The history of Pakistan

The history of Pakistan encompasses the history of the region constituting modern Pakistan. Prior to independence in 1947, the territory of modern Pakistan was a part of the British Indian Empire. Prior to that it was ruled in different periods by local kings and numerous imperial powers. The ancient history of the region comprising present-day Pakistan also includes some of the oldest of the names of empires of South Asia[1] and some of its major civilizations.[2][3][4][5] By the 18th century the land was incorporated into British India. Pakistan's political history began with the birth of the All India Muslim League in 1906 to protect "Muslim interests, amid neglect and under-representation" and to oppose Congress and growing Hindu nationalism in return the British Raj would decide to grant local self-rule. On 29 December 1930, philosopher Sir Muhammad Iqbal called for an autonomous new state in "northwestern India for Indian Muslims".[6] The League rose to popularity in the late 1930s. Muhammad Ali Jinnah espoused the Two Nation Theory and led the League to adopt the Lahore Resolution[7] of 1940, demanding the formation of independent states in the East and the West of British India. Eventually, a successful movement led by Jinnah resulted in the partition of India and independence from Britain, on 14 August 1947.

On 12 March 1949, the second constituent assembly of Pakistan passed the Objectives Resolution which was proposed by the first Prime Minister Liaquat Ali Khan, proclaimed that the future constitution of Pakistan would not be modeled entirely on a European pattern, but on the ideology and democratic faith of Islam. The legislative elections in 1954 saw the Awami League coming to power and its leader Huseyn Suhrawardy becoming country's first Bengali Prime minister. Promulgation of Constitution in 1956 lead to Pakistan declaring itself Islamic republic (official name) with the adoption of parliamentary democratic system of government. The constitution transformed the Governor-General of Pakistan into President of Pakistan (as head of state). Subsequently, Iskander Mirza became the first president as well as first Bengali in 1956, but the democratic system was stalled after President Mirza imposed the military coup d'état and appointed Ayub Khan as an enforcer of martial law. Two weeks later, President Mirza was ousted by Ayub Khan; his presidency saw an era of internal instability and a second war with India in 1965. Economic grievances and political disenfranchisement in East Pakistan led to violent political tensions and armed repression, escalating into guerrilla war[8] followed by the third war with India. Pakistan's defeat in the war ultimately led to the secession of East Pakistan and the birth of Bangladesh.[9]

Democracy again returned which was resumed from 1972 to 1977 under leftist PPP led by Zulfikar Ali Bhutto, until he was vanquished by General Zia-ul-Haq, who became the country's third military president. Pakistan's banished-secular policies were replaced by the new Islamic Shariah legal code, which increased religious influences on the civil service and the military. With the death of President Zia-ul-Haq in 1988, the new general elections announced the victory of PPP led by Benazir Bhutto who was elevated as the country's first female Prime Minister of Pakistan. Over the next decade, she alternated power with conservative Pakistan Muslim League-N (PML(N)) led by Nawaz Sharif, as the country's political and economic situation deteriorated. Military tensions in the Kargil conflict[10] with India were followed by a 1999 coup d'état in which General Pervez Musharraf assumed executive powers.

Self-appointing himself as President after the resignation of President Rafiq Tarar, Musharraf held nationwide general elections in 2002 to transfer the executive powers to newly elected Prime Minister Zafarullah Khan Jamali, who was succeeded in the 2004 by Shaukat Aziz. During the election campaign in 2007 following the parliament completing its term on 15 November 2007, Benazir Bhutto was assassinated which resulted in a series of important political developments when left-wing alliance led by PPP. The historic general elections held in 2013 marked the return of PML(N) coming to national prominence with Prime Minister Nawaz Sharif assuming the leadership of the country for the third time in its history.

