Mere Pas Raaton Ki Tareeqi Main

میرے پاس راتوں کی تاریکی میں

کھلنے والے پھول ہیں

اور بے خوابی

دنوں کی مرجھائی ہوئی روشنی ہے

اور بینائی

میرے پاس لوٹ جانے کو ایک ماضی ہے

اور یاد۔۔۔

میرے پاس مصروفیت کی تمام تر رنگا رنگی ہے

اور بے معنویت

اور ان سب سے پرے کھلنے والی آنکھ

میں آسماں کو اوڑھ کر چلتا

اور زمین کو بچھونا کرتا ہوں

جہاں میں ہوں

وہاں ابدیت اپنی گرہیں کھولتی ہے

جنگل جھومتے ہیں

بادل برستے ہیں

مور ناچتے ہیں

میرے سینے میں ایک سمندر نے پناہ لے رکھی ہے

میں اپنی آگ میں جلتا

اپنی بارشوں میں نہاتا ہوں

میری آواز میں

بہت سی آوازوں نے گھر کر رکھا ہے

اور میرا لباس

بہت سی دھجیوں کو جوڑ کر تیار کیا گیا ہے

میری آنکھوں میں

ایک گرتے ہوئے شہر کا سارا ملبہ ہے

اور ایک مستقل انتظار

اور آنسو

اور ان آنسوؤں سے پھول کھلتے ہیں

تالاب بنتے ہیں

جن میں پرندے نہاتے ہیں

ہنستے اور خواب دیکھتے ہیں

میرے پاس

دنیا کو سنانے کے لیے کچھ گیت ہیں

اور بتانے کے لیے کچھ باتیں

میں رد کیے جانے کی لذت سے آشنا ہوں

اور پذیرائی کی دل نشیں مسکراہٹ سے

بھرا رہتا ہوں

میرے پاس

ایک عاشق کی وارفتگی

در گذر اور بے نیازی ہے

تمہاری اس دنیا میں

میرے پاس کیا کچھ نہیں ہے

وقت اور تم پر اختیار کے سوا؟

JAne kin reh guzron se

جانے کن رہ گزاروں سے

دوڑے چلے آتے ہیں

لاشیں بھنبھوڑتے، بو سونگھتے

بیٹھ گئے ہیں لوگ

کہ بیٹھے ہوؤں کو کاٹتے نہیں!

ویرانی کے عقب میں

راستوں اور شاہراہوں کے کہرام

اور جلتی بجھتی روشنیوں کے تعاقب میں

پھٹے ہوئے حلق کے ساتھ

گاڑیوں کے ساتھ ساتھ بھاگتے ہیں

دیوار پر

ٹانگ اٹھا چکنے کے بعد

معاف کیجئے گا

فتح علی خاں صاحب!

