ﻣﯿﮟ ﺍﯾﮏ ﺷﺎﻋﺮ ﺳﮯ ﻣﺤﺒﺖ ﮐﺮﺗﯽ ﮨﻮﮞ

 

" ﻣﯿﮟ ﺍﯾﮏ ﺷﺎﻋﺮ ﺳﮯ ﻣﺤﺒﺖ ﮐﺮﺗﯽ ﮨﻮﮞ "

ﺍُﺱ ﮐﮯ ﯾﮧ ﺍﻟﻔﺎﻁ ﻣﺠﮫ ﭘﺮ ﮐﺴﯽ ﺑﻤﺐ ﮐﯽ ﻃﺮﺡ ﮔﺮﮮ ﺍﻭﺭ ﻣﯿﮟ ﺣﯿﺮﺍﻥ ﻭ ﭘﺮﯾﺸﺎﻥ ﺻﺮﻑ ﺍﺗﻨﺎ ﮨﯽ ﮐﮩﮧ ﺳﮑﺎ " ﻣﮕﺮ؟ "

ﻣﯿﺮﯼ ﺑﻮﮐﮭﻼﺋﯽ ﮨﻮﺋﯽ ﺷﮑﻞ ﺩﯾﮑﮫ ﮐﺮ ﻭﮦ ﮐﮭﻠﮑﮭﻼ ﮐﺮ ﮨﻨﺴﯽ۔

" ﻣﮕﺮ ﮐﯿﺎ؟ ﯾﮩﯽ ﻧﺎ ﮐﮧ ﻣﯿﮟ ﺗﻮ ﺗﻢ ﺳﮯ ﻣﺤﺒﺖ ﮐﺮﺗﯽ ﮨﻮﮞ؟

ﺳﻮ ﻭﮦ ﺗﻮ ﭘﮕﻠﮯ ﻣﯿﮟ ﮐﺮﺗﯽ ﮨﻮﮞ ﺍﻭﺭ ﮨﻤﯿﺸﮧ ﮐﺮﺗﯽ ﺭﮨﻮﮞ ﮔﯽ۔ "

ﺍﺱ ﮐﮯ ﻟﮩﺠﮯ ﮐﯽ ﭘﺨﺘﮕﯽ ﮐﻮ ﺑﺎﻻﺋﮯ ﺗﺎﮎ ﺭﮐﮭﺘﮯ ﮨﻮﺋﮯ ﻣﯿﮟ ﺳﭻ ﻣﭻ ﺍﺱ ﮐﯽ ﺑﺎﺕ ﮐﺎ ﻣﻄﻠﺐ ﺍﺑﮭﯽ ﺗﮏ ﻧﮩﯿﮟ ﺳﻤﺠﮫ ﺳﮑﺎ ﺗﮭﺎ،

ﻣﯿﺮﮮ ﭼﮩﺮﮮ ﭘﮧ ﺁﺗﮯ ﺟﺎﺗﮯ ﮨﺰﺍﺭﻭﮞ ﺭﻧﮓ ﺩﯾﮑﮫ ﮐﺮ ﻭﮦ ﻣﺤﻈﻮﻅ ﮨﻮﺭﮨﯽ ﺗﮭﯽ۔

ﭘﮭﺮ ﺧﺎﻣﻮﺷﯽ ﮐﺎ ﻗﻔﻞ ﺗﻮﺭﭨﮯ ﮨﻮﺋﮯ ﺑﻮﻟﯽ :

" ﻣﯿﮟ ﭼﺎﮨﺘﯽ ﮨﻮﮞ، ﺟﺴﮯ ﻣﯿﮟ ﭼﺎﮨﻮﮞ ﻭﮦ ﺍﯾﮏ ﺷﺎﻋﺮ ﮨﻮ۔ ﺑﺲ ﻣﯿﺮﮮ ﺩﻝ ﻣﯿﮟ ﯾﮧ ﻋﺠﺐ ﺳﯽ ﺷﺪﯾﺪ ﺳﮯ ﺷﺪﯾﺪ ﺗﺮ ﺍﮎ ﺧﻮﺍﮨﺶ ﮨﮯ، ﺟﻮ ﺗﻢ ﺳﮯ ﺁﺝ ﮐﮩﮧ ﺩﯼ۔

