Be-Kaif Hain Ye Saghar-o- Meena Tere Baghair,

Be-Kaif Hain Ye Saghar-o-
Meena Tere Baghair,

Aasan Huwa Hai Zehar Ka
Peena Tere Baghair,

Kya Kya Tere Firaq Me Ki
Hain Mushaqaten,

Ik Ho Gaya Hai Khoon
Paseena Tere Baghair,

Jachta Nahi Hai Koi
Nigahon Me Aaj Kal,

Be-Aks Hai Ye Deeda-e-
Beena Tere Baghair,

Kin Kin Bulandiyon Ki
Tamana Ki Ishq Main,

Tay Ho Saka Na Aik Bhi
Zeena Tere Baghair,

Tu Aashna-e-Shiddat-e-
Gham Ho To Kuch Kahon,

Kitna Bara Azab Hai Jeena
Tere Baghair,

Sahil Pe Kitne Deeda-o-Dil
Farsh-e-Raah Thay,

Utra Na Paar Dil Ka
Safeena Tere Baghair,

Baqi Kisi Bhi Cheez K Dil
Par Asar Nahi,

Pathar Ka Ho Gaya Hai Ye
Seena Tere Baghair,