یونہی اداس رہا میں تو دیکھنا اک دن

یونہی اداس رہا میں تو دیکھنا اک دن

تمام شہر میں تنہائیاں بچھا دوں گا

Koi Chup Chap Duniya K Mazalim

ﮐﻮﺋﯽ ﭼﭗ ﭼﺎﭖ ﺩﻧﯿﺎ ﮐﮯ ﻣﻈﺎﻟﻢ

ﺗﺮﯼ ﺧﺎﻃﺮ ___ ﮔﻮﺍﺭﮦ ﮐﺮ ﮔﯿﺎ ﮬﮯ

koi chup chap duniya k muzalim

teri khatir gawwara kar gaya hai

نومبر کا مہینہ تھا

نومبر کا مہینہ تھا

کہ جب میں نے جیے تھے

زندگی کے خوبصورت پل

یہی دن تھے

کہ جب میں نے ملائم نرم ہر احساس کو

لفظوں میں ڈھالا تھا

انہی ایام کی

لمبی, جواں راتوں میں ہی بنیاد رکھی تھی

کئی رنگین خوابوں کی

یہی آغاز سرما کی حسیں راتیں

کہ جب تھا چاند بھی آدھا

نہ میں سوتا , نہ تم سوتی

کسے پرواہ تھی نیندوں کی

اس اک رشتے کی بنیادوں میں کتنے رتجگے ڈالے

وہ سب لمحے

کہ جب اک دوسرے کے ساتھ

کتنے پل گزرتے تھے

کبھی باتیں محبت کی

کبھی اقرار کے قصے

کبھی عہد وفا کرنا

کبھی خود پر بہت ہنسنا

کسی انجام سے انجان سے ہو کر

ہم آگے بڑھتے جاتے تھے

ٹھٹھرتی ٹھنڈ میں, اپنا تعلق

گرم جوشی سے پھلا پھولا

وہ روز و شب

ہمارے ربط کی معراج تھے شاید

مگر دیکھو

گزرتے وقت کو, موسم کو کوئی روک کب پایا

طلمساتی وہ پل سارے

پگھلتی برف کی گرمی نہ سہہ پاۓ

اتر آئی عجب اک سرد مہری درمیاں اپنے

وہی رشتہ جو آتی سردی میں معراج تک پہنچا

وہ جاتی سردیوں کا ڈر نہ سہہ پایا

تھپیڑے دھوپ کے

گرمی , تمازت وہ نہ سہہ پایا

یوں وہ انجام کو پہنچا

وہ ساری بسری یادیں

بھولی باتیں ساتھ میں لےکر

دسمبر پھر چلا آیا

وہ معصوم پھول کہ

آج صُبح جب امّی کچن میں ناشتہ تیار کر رہی تھیں، تو بے دھیانی میں پانی سے بھرا ہوا کُولر سٹینڈ سے گِرا اور سارا پانی بہہ گیا۔۔۔۔۔۔۔۔ اور پھر اُس کے تھوڑی ہی دیر بعد مجھ سے چائے کا کپ گِرا اور چائے بھی بہہ گئی۔ امیّ نے کہا کہ یہ آج ہو کیا رہا ہے؟ صُبح صُبح ہر چیز بہہ رہی ہے۔۔۔۔ اب سارا دن یہی نہ ہوتا رہے۔۔۔۔۔۔ تھوڑی دُور بیٹھا ناشتہ کرتے ہوئے جب میں نے امّی کے یہ الفاظ سُنے تو پتا نہیں کیوں لاشعوری طور پہ میں نے دِل ہی دِل میں کہا کہ خون بھی تو بہتا ہے۔۔۔۔۔۔ آنسو بھی تو بہتے ہیں۔۔۔۔۔۔؟ لیکن اُسی وقت ان الفاظ کو میں نے منہ سے باہر نکلنے سے روک لیا کیوںکہ امّی پہلے ہی غصّے میں تھیں، اور مجھے ایسی بات کرنے پہ ڈانٹ پڑنی تھی، اس لیئے میں نے چُپ میں ہی عافیت جانی۔۔۔۔۔