ﻣﯿﮟ ﮐﭽﮫ ﺩﯾﺮ ﯾﻮﮞﮩﯽ ﺧﺎﻣﻮﺵ ﺭﮨﺎ ﺍﻭﺭ ﭘﮭﺮ ﺍﯾﮏ ﺯﻭﺭﺩﺍﺭ ﻗﮩﻘﮩﮧ ﻟﮕﺎ ﮐﺮ ﮨﻨﺲ ﺩﯾﺎ، ﯾﮧ ﺳﻮﭺ ﮐﺮ ﮐﮧ ﻣﯿﮟ ﮐﯿﺎ ﺳﻤﺠﮫ ﺭﮨﺎ ﺗﮭﺎ ﺍﻭﺭ ﻧﮑﻼ ﮐﯿﺎ۔

ﺍﺏ ﺣﯿﺮﺍﻥ ﮨﻮﻧﮯ ﮐﯽ ﺑﺎﺭﯼ ﺍﺳﮑﯽ ﺗﮭﯽ۔

" ﺗﻢ ﮨﻨﺴﮯ ﮐﯿﻮﮞ؟ "

" ﺍﯾﺴﮯ ﮨﯽ " ۔ ﻣﯿﮟ ﻧﮯ ﺍﺱ ﮐﮯ ﭼﮩﺮﮮ ﮐﯽ ﺣﯿﺮﺍﻧﯽ ﮐﻮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﺑﺎﺕ ﭨﺎﻟﯽ ﺍﻭﺭ ﮐﮩﺎ :

" ﺁﺝ ﺗﻢ ﺑﮩﺖ ﭘﯿﺎﺭﯼ ﻟﮓ ﺭﮨﯽ ﮨﻮ "

ﻭﮦ ﮐﮭﻮﺋﯽ ﮨﻮﺋﯽ ﻧﻈﺮﻭﮞ ﺳﮯ ﻣﺠﮭﮯ ﺩﯾﮑﮭﺘﮯ ﮨﻮﺋﮯ ﺑﻮﻟﯽ " : ﯾﮧ ﺗﻮ ﺗﻢ ﺭﻭﺯ ﮨﯽ ﮐﮩﺘﮯ ﮨﻮ " ۔

ﺍﻭﺭ ﮐﭽﮫ ﺳﻤﺠﮫ ﻧﮧ ﺁﯾﺎ ﺗﻮ ﻣﯿﮟ ﺑﮭﯽ ﺧﺎﻣﻮﺵ ﮨﻮﮔﯿﺎ ﺍﻭﺭ ﭘﮭﺮ ﯾﮧ ﺧﺎﻣﻮﺷﯽ ﭘﮭﯿﻠﺘﯽ ﮨﯽ ﭼﻠﯽ ﮔﺌﯽ۔ ﺍﻭﺭ ﯾﮩﯽ ﺧﺎﻣﻮﺷﯽ ﻣﯿﺮﯼ ﺯﻧﺪﮔﯽ ﻣﯿﮟ ﻃﻮﻓﺎﻥ ﻟﮯ ﺁﺋﯽ ﺟﺐ ﺍﺱ ﻧﮯ ﭘﺮﺟﻮﺵ ﺁﻭﺍﺯ ﻣﯿﮟ ﻣﺠﮫ ﺳﮯ ﮐﮩﺎ " : ﺳﻨﻮ ﺟﺎﻥ ! ﺗﻢ ﺷﺎﻋﺮ ﺑﻦ ﺟﺎﺅ !

