ﺟﯿﻞ ﻣﯿﮟ ﮔُﻨﮕﻨﺎﺗﯽ ﮨﻮﺋﯽ ﻗﯿﺪﯼ ﻧﻤﺒﺮ ﺍﭨﮭﺎﺭﮦ ﮐﮯ ﮨﻮﻧﭩﻮﮞ ﭘﮧ ﺭﮐﮭﮯ ﮨﻮﮰ ﮔﯿﺖ ﻣﺮﺟﮭﺎ ﮔﮱ ﮨﯿﮟ
ﭨﮭﯿﮏ ﮐﮩﺘﯽ ﺗﮭﯽ ﺗﻢ
ﮐﮧ ﻋﻮﺭﺕ ﺑﺪﻥ ﮨﺎﺭ ﮐﺮ ﮨﺎﺭ ﺟﺎﺗﯽ ﮨﮯ ﺳﺐ ﮐﭽﮫ
ﻭﻗﺖ ﮨﯽ ﺗﻮ ﻧﮩﯿﮟ ﻭﺭﻧﮧ ﻣﯿﮟ
ﺍﻥ ﺍﻧﺪﮬﯿﺮﻭﮞ ﮐﮯ ﺁﻏﺎﺯ ﭘﺮ ﺭﻭﺷﻨﯽ ﮈﺍﻝ ﮐﺮ ﺗﻢ ﮐﻮ ﺁﺫﺍﺩ ﮐﺮ ﺩﻭﮞ
ﺗﻤﮩﺎﺭﮮ ﺑﻨﺎﮰ ﮨﻮﮰ ﺧﻮﻑ ﮐﮯ ﺩﺍﺋﺮﻭﮞ ﺳﮯ
ﺗﻢ ﮐﻮ ﺍﻥ ﻣﻮﺳﻤﻮﮞ ﮐﺎ ﺑﺘﺎٶﮞ
ﺟﻮ ﮨﻢ ﺗﮏ ﭘﮩﻨﭽﻨﮯ ﺳﮯ ﭘﮩﻠﮯ ﮐﮩﯿﮟ ﺭﻭﮎ ﻟﯿﺘﺎ ﺗﮭﺎ ﮐﻮﺋﯽ
ﮐﯿﺴﯽ ﺁﻭﺍﺯ ﺗﮭﯽ، ﺟﺲ ﮐﯽ ﺧﻮﺍﮨﺶ ﻣﯿﮟ ﺩﮬﺎﮔﻮﮞ ﮐﮯ
ﮐﻮﻧﮯ ﭘﮑﮍ ﮐﺮ ﮔﺰﺭﺗﮯ ﺗﮭﮯ ﺩﻥ
ﻭﻗﺖ ﮨﯽ ﺗﻮ ﻧﮩﯿﮟ
ﻭﺭﻧﮧ ﻣﯿﮟ ﺗﻢ ﮐﻮ ﻣﺎﭼﺲ ﺳﮯ ﻟﭙﭩﺎ ﮨﻮﺍ ﺍﭘﻨﺎ ﺑﭽﭙﻦ ﺩﮐﮭﺎﺗﺎ
ﻭﻗﺖ ﮨﯽ ﺗﻮ ﻧﮩﯿﮟ ﮨﮯ
ﻣﯿﮟ ﻭﺭﻧﮧ ﺗﻤﮩﯿﮟ ﯾﮧ ﺑﺘﺎﺗﺎ ﮐﮧ ﻣﯿﺮﯼ ﻣﺤﺒﺖ ﺗﻤﮩﺎﺭﮮ ﺑﺪﻥ ﺳﮯ ﻋﻼﻗﮧ ﻧﮩﯿﮟ ﺗﮭﯽ
ﺗﻤﮩﯿﮟ ﭼﮭﻮ ﮐﮯ ﺑﺲ ﺩﯾﮑﮭﻨﺎ ﺗﮭﺎ
ﮐﮧ ﮐﯿﺎ ﻭﺍﻗﻌﯽ ﻟﻤﺲ ﺩﮬﻮﮐﮧ ﮨﮯ ﯾﺎ ﺟﮭﻮﭦ ﮐﮩﺘﯽ ﮨﮯ ﺳﺎﺋﻨﺲ
ﻭﻗﺖ ﮐﮯ ﺳﺎﺗﮫ ﺑﯿﻠﻨﺲ ﺑﮭﯽ ﮐﻢ ﮨﮯ
ﺍﻭﺭ ﮐﺎﻝ ﮐﭩﻨﮯ ﺳﮯ ﭘﮩﻠﮯ
ﺑﺲ ﺍﺗﻨﺎ ﮐﮩﻮﮞ ﮔﺎ
ﮐﮧ ﺩﺭﯾﺎ ﻏﻠﻂ ﺑﮩﮧ ﺭﮨﮯ ﮨﯿﮟ
No comments:
Post a Comment