دوپہر کو چلتے ہوئے کسی کو کہتے سُنا کہ پیشاور میں بچوں کے سکول پہ فائرنگ ہو رہی ہے۔۔۔۔۔۔۔۔۔ یہ خبر دیکھنے کے لیئے جب میں نے نیوز چینل لگایا تو پتا چلا کہ فائرنگ کے ساتھ ساتھ دھماکہ بھی ہوا ہے، اور شہید بچوں کی تعداد 100 سے بھی تجاوز کر چُکی ہے۔ وہ مناظر اور آہیں اعصاب پہ طاری سی ہوگئیں۔۔۔۔۔

پھر کافی دیر بیٹھی سوچتی رہی کہ شاید امّی نے صُبح ٹھیک ہی کہا تھا کہ صُبح صُبح پانی بہہ گیا۔۔۔۔۔۔ چائے بہہ گئی۔۔۔۔۔۔۔۔ اب سارا دن اللہ نہ کرے یہی ہوتا رہے۔۔۔۔۔ لیکن بدقسمتی سے آج سارا دِن یہی ہوا۔ ننّھے فرشتوں کا خون اس قوم اور ملک کی خاطر زکوٰۃ کی صورت میں بہہ گیا۔۔۔۔ مستقبل قریب میں جنھوں نے اس پاک سر زمین کا معمار بننا تھا، وہ روشن مستقبل بھی ریلے کی صورت بہہ گیا۔۔۔۔۔۔ وہ جگر گوشے جو کہ اپنے ماں،باپ کی اُمیدوں کا محوّر تھے۔ جنھوں نے علم کے چراغ جلا کر اپنی اور اپنوں کی زندگیوں میں ضیاء بانٹنا تھا۔۔۔۔۔۔۔امیدوں کا وہ محوّر بھی ڈھلتے سورج کی مانند بہہ گیا۔۔۔۔۔۔ اور اُن والدین کے ساتھ ساتھ آج ہر احساس سے لبریز دِل گرفتہ ہوا، ہر آنکھ اشکبار تھی۔۔۔۔۔۔ اور آہ۔۔۔۔۔۔۔۔۔۔۔۔۔۔۔۔۔!! آخر یہ دِن بھی آج بہت کچھ بہا کر خود بھی وقت کے دھارے کے ساتھ بہہ گیا۔۔۔۔ 

وہ معصوم پھول کہ جنھوں نے ہماری خاطر قربانی دی۔۔۔۔۔۔ اللہ سائیں کے پاس بلند درجات پہ فائض ہونگے۔ ہم اُن کے لیئے صرف دُعا ہی کر سکتے ہیں کہ اللہ تعالیٰ ان کے قاتلوں کو کیفرِکردار تک پہنچائے۔۔۔۔۔اور ان بچوں کے اہل و عیال سمیت ہر احساس سے لبریز دِل کو صبرِ جمیل عطا فرمائے۔۔۔۔۔ اور بدامنی، دہشت گردی، لسانیت اور فرقہ واریت جیسی لعنتوں سے ہمارے مُلک و قوم کو محفوط فرمائے۔۔۔۔ آمین ثُمہ آمین 

کہ محبت کسی کو دیکھنے سے ہوتی ہے یا بن دیکھے

کسی احباب کا سوال تھا کہ محبت کسی کو دیکھنے سے ہوتی ہے یا بن دیکھے؟

تو ۔۔۔۔۔۔۔ محبت تو احساسات و جزبات سے لبریز ایک جزبے کا نام ہے، جو غیر مرئی ہو کر بھی محبت کرنے والوں کی آنکھوں سے عیاں ہوتی ہے۔۔۔۔ ان کے ادب میں پوشیدہ ہوتی ہے۔۔۔۔۔ محبوب کو لے کر اس کی فکر سے چھلکتی ہے۔۔۔۔۔