ﻣﯿﺮﺍ ﻣﻨﮧ ﮐﮭﻼ ﮐﺎ ﮐﮭﻼ ﺭﮦ ﮔﯿﺎ۔ ﻣﯿﮟ ﺣﯿﺮﺍﻧﯽ ﺳﮯ ﺍُﺳﮯ ﺗﮑﺘﮯ ﮨﻮﺋﮯ ﭼﻼﯾﺎ ": ﻣﯿﮟ ﮐﯿﺴﮯ ﺷﺎﻋﺮ ﺑﻦ ﺳﮑﺘﺎ ﮨﻮﮞ؟ ﭘﺎﮔﻞ ﮨﻮﮔﺌﯽ ﮨﻮ ﮐﯿﺎ؟ "

" ﮐﯿﻮﮞ؟ ﮐﯿﻮﮞ ﻧﮩﯿﮟ ﺑﻦ ﺳﮑﺘﮯ؟ ﺍﺗﻨﺎ ﺍﭼﮭﺎ ﺑﻮﻟﺘﮯ ﮨﻮ۔ ﻟﻔﻆ ﺑﮭﯽ ﺑﮍﮮ ﺍﭼﮭﮯ ﭼُﻨﺘﮯ ﮨﻮ۔ ﺑﺲ ﺗﮭﻮﮌﯼ ﺳﯽ ﺍﻭﺭ ﮐﻮﺷﺶ ﮐﺮﻭ ﺗﻮ ﺍﭼﮭﯽ ﺧﺎﺻﯽ ﺷﺎﻋﺮﯼ ﺑﮭﯽ ﮐﺮﻧﮯ ﻟﮕﻮ۔

ﮨﺎﺋﮯ ﮐﺘﻨﺎ ﻣﺰﮦ ﺁﺋﮯ ﮔﺎ ﺟﺐ ﻣﯿﮟ ﺳﺐ ﺳﮯ ﮐﮩﻮﮞ ﮔﯽ ﮐﮧ ﻣﯿﺮﺍ ﻣﺤﺒﻮﺏ ﺍﯾﮏ ﺷﺎﻋﺮ ﮨﮯ۔

ﭘﻠﯿﺰ ﻣﯿﺮﯼ ﺧﺎﻃﺮ ﺑﻦ ﺟﺎﺅ ﻧﺎ۔ ﺗﻤﮩﯿﮟ ﻣﯿﺮﯼ ﻗﺴﻢ "

ﺍﺱ ﻧﮯ ﺑﺎﻧﮩﯿﮟ ﻣﯿﺮﮮ ﮔﻠﮯ ﻣﯿﮟ ﮈﺍﻟﺘﮯ ﮨﻮﺋﮯ ﺑﮍﮮ ﭼﺎﺅ ﺳﮯ ﮐﮩﺎ۔

" ﻣﮕﺮ ﭘﮕﻠﯽ ﺟﺎﻧﺘﯽ ﮨﻮ ﺷﺎﻋﺮ ﮐﯿﺎ ﮨﻮﺗﺎ ﮨﮯ؟ ﻟﮩﻮ ﺍﮔﻠﺘﺎ ﮨﮯ۔ ﺩﺭﺩ ﺳﮩﺘﺎ ﮨﮯ۔ ﺁﻧﺴﻮ ﭘﯿﺘﺎ ﮨﮯ۔ ﺍﻭﺭ ﮐﭽﮫ ﻧﮩﯿﮟ، ﺑﺲ ﺟﯿﺘﺎ ﮨﮯ "

