theek kaha hai k tumhai maila na karoon. mager mujhay yeh bata do k kiun udas ho tum?

Khafa na hona meri bat par o jana. Tumhai khaber hai meri zindagi ki aas ho tum.

Mera tu kuch bhi nahin hai main ro k jee loon ga

mager khuda k liye tum aseer_e_gham na raho.

Hua hi kia hai jo zamanay nay tum ko cheen liya

Yahan par koun kis ka hua hai kabhi socha tu nay?

Mujhay qasam hai meri dukh bhari jawani ki

Main khush hoon meri mohabbat k phool thukra do.

Main apni rooh ki har ik khushi mita loonga

Mager tumhari musarrat mita nahin sakta.

YEH GHUM BOHAT HAIN MERI ZINDAGI MITANAY KO

UDAS REH K MERE DILL KO AUR RANJ NA DO.

Khuwabon ki ik basti thi

Khuwabon ki ik basti thi 

Ik larki usmain rehti thi

Apnay ghar k angan main

Kuch sapnay boya karti thi

Apnay kamray ki khirki main

Boondon say khaila karti thi

Sab k samnay hansti thi

aur

Chup chup k roya karti thi

Chand ko kaheen dair tak 

Woh aksar ghoora karti thi

Phir...

Khud say baten karti thi

Daiknay wali sab ankhon ko

Kanch ki gurya lagti thi

Toot gai to sab nay jana

Woh pagli

Piyar kisi say karti thi.!!!

Adhooray pan ki rafta rafta yeh takmeel karti hai

Adhooray pan ki rafta rafta yeh takmeel karti hai

Mohabbat zindagi ko husan say tabdeel karti hai

Kabhi socha bhi hai tunay k woh maghroor si larki

Na janay kiun tere har hukum ki tameel karti hai

Nahin roti hai ab woh band kamray main kaheen ghut kar

Woh apnay ansoo'n ko shsher main tasmeel karti hai

Munawwar hoti jati hai shama jab raat dhalti hai

Teri dosti mere ehsas ko qandeel karti hai

"Sagar" doob jatay hain bina sochay bina samjhay

Woh apni ankh ko jab khamoshi ki jheel karti hai.