اب سوال یہ ہے کہ کسی کو دیکھ کر محبت ہوتی ہے یا پھر بن دیکھے ہی ہو جاتی ہے؟ تو اس سوال کا جواب ڈھونڈنے سے پہلے یہ دیکھنا ہو گا کہ محبت ہوتی کس سے ہے؟ محبت اسی سے ہوتی ہے نا جس سے تعلق ہو، اب تعلق کسی قسم کا بھی ہو سکتا ہے۔۔۔۔۔۔ سوچ کا تعلق، کام کا تعلق، گفتگو کا تعلق، کسی رشتے کا تعلق، یا پھر صرف دیدار کا ہی تعلق لے لیجیئے۔۔۔۔۔۔ جس سے کوئی تعلق ہو، اور اس تعلق کو نبھاتے ہوئے اسی تعلق میں رُونما ہونے والی نئی تبدیلی کا نام محبت یا پھر نفرت ہوتا ہے۔  آج تک کسی سے آپ نے یہ سُنا ہے کہ کوئی شخص یہ کہے کہ اسے کسی شخص سے بنا کسی تعلق سے محبت یا پھر نفرت ہے؟ نہیں ناں؟؟؟ تو بس محبت بھی یہی ہے۔۔۔

علمِ شہریت میں انسان کو سماجی جانور کہا گیا ہے کہ وہ اکیلا، تنِ تنہا نہیں رہ سکتا، قدرت نے میل ملاپ، دوسروں سے تعلق استوار رکھنا، اور اپنی ضرورتوں کی خاطر دوسروں پہ انحصار کرنا اس کی سرشت کا حصہ بنایا ہے۔ اب اس بات کو مدِنظر رکھتے ہوئے ایک انسان کا دوسرے انسان سے قدرتی لحاظ سے انسانیت کا ایک رشتہ قائم ہے۔ اپنی سرشت ہی کی پیروی کرتے ہوئے ایک انسان دوسرے کسی اجنبی انسان سے ملتا ہے، اس کے ساتھ کام کرتا ہے، اس سے گفتگو ہوتی ہے، دونوں ایک دوسرے کو دیکھتے ہیں، پرکھتے ہیں، دونوں ایک دوسرے کی اچھائیوں اور برائیوں سے واقفیت حاصل کرتے ہیں۔ اور پھر وہ اگر یہ دعویٰ کر دیں کہ انھیں ایک دوسرے سے محبت ہے تو کیا وہ واقعی محبت ہے؟ کہ کسی انسان کو پہلے دیکھو کہ وہ واقعی خوبرو اور خوش شکل ہے؟ اس میں کیا نقائص ہیں؟ کیا کیا اچھائیاں ہیں؟ تو معزرت کے ساتھ یہ دیکھنے، جانچنے والا روّیہ سبزی ترکاری، یا اشیاء خوردونوش کے ساتھ کیا جاتا ہے، یا پھر ماں باپ جب اپنی بیٹی یا بیٹے کا رشتہ طے کرنے لگتے ہیں تب وہ دیکھتے پرکھتے ہیں۔۔۔۔۔ یہ محبت نہیں بلکہ خود پسندی ہے کہ کسی انسان کا انتخاب کیا جائے کہ آیا وہ شخص میرے معیار پہ پوا اترتا ہے یا نہیں؟ یہ محبت نہیں ہوگی بلکہ اپنے انتخاب سے محبت کی جائے گی۔۔۔۔ گویا کہ اپنے آپ سے ہی محبت کی جائیگی۔۔۔۔۔ محبت ہونا اور بات ہے، اور محبت کرنا اور۔۔۔۔۔۔۔

اور جیسا کہ میں نے اوپر ذکر کیا کہ محبت اس سے ہوتی ہے جس سے کوئی تعلق ہو۔۔۔۔۔۔۔۔۔ تو دو متضاد جنس کے حامل فریقین میں معاشرتی، اخلاقی اور شرعی لحاظ سے تعلق قائم کرنے کو نکاح یا شادی کہتے ہیں، اب اس تعلق کے بعد جب دونوں فریقین ایک دوسرے کو دیکھیں گے، پرکھیں گے، اور اچھائی و برائی کو ملحوظ خاطر رکھنے کے بعد جو ہوگی وہی حقیقت میں محبت ہوگی۔۔۔۔ اور جو اس تعلق سے پہلے ایک دوسرے کو دیکھیں گے، پسند کریں گے، اور پھر اسے محبت کا نام دیں گے تو یہ محبت نہیں۔۔۔۔۔ بلکہ اپنی پسند سے، اپنے انتخاب سے محبت کی جائیگی۔۔۔۔