ﺗﻢ ﮐﯿﺎ ﺳﻤﺠﮭﺘﯽ ﮨﻮ ﮐﮧ ﺩﺍﺩ ﻭﺻﻮﻝ ﮐﺮﻧﮯ ﮐﮯ ﻟﺌﮯ ﻟﮑﮭﺘﺎ ﮨﻮ ﺷﺎﻋﺮ؟

ﺳﻨﻨﮯ ﻭﺍﻟﮯ ﺗﻮ ﺑﺲ ﺫﺭﺍ ﺳﯽ ﺩﺍﺩ ﺩﯾﺘﮯ ﮨﯿﮟ۔ ﻭﺍﮦ ﻭﺍﮦ ﮐﺮﺗﮯ ﮨﯿﮟ۔ ﮐﭽﮫ ﺍﺣﺘﺮﺍﻡ ﺩﯾﺘﮯ ﮨﯿﮟ۔ ﮐﭽﮫ ﮨﻤﺪﺭﺩﯼ ﺟﺘﺎﺗﮯ ﮨﯿﮟ ﺍﻭﺭ ﭘﮭﺮ ﺍﭘﻨﮯ ﮔﮭﺮﻭﮞ ﮐﻮ ﻟﻮﭦ ﺟﺎﺗﮯ ﮨﯿﮟ۔ ﺍﻭﺭ ﭘﯿﭽﮭﮯ ﺭﮦ ﺟﺎﺗﺎ ﮨﮯ ﺷﺎﻋﺮ۔ ﺗﻨﮩﺎ ﺍﻭﺭ ﺍﮐﯿﻼ۔

ﺷﺎﻋﺮ ﮐﮯ ﺍﻧﺪﺭ ﮐﭽﮫ ﭨﻮﭦ ﺭﮨﺎ ﮨﻮﺗﺎ ﮨﮯ۔ ﮐﭽﮫ ﭼﮭُﻮﭦ ﺭﮨﺎ ﮨﻮﺗﺎ ﮨﮯ۔ ﮐﻮﺋﯽ ﻟﻮﭦ ﺭﮨﺎ ﮨﻮﺗﺎ ﮨﮯ۔ ﺍﺱ ﺩﺭﺩ ﮐﻮ۔ ﮨﺎﮞ ﺍﺳﯽ ﺩﺭﺩ ﮐﻮ ﺟﺴﮯ ﻭﮦ ﻟﻔﻈﻮﮞ ﻣﯿﮟ ﮈﮬﺎﻝ ﮐﺮ ﺷﺎﻋﺮﻭﮞ ﮐﯽ ﺷﮑﻞ ﺩﯾﺘﺎ ﮨﮯ۔ ﺍﺱ ﺩﺭﺩ ﮐﻮ ﮐﻮﺋﯽ ﻣﺤﺴﻮﺱ ﻧﮩﯿﮟ ﮐﺮﺗﺎ۔ ﺍﻭﺭ ﻭﮦ ﺍﮐﯿﻼ ﮨﯽ ﺗﮍﭘﺘﺎ ﺭﮨﺘﺎ ﮨﮯ۔

ﺍﻭﺭ ﺗﻢ ﭼﺎﮨﺘﯽ ﮨﻮ ﻣﯿﺮﯼ ﺯﻧﺪﮔﯽ ﺑﮭﯽ ﻭﯾﺴﯽ ﮨﻮ ﺟﺎﺋﮯ۔

ﺍﻑ ﺍﻟﻠﮧ ﺑﭽﺎﺋﮯ ﺍﯾﺴﯽ ﺯﻧﺪﮔﯽ ﺳﮯ۔

ﭘﻠﯿﺰ ﯾﺎﺭ، ﺍﯾﺴﯽ ﺑﺎﺗﯿﮟ ﻣﺖ ﮐﺮﻭ۔ ﺍﺑﮭﯽ ﮨﻤﺎﺭﯼ ﻣﻨﮕﻨﯽ ﮨﻮﺋﮯ ﮨﮯ۔ ﺷﺎﺩﯼ ﮐﯽ ﺑﮩﺖ ﺳﯽ ﺗﯿﺎﺭﯾﺎﮞ ﺑﺎﻗﯽ ﮨﯿﮟ ﺍﻭﺭ ﺗﻢ ﯾﮧ ﮐﯿﺴﯽ ﺑﺎﺗﯿﮟ ﻟﮯ ﺑﯿﭩﮭﯽ ﮨﻮ۔ ﻣﯿﮟ ﻧﮯ ﻣﻨﺖ ﺑﮭﺮﮮ ﺩﮬﯿﻤﮯ ﻟﮩﺠﮯ ﻣﯿﮟ ﺍﺳﮯ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ۔