آپ کا الاپ، کانوں میں جم گیا ہے

مرکیاں ٹوٹتی ہیں

ہم رخصت ہو رہے ہیں

جینے کے جواز سے دست بردار

پٹاخوں سے پتلونیں بچاتے

پھدکتے پھرتے ہیں

ہماری قومی موسیقی

کافور کی مہک سے بھی خالی ہے

سڑاند ہے چہار جانب

اور بھونکنے کی آوازیں

بے سر، بے تال

جان کی امان پاؤں

تو سیدھا آپ ہی کی طرف آؤں گا

Bohat Dour Tak

بہت دور تک

یہ جو ویران سی رہ گزر ہے

جہاں دھول اڑتی ہے

صدیوں کی بے اعتنائی میں

کھوئے ہوئے

قافلوں کی صدائیں بھٹکتی ہوئی

پھر رہی ہیں، درختوں میں

آنسو میں

صحراؤں کی خامشی ہے

ادھڑتے ہوئے خواب ہیں

اور اڑتے ہوئے خشک پتے

کہیں ٹھوکریں ہیں

صدائیں ہیں

افسوں ہے سمتوں کا

حد نظر تک

یہ تاریک سا جو کرہ ہے

افق تا افق جو گھنیری ردا ہے

جہاں آنکھ میں تیرتے ہیں زمانے

کہ ہم ڈوبتے ہیں

تو اس میں

تعلق ہی، وہ روشنی ہے

جو انساں کو جینے کا رستہ دکھاتی ہے

کندھوں پہ

ہاتھوں کا لمس گریزاں ہیں

ہونے کا مفہوم ہے غالباً

وگرنہ وہی رات ہے چار سو

جس میں ہم تم بھٹکتے ہیں

اور لڑکھڑاتے ہیں، گرتے ہیں

اور آسماں، ہاتھ اپنے بڑھا کر

کہیں ٹانک دیتا ہے ہم کو

کہیں پھر چمکتے، کہیں ٹوٹتے ہیں

Us k ghar main ya is k ghar main

اس گھر میں یا اس گھر میں

تو کہیں نہیں ہے

دروازے بجتے ہیں

خالی کمرے

تیری باتوں کی مہکار سے بھر جاتے ہیں

دیواروں میں

تیری سانسیں سوئی ہیں

میں جاگ رہا ہوں

کانوں میں

کوئی گونج سی چکراتی پھرتی ہے

بھولے بسرے گیتوں کی

چاندنی رات میں کھلتے ہوئے

پھولوں کی دمک ہے، یہیں کہیں

تیرے خواب

مری بے سایہ زندگی پر

بادل کی صورت جھکے ہوئے ہیں

یاد کے دشت میں

آنکھیں کانٹے چنتی ہیں

میرے ہاتھ

ترے ہاتھوں کی ٹھنڈک میں

ڈوبے رہتے ہیں

آخر۔۔۔ تیری مٹی سے مل جانے تک

کتنے پل

کتنی صدیاں ہیں

اس سرحد سے

اس سرحد تک

کتنی مسافت اور پڑی ہے

ان رستوں میں

کتنی بارشیں برس گئی ہیں

آنکھیں مری

تیری راتوں کو ترس گئی ہیں

Aagey barhne wale

آگے بڑھنے والے

بدن کو کپڑوں پر اوڑھتے

اور چھریاں تیز کر کے نکلتے ہیں

بھیڑ کو چیر کر راستہ بناتے

ناخنوں سے نوچ لیتے ہیں

لباس اور عزتیں-

سرخ مرچوں سے ہر آنکھ کو اندھا کر دیتے ہیں

اور بڑھ جاتے ہیں

رعونت بھری مسکراہٹ کے ساتھ

چیختے اور چپ کرا دیتے ہیں

سر عام رقص کرتے ہیں

اور گاڑیاں ٹکرا جاتی ہیں

لڑکے لڑ پڑتے

مرد، پتلونیں کس لیتے

اور بوڑھے، تمباکو میں

گڑ کی مقدار بڑھا دیتے ہیں

کوئی میز ان کے سامنے جما نہیں رہ سکتا

اور کوئی محفل

ان کا داخلہ روک نہیں سکتی

وہ ٹھوکر سے دروازہ کھولتے ہیں

اور ہر کرسی ان کے لیے خالی ہو جاتی ہے

ان کے دبدبے سے

دیواروں کے پلستر اکھڑ جاتا ہے

کاغذ، شور کرنا بھول جاتے ہیں

اور موسم، ارادہ تبدیل کر لیتے ہیں

آگے بڑھنے والوں سے پناہ مانگتے ہیں

ان کے ساتھ

ڈرتے ہیں

زمین پر جھک کر چلنے والے

بوجھل خاموشی سے انہیں دیکھتے

اور گزر جاتے ہیں

آگے بڑھنے والے نہیں جانتے

کہ آگے بڑھا جا ہی نہیں سکتا

پھر بھی وہ بڑھتے ہیں

پہنچ کر دم لیتے ہیں

بے حیائی کی شدت

آنکھوں میں

موتیا اترنے کی رفتار تیز کر دیتی ہے

ہر تنے کی چھال

بدن پر ان مٹ خراشیں چھوڑ جاتی ہے

پھٹکری اور ویزلین سے چکنایا ہوا ماس

ہڈیوں سے ہمیشہ جڑا نہیں رہ سکتا

ہر بدن اور ہر کرسی کی

ایک عمر ہوا کرتی ہے

اور پھر ہم انہیں دیکھ سکتے ہیں

ایک دن

لپٹے ہوئے لباس میں

خلا کو گھورتے ہوئے

کسی نیم تاریک نشیب میں

پر کٹے پرندے کی طرح

مٹی پر لوٹتے ہوئے

آگے بڑھنے کی پیہم کوشش میں

duniyā kī mahfiloñ se uktā gayā huuñ yā rab

duniyā kī mahfiloñ se uktā gayā huuñ yā rab

kyā lutf anjuman kā jab dil hī bujh gayā ho

dīvāroñ se mil kar ronā achchhā lagtā hai

dīvāroñ se mil kar ronā achchhā lagtā hai

ham bhī pāgal ho jā.eñge aisā lagtā hai

dard-e-dil kyā bayāñ karūñ 'rashkī'

dard-e-dil kyā bayāñ karūñ 'rashkī'

us ko kab e'tibār aatā hai

ab to kuchh bhī yaad nahīñ hai

ab to kuchh bhī yaad nahīñ hai

ham ne tum ko chāhā hogā

ab ai ḳhudā ināyat-e-bejā se fā.eda

ab ai ḳhudā ināyat-e-bejā se fā.eda

mānūs ho chuke haiñ ġham-e-jāvedāñ se ham