اب سوال یہ ہے کہ محبت کسی کو دیکھنے سے ہوتی ہے یا بن دیکھے؟ تو اس کا جواب میری ناقص سوچ و سمجھ کے مطابق یہی ہے کہ کسی انسان کو دیکھ کر ہونے والی محبت صرف نکاح کی صورت میں ہو سکتی ہے، کیونکہ اس میں نیّت کا کوئی فطور کارفرما نہیں ہوتا۔۔۔۔۔ دونوں ہی اخلاص سے ایک بندھن کو لے کر چلتے ہیں اور وہی بندھن محبت بھرا بندھن بن جاتا ہے۔۔۔۔۔۔

جبکہ نکاح یا شادی کے تعلق کے بغیر ہونے والی محبت بن دیکھے ہی ہوتی ہے۔ کسی کو دیکھے بنا، اس کے بارے میں دوسروں کے منہ سے تعریفی کلمات سن کر، اس کی اچھائیوں کے چرچے سن کر، وہی انسان سوچوں کا مرکز و محور بن جاتا ہے، اس سے سوچ کا تعلق جڑ جاتا ہے۔ پھر اس انسان کو نہ دیکھتے ہوئے بھی اس کی خوبیوں کی صورت میں ہر وقت اس کا دیدار کیا جاتا ہے۔۔۔۔۔ اور پھر اسے بن دیکھے ہی اس کی محبت پہ ایمان بالغیب کی طرح ایمان لایا جاتا ہے۔ جس میں محبوب کو دیکھا نہیں ہوتا، لیکن دیکھنے کی چاہت ضرور ہوتی ہے۔۔۔۔۔ اور ایسی محبت حاصل و حصول ، شکوہ و شکایت ، اچھائی و برائی سے مبّرا ہو کر نبھائی جاتی ہے۔۔۔۔ ایسی محبت خوبصورتی سے نہیں۔ بلکہ جس سے محبت ہو وہی خوبصورت و یکتا و بے مثل ہوتا ہے۔۔۔۔۔۔۔ 

اور سب سے اہم بات یہ ہے کہ محبت وجود سے وجود کا تعلق نہیں، بلکہ روح سے روح کے ربط کا نام ہے۔۔۔۔۔۔۔۔ کسی کو دن رات دیکھتے ہوئے، ایک چھت تلے رہتے ہوئے، اور اس کی خوبیوں سے واقفیت رکھتے ہوئے بھی اس سے محبت نہیں ہوتی۔۔۔۔۔۔ اور کسی کو دیکھے بغیر، بنا تعلق کے، کوسوں میلوں دُور ہونے کے باوجود بھی صرف اس کا ذکر سن کر، اس کی خوبیاں جان کر اس سے محبت ہو جاتی ہے۔۔۔۔۔۔ کیونکہ یہ ایک بے لوث جزبہ ہے، جو کہ صرف خاص روح کو کسی خاص روح کے لیئے عنایت کیا جاتا ہے۔ اور وہ روح اس روح کو خود ہی ڈھونڈھ لیتی ہے۔۔۔۔۔۔