" ﭘﻠﯿﺰ ﭘﻠﯿﺰ ! ﯾﮧ ﮐﯿﺴﯽ ﻣﺤﺒﺖ ﮨﮯ ﺗﻤﮩﺎﺭﯼ ﺟﻮ ﻣﯿﺮﯼ ﺍﺗﻨﯽ ﺳﯽ ﺧﻮﺍﮨﺶ ﭘﻮﺭﯼ ﻧﮩﯿﮟ ﮐﺮ ﭘﺎ ﺭﮨﯽ ۔ ﺗﻤﮩﯿﮟ ﻣﯿﺮﯼ ﻗﺴﻢ !"

ﺍﺱ ﻧﮯ ﺑﺎﻗﺎﺋﺪﮦ ﺯﺩ ﮐﺮﺗﮯ ﮨﻮﺋﮯ ﺭﻭﮨﺎﻧﺴﮯ ﻟﮩﺠﮯ ﻣﯿﮟ ﮐﮩﺎ۔

" ﭘﺮ ﺗﻢ ﻣﯿﺮﯼ ﺑﺎﺕ ﺑﮭﯽ ﺗﻮ ﺳﻨﻮ ﻧﺎ ﺟﺎﻥ۔ ﺗﻢ ﺑﮩﺖ ﺑﮭﻮﻟﯽ ﮨﻮ۔ ﺷﺎﻋﺮ ﺍﯾﺴﮯ ﮨﯽ ﻧﮩﯿﮟ ﺑﻦ ﺟﺎﺗﺎ ﮐﻮﺋﯽ۔ ﺍﺱ ﮐﮯ ﻟﯿﮯ ﺑﮍﺍ ﺣﻮﺻﻠﮧ ﭼﺎﮨﺌﮯ ﮨﻮﺗﺎ ﮨﮯ۔ ﺟﺐ ﺗﮏ ﮐﻮﺋﯽ ﭼﻮﭦ ﻧﮧ ﮐﮭﺎﺋﯽ ﮨﻮ۔ ﮐﻮﺋﯽ ﺩﺭﺩ ﻧﮧ ﭘﺎﻻ ﮨﻮ۔ ﮐﻮﺋﯽ ﻣﺤﺒﻮﺏ ﮨﺮﺟﺎﺋﯽ ﻧﮧ ﮨﻮ۔ ﮐﻮﺋﯽ ﺩﺭﯾﺎ ﺑﮩﺎﯾﺎ ﻧﮧ ﮨﻮ۔ ﺷﺎﻋﺮ ﻧﮩﯿﮟ ﺑﻨﺎ ﺟﺎ ﺳﮑﺘﺎ۔

ﺍﻭﺭ ﻣﯿﺮﯼ ﻣﺤﺒﺖ ﺍﺩﮬﻮﺭﯼ ﻧﮩﯿﮟ ﮨﮯ۔ ﻣﯿﺮﺍ ﮐﻮﺋﯽ ﻣﺤﺒﻮﺏ ﮨﺮﺟﺎﺋﯽ ﻧﮩﯿﮟ ﮨﮯ۔ ﻣﯿﮟ ﮐﻮﺋﯽ ﭼﻮﭦ ﮐﮭﺎﺋﯽ ﻧﮩﯿﮟ ﮨﮯ ﺗﻮ ﻣﯿﮟ ﮐﯿﺴﮯ ﺷﺎﻋﺮ ﺑﻦ ﺟﺎﺅﮞ؟ ﮨﻤﺎﺭﯼ ﺷﺎﺩﯼ ﮨﻮﻧﮯ ﻭﺍﻟﯽ ﮨﮯ ﺍﺱ ﻟﺌﮯ ﺗﻢ ﭘﻠﯿﺰ ﺍﺱ ﭼﯿﭙﭩﺮ ﮐﻮ ﯾﮩﺎﮞ ﮨﯽ ﮐﻠﻮﺯ ﮐﺮ ﺩﻭ۔ ﺍﺑﮭﯽ ﺑﮩﺖ ﮐﺎﻡ ﺑﺎﻗﯽ ﮨﯿﮟ۔ ﻣﯿﮟ ﻧﮯ ﺍﺱ ﮐﮯ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﺘﮯ ﮨﻮﺋﮯ ﺳﻤﺠﮭﺎﻧﮯ ﮐﯽ ﺍﯾﮏ ﺍﻭﺭ ﮐﻮﺷﺶ ﮐﯽ "

