Rah-E-Yaar Hamne Qadam Qadam, Tujhe Yaadgaar Bana Diya

Na Ganvaao Naavak-E-Neemkash, Dil-E-Reza Reza Ganva Diya
;
Jo Bache Hain Sang Samet Lo, Tan-E-Daag Daag Luta Diya
;
Mere Chaaragar Ko Naved Ho, Saf-E-Dushmanaa Ko Khabar Karo
;
Wo Jo Qarz Rakhte The Jaan Par, Wo Hisaab Aaj Chuka Diya
;
Karo Kaj Jabin Pe Sar-E-Kafan, Mere Qaatilon Ko Gumaan Na Ho
;
Ki Guroor-E-Ishq Kaa Baankpan, Pas-E-Marg Hamne Bhula Diya
;
Udhar Ek Harf Ki Kushtani, Yahaan Laakh Uzr Tha Guftani
;
Jo Kaha To Sun Ke Uda Diya, Jo Likha To Pad Ke Mita Diya
;
Jo Ruke To Koh-E-Garaan The Ham, Jo Chale To Jaan Se Guzar Gaye
;
Rah-E-Yaar Hamne Qadam Qadam, Tujhe Yaadgaar Bana Diya