محبت کیسا جزبہ ہے۔۔۔۔۔۔۔

مجھے نہیں معلوم کہ یہ محبت کیسا جزبہ ہے۔۔۔۔۔۔۔ یا ہوتا ہوگا؟

اس کا احساس یا اس کی علامات کیا ہیں میں نہیں جانتا؟ کہنے والے کہتے ہیں کہ جو سمجھ بوجھ اور عقل میں آنے سے بالاتر ہو وہ محبت ہے۔۔۔۔۔۔۔ لیکن میں نے اس جزبے کو محسوس کرنے کے لیئے ہمیشہ ہی طویل سوچوں کا سہارا لیا ہے۔ اور انہی سوچوں نے وہ دریچے کھولے جن سے میں نے جھانک کر محبت کا مشاہدہ کیا۔۔۔۔

میرے اندر ہمیشہ ہلچل رہتی ہے، ویسی ہی کیفیت جیسے کسی کا کچھ قیمتی سامان کھو گیا ہو اور وہ شخص اپنے کھوئے ہوئے سامان کا متلاشی بنا ڈگر نگر بھٹک رہا ہو نیند میں بھی بے خوابی سی کیفیت، بظاہر سویا ہوا لیکن بیدار۔۔۔۔۔۔۔ اس حالت سے بیزار ہوا تو اس کی وجہ اپنے تئیں جاننے کی کوشش کی۔۔۔ آخر یہ بےسکونی کیوں ہے؟ میں اپنے اردگرد لوگوں کا بغور مشاہدہ کرنے لگا، تجسّس بھری نظروں سے ان کے چہروں کو گھور گھور کر دیکھتا کہ آیا ان کے اندر بھی میری مانند افرا تفری ہے یا نہیں؟ تو دیکھتا ہوں کہ ہر انسان کو جلدی ہے، چہروں پر سے ہوائیاں اڑی ہوئی ہیں، اور یہ کہتے اِدھر اُدھر بھاگتے پھر رہے ہیں میرا یہ کام نہیں ہوا، وہ نہیں ہوا، مجھے بہت دیر ہو رہی ہے، مجھے یہ چاہیئے، وہ چاہیئے۔۔۔۔ یہ سب دیکھ کر لگا جیسے ہم انسان نہیں مشینیں ہوں، زندگی میں زرا بھی ٹھہراؤ نہیں، اگر کسی لمحے رکے تو جیسے ہار جائیں گے اور بہت پیچھے رہ جائیں گے۔۔۔۔

یہ صورتِ حال دیکھ کر میں سوچنے لگا کہ آخر وہ کیا شے ہے جس نے ہم انسانوں کے اندر کھلبلی مچا رکھی ہے۔ تو ناقص عقل کو یہی سمجھ آئی کہ فطری چیزیں ہمیشہ اپنی فطرت پہ قائم رہتی ہیں، وہ کسی طور بدلتی نہیں اور نہ بدلی جاسکتی ہیں۔۔۔۔۔ اور انسان کے جسم میں مقید روح فطرت پہ قائم ہے۔ روح کی فطرت محبت ہے۔۔۔۔ بلکہ روح بذاتِ خود سراپاء محبت ہے۔۔۔ یہی روح ہی تو محبت کا وہ مظہر ہے جو کہ حق کے انوار و تجلیات سے مشرف ہوئی۔۔۔۔۔۔۔ اور اسی محبت پہ مولانا رومؒ فرماتے ہیں کہ "سچائی کے بےشمار راستے ہیں، اور جو راستہ میں نے چُنا وہ محبت ہے"۔۔۔۔۔۔۔۔ اس قول سے صاف ظاہر ہے کہ حق تک پہنچنے کا راستہ محبت ہے۔۔۔ اب کسی بھی منزل تک وہی پہنچ سکتا ہے نا کہ جسے راستہ معلوم ہو، تو محبت ہی روح کی رہبر ہے۔۔۔۔۔