ﺍﺏ ﺍﺱ ﮐﮯ ﭘﺎﺱ ﮐﻮﺋﯽ ﺟﻮﺍﺯ ﻧﮩﯿﮟ ﺗﮭﺎ۔ ﺍﺱ ﻟﯿﺌﮯ ﻭﮦ ﺑﮭﯽ ﯾﮧ ﺳﺐ ﺳﻦ ﮐﺮ ﺻﺮﻑ " ﺍﭼﮭﺎ " ﮨﯽ ﮐﮩﮧ ﺳﮑﯽ ﺍﻭﺭ ﺧﺎﻣﻮﺵ ﮨﻮﮔﺌﯽ۔

ﮨﻢ ﮐﺎﻓﯽ ﺩﯾﺮ ﯾﻮﻧﮩﯽ ﭼﻠﺘﮯ ﺭﮨﮯ ﭘﺮ ﺁﺝ ﭘﮩﻠﯽ ﺑﺎﺭ ﺳﺐ ﮐﭽﮫ ﻋﺠﯿﺐ ﻋﺠﯿﺐ ﻟﮓ ﺭﮨﺎ ﺗﮭﺎ ﺣﺎﻻﻧﮑﮧ ﻭﮨﯽ ﭘﺘﮯ، ﻭﮨﯽ ﮨﻮﺍﺋﯿﮟ، ﻭﮨﯽ ﭘﮭﻮﻝ، ﻭﮨﯽ ﺷﺒﻨﻤﯽ ﻗﺒﺎﺋﯿﮟ ﻭﮨﯽ ﮈﮔﺮ ﻭﮨﯽ ﺭﺍﮨﯿﮟ ﻣﮕﺮ ﯾﮧ ﺳﺐ ﮐﭽﮫ ﺁﺝ ﻋﺠﯿﺐ ﻟﮓ ﺭﮨﺎ ﺗﮭﺎ ﮐﯿﻮﻧﮑﮧ ﻭﮦ ﺧﺎﻣﻮﺵ ﺗﮭﯽ۔ ﺍﻭﺭ ﻣﯿﮟ ﯾﮩﯽ ﺳﻮﭺ ﺭﮨﺎ ﺗﮭﺎ ﮐﮧ ﮐﯿﺴﯽ ﻋﺠﯿﺐ ﺳﯽ ﺧﻮﺍﮨﺶ ﺗﮭﯽ ﺍﺱ ﭘﮕﻠﯽ ﮐﯽ۔ ﺍﻭﺭ ﯾﮩﯽ ﺳﻮﭼﺘﮯ ﺳﻮﭼﺘﮯ ﺷﺎﻡ ﺑﯿﺖ ﮔﺊ۔

ﮐﭽﮫ ﺩﻧﻮﮞ ﺗﮏ ﮨﻢ ﺍﭘﻨﯽ ﺯﻧﺪﮔﯽ ﻣﯿﮟ ﻣﺼﺮﻭﻑ ﺭﮨﮯ، ﻣﻼﻗﺎﺕ ﻧﮧ ﮨﻮﺳﮑﯽ ﺍﻭﺭ ﭘﮭﺮ ﮐﭽﮫ ﺩﻧﻮﮞ ﺑﻌﺪ ﺍﺱ ﮐﺎ ﺧﻂ ﻣﻼ۔ ﺧﻂ ﮐﯽ ﭘﮩﻠﯽ ﺳﻄﺮ ﭘﮍﮪ ﮐﺮ ﻣﯿﮟ ﻣﺴﮑﺮﺍﯾﺎ ﺍﻭﺭ ﺑﮍﮮ ﺍﻧﮩﻤﺎﮎ ﺳﮯ ﭘﮍﮬﻨﺎ ﺷﺮﻭﻉ ﮨﻮﺍ :

" ﺟﺎﻥ ﺳﮯ ﭘﯿﺎﺭﮮ !