اور روح کی تخلیق میں بنیادی طور پہ آزاد ی کا عنصر ہے۔۔۔۔۔۔ بعد میں وہ جسم میں مقیّد ہوئی۔ تو اپنی فطرت کے پیشِ نظر روح جسم کی قید سے آزادی چاہتی ہے۔ چونکہ محبت ہی روح کی رہبر ہے۔۔۔۔ مگر ہم انسانوں کے اندر تو محبت کی بجائے حسد اور نفرتیں پنپتی رہتی ہیں۔۔۔ اس لیئے روح کو کوئی راستہ نہیں ملتا۔۔۔۔ وہ بند پنجرے میں قید پرندے کی مانند پھڑپھڑاتی رہتی ہے۔۔ اسی وجہ سے ہم لوگوں میں افراتفری کی سی کیفیت پائی جاتی ہے۔۔۔ وجود کو ہر سکھ مہیا کرنے کے بعد بھی تشفی اور سکون حاصل نہیں ہوتا۔۔۔ کیونکہ " محبت وجود سے وجود کا نہیں، روح سے روح کے ربط کا نام ہے"۔ روح سے روح کا ربط آخر تب ہو نا جب کہ روح آزاد ہو؟ تو جو لوگ اخلاقیات، حُسنِ سلوک اور اپنا تن،من، دھن سب خوشی خوشی نچھاور کردینے کا ظرف اور بنا کسی توقعات کے ایثار جیسے اعلیٰ اسلوب رکھتے ہیں۔۔۔۔۔۔ ایسے ہی لوگوں کے دلوں میں محبت پنپتی ہے۔۔۔۔۔۔ ان کی روحیں ان کے اجسام سے آزاد ہو جاتی ہیں۔۔ وہ ہمہ وقت جسم میں بھی موجود رہتی ہیں اور وصلِ محبوب سے بھی لطف اندوز ہو رہی ہوتی ہیں۔۔۔۔ ایسے لوگ نفسِ مطمعنہ کے حامل ہوتے ہیں۔۔۔ اور انہی کی روحوں کو محبت کا سرور نصیب ہوتا ہے۔۔۔۔۔۔۔۔۔۔۔۔۔۔۔۔ 

محبت

کیا کوئی بتا سکتا ہے کہ محبت کی موجودگی و غیر موجودگی کو جانچنے کا کوئی آلہ ایجاد ہوا ہے؟ اگر ایسا کوئی آلہ ہے تو اب بھی کچھ لوگ کیوں محبت کے نام پہ دھوکا کھا رہے ہیں؟

اور اگر ایسا کوئی آلہ موجود نہیں تو پھر لوگوں کو کیسے علم ہو جاتا ہے کہ کسی کو واقعی اُن سے محبت ہے؟

میں نے آج تک کسی کو محبت کا دعوٰی کرتے نہیں دیکھا۔ ہاں مگر اپنی محبت کا اظہار کرتے بہت سوں کو دیکھا ہے۔ اور اگر کوئی محبت کا دعویدار ہے تو میرے سامنے آئے اور اپنے دعوے کو درست ثابت کرے۔ اتنا آسان نہیں ہے کہ جس چیز کا دعوٰی کیا جائے تو پھر اُس پہ پورا اترا جائے۔۔۔۔۔۔۔۔ 

اور اب چونکہ انسانی خواہش کا تقاضہ ہے کہ اُسے کوئی بھی اچھا لگ سکتا ہے تو وہ اُس سے اپنی محبت یا پسندیدگی کا اظہار کردیتا ہے۔ مگر محبت کا دعوٰی نہیں کرتا۔۔۔۔۔۔ کیونکہ محبت کا دعوٰی کرنا یعنی کہ اپنے تمام اختیارات اپنے محبوب کے سپرد کرکے سبکدوش ہو جانا۔۔۔۔۔۔ محبوب اگر کہے کہ اندھے کنویں میں چھلانگ لگاؤ تو بنا سوالیہ نظروں کہ اُس اندھے کنویں میں کُود جانا۔۔۔۔۔ اسی لیئے تو محبت کے دعویدار کم اور اظہار والے زیادہ ہیں۔۔۔۔۔۔ 