ﻣﺤﺒﺖ ﺭﻭﺡ ﮐﺎ ﺭﺷﺘﮧ ﮨﮯ ﯾﮧ ﺗﻢ ﮨﯽ ﻧﮯ ﮐﮩﺎ ﺗﮭﺎ۔ ﻣﯿﮟ ﺗﻤﮩﺎﺭﮮ ﻋﻼﻭﮦ ﮐﺴﯽ ﺍﻭﺭ ﮐﻮ ﭼﺎﮦ ﮐﺮ ﺑﮭﯽ ﻧﮧ ﭼﺎﮦ ﺳﮑﻮﮞ ﮔﯽ۔ ﯾﮧ ﺑﮭﯽ ﺳﭻ ﮨﮯ۔

ﻣﮕﺮ ﻣﯿﮟ ﮐﯿﺎ ﮐﺮﻭﮞ۔ ﻣﯿﮟ ﭼﺎﮨﺘﯽ ﮨﻮﮞ، ﺟﺴﮯ ﻣﯿﮟ ﭼﺎﮨﺘﯽ ﮨﻮﮞ ﺍﺱ ﮐﺎ ﯾﻌﻨﯽ ﺗﻤﮩﺎﺭﺍ ﻧﺎﻡ ﮨﻮ۔ ﻣﻘﺎﻡ ﮨﻮ۔ ﻟﻮﮒ ﺗﻤﮩﺎﺭﺍ ﮨﯽ ﺫﮐﺮ ﮐﺮﯾﮟ۔ ﺗﻢ ﺍﯾﮏ ﺷﺎﻋﺮ ﮨﻮ۔ " ﺷﺎﻋﺮ ﻭﻗﺖ " ﮐﮯ ﻧﺎﻡ ﺳﮯ ﺟﺎﻧﮯ ﺟﺎﺅ۔ ﺍﻭﺭ ﻣﯿﺮﺍ ﺳﺮ ﻓﺨﺮ ﺳﮯ ﺑﻠﻨﺪ ﮨﻮ ﺟﺎﺋﮯ۔ ﻣﯿﮟ ﺑﮭﯽ ﮐﮩﮧ ﺳﮑﻮﮞ ﮐﮧ ﺩﯾﮑﮭﻮ ﯾﮧ ﺷﺎﻋﺮ ﻭﻗﺖ ﻣﯿﺮﯼ ﻣﺤﺒﺖ ﮨﮯ۔

ﻣﯿﮟ ﻧﮯ ﺍﭘﻨﯽ ﺗﻤﮩﺎﺭﯼ ﻣﻨﮕﻨﯽ ﺗﻮﮌ ﺩﯼ ﮨﮯ۔ ﺍﮔﻠﮯ ﻣﺎﮦ ﺍﭘﻨﮯ ﮐﺰﻥ ﺳﮯ ﻣﯿﺮﯼ ﺷﺎﺩﯼ ﮨﮯ۔ ) ﺗﻤﮩﯿﮟ ﺗﻮ ﭘﺘﮧ ﮨﯽ ﮨﮯ ﮐﮧ ﺍﻧﮩﯿﮟ ﮐﺘﻨﯽ ﺟﻠﺪﯼ ﺗﮭﯽ ﺳﻮ ﻣﯿﯿﺮﯼ ﮨﺎﮞ ﮐﮧ ﺑﻌﺪ ﺍﻧﮩﻮﮞ ﻧﮯ ﺍﯾﮏ ﮨﯽ ﻣﺎۃ ﺩﯾﺎ۔۔۔۔ (

ﺧﯿﺮ ﺗﻢ ﻣﺠﮫ ﺳﮯ ﺍﻭﺭ ﻣﯿﮟ ﺗﻢ ﺳﮯ ﺍﺏ ﮐﻮﺋﯽ ﺭﺍﺑﻄﮧ ﻧﮩﯿﮟ ﺭﮐﮭﯿﮟ ﮔﮯ۔ ﮨﻤﺎﺭﯼ ﺭﻭﺣﯿﮟ ﺗﻮ ﺍﯾﮏ ﺩﻭﺳﺮﮮ ﻣﯿﮟ ﺳﻤﺎ ﭼﮑﯽ ﮨﯿﮟ ﺗﻮ ﭘﮭﺮ ﮨﻤﯿﮟ ﮐﯿﺎ ﭘﺮﻭﺍۃ۔ ﮐﮩﯿﮟ ﭘﺮ ﺑﮭﯽ ﺭﮨﯿﮟ ﮨﻢ ﺗﻢ۔ ﻣﺤﺒﺖ ﺗﻮ ﭘﮭﺮ ﻣﺤﺒﺖ ﮨﮯ۔ ﺗﻢ ﻣﯿﺮﮮ ﺭﮨﻮ ﮔﮯ ﺍﻭﺭ ﻣﯿﮟ ﺗﻤﮩﺎﺭﯼ۔ ﮨﯿﮟ ﻧﺎ؟

ﺩﯾﮑﮭﻮ ﺟﺎﻥ، ﯾﻮﮞ ﺳﻤﺠﮫ ﻟﻮ، ﮨﻤﺎﺭﯼ ﻣﺤﺒﺖ ﮐﺎ ﯾﮧ ﺍﻣﺘﺤﺎﻥ ﮨﮯ۔ ﺍﺏ ﮐﻮﺋﯽ ﺑﮩﺎﻧﮧ ﻧﮩﯿﮟ ﭼﻠﮯ ﮔﺎ۔ ﺗﻤﮩﯿﮟ ﺗﻮ ﭼﻮﭦ ﮨﻮ ﭼﮑﯽ ﮨﮯ۔ ﺗﻤﮭﺎﺭﯼ ﺑﮭﯽ ﻣﺤﺒﻮﺑﮧ ﺗﻤﮩﯿﮟ ﭼﮭﻮﮌ ﮐﺮ ﺟﺎ ﭼﮑﯽ ﮨﮯ۔ ﺍﺏ ﺗﻮ ﺳﺎﺭﯼ ﮐﻨﮉﯾﺸﻨﺰ ﮨﯿﮟ ﻧﺎ۔ ﺍﺏ ﺗﻮ ﺗﻢ ﺷﺎﻋﺮ ﺑﻦ ﺳﮑﺘﮯ ﮨﻮ ﻧﺎ۔

ﮨﯿﮟ ﻧﺎ؟

ﺗﻮ ﺑﺲ ﺗﻤﮩﯿﮟ ﻣﯿﺮﯼ ﻗﺴﻢ۔ ﺍﺏ ﺍﻧﮑﺎﺭ ﻣﺖ ﮐﺮﻧﺎ۔ ﺑﺲ ﺷﺎﻋﺮ ﺑﻨﻨﺎ۔ "

ﺳﻮ ﺁﺝ ﻣﯿﮟ ﺍﯾﮏ ﺷﺎﻋﺮ ﮨﻮﮞ۔

ﻟﮩﻮ ﺍﮔﻠﺘﺎ ﮨﻮﮞ، ﺩﺭﺩ ﺳﮩﺘﺎ ﮨﻮﮞ۔ ﺁﻧﺴﻮ ﭘﯿﺘﺎ ﮨﻮﮞ ﺍﻭﺭ ﮐﭽﮫ ﻧﮩﯿﮟ " ﺑﺲ ﺟﯿﺘﺎ ﮨﻮﮞ " ۔

.

.