اب میرے اوپر پوچھے گئے دونوں سوال اُن لوگوں سے ہیں جو کہ اپنی تو محبت کا دعوٰی کرتے نظر آتے ہیں لیکن دوسروں کی محبت کو طعنہ دیتے ہیں کہ یہ محبت نہیں ہے۔ اچھا! اگر یہ واقعی محبت نہیں ہے تو وہ آلہ لا دیں (جس میں انھوں نے اپنی محبت کو جانچا تھا اور انھیں یقین ہو گیا تھا کہ اُن کی محبت واقعی محبت ہے) تاکہ باقی بھی اپنی محبت اس آلے سے جانچ سکیں۔۔۔۔۔۔ 

اور یہ جو میرے جیسے عام اور کمزور لوگ ہوتے ہیں نا ان کی محبت صرف اظہار و اقرار تک ہی محدود ہوتی ہے۔ دعوٰی اس لیئے نہیں کر پاتے کیونکہ وہ شاید اس لائق ہی نہیں ہوتے کہ اپنے دعوے پہ پورا اتر سکیں۔ اور ان کے بارے میں یہ ہرگز نہیں کہا جا سکتا کہ ان کو محبت نہیں ہے۔ ارے بھئی! محبت کوئی سند تھوڑی نا آکر کسی کو دیتی ہے کہ لو بھئی میں تُم کو ہو گئی ہوں اور تُم اِس امتحان میں پاس ہو گئے ہو۔۔۔۔۔۔۔۔۔۔۔۔۔۔؟ 

محبت کو جانچنے کا نہ کوئی آلہ ہے اور نہ ناپ طول کا کوئی پیمانہ۔ یہ تو ایک غیر مرئی احساس سے مزّین ایک جزبہ ہے جو کہ فکر اور ذکر میں جھلکتا ہے۔ محسوس کیا اور کرایا جاسکتا ہے۔ اب اگر کسی کو یہ نظر نہ آئے اور وہ محسوس نہ کر سکے تو پھر اِس میں کسی کی محبت کا کیا دوش؟ کیونکر کسی کی محبت کو نہ ہونے کا طعنہ دینا؟ اگر ہم اپنی محبت کے دعویدار ہیں تو کم از کم دوسروں کی محبت کا بھی بھرم رکھیں۔ محبت ہونے نہ ہونے یا محبوب کی سند کی محتاج نہیں ہوتی۔ جس طرح ہر انسان کی شخصی اور ذاتی عزت ہوتی ہے۔ اسی طرح اُس کی محبت کا معاملہ بھی اُس کا اپنا ذاتی ہے۔ اُسے محبت ہے یا کچھ اور۔۔۔۔۔۔۔۔۔ وہ ساری حقیقت صحیح وقت پر آشکار ہو جاتی ہے۔ کیونکہ اصلیت تادیر چھُپ نہیں سکتی۔۔۔۔۔ 

اور پتا ہے! سب سے زیادہ تکلیف بلکہ اذیت تب ہوتی جب کسی کی محبت کی موجودگی کا انحراف کیا جائے۔ اس کے نہ ہونے کا طعنہ دیا جائے۔ اس طعنے کی تکلیف اتنی ہے کہ دعا ہے یہ طعنہ ان کو کوئی نہ دے جو دوسروں کو دیتے ہیں۔۔۔۔۔۔ 

دعا ہے کہ اللہ جی اِن دنیاوی محبتوں سے دِل پاک کردے جس میں ہونے کے باوجود بھی نہ ہونے کے طعنے ملتے ہیں۔ اور اللہ جی اپنی محبت عطا فرما۔ کیونکہ اے اللہ تو کسی کو طعنہ بھی نہیں دیتا چاہے محبت میں خلوص ہو یا دکھاوا ہو۔تو محبت نبھاتا ہے، محبت کا بھرم رکھتا ہے۔ ہم نحیف اور کمزور تیری محبت کے دعویدار تو نہیں مگر ٹوٹی پھوٹی عیب دار، دنیا داروں کی ٹھکرائی ہوئی محبت لے کر تجھ سے التجا کرتے ہیں مالک ہماری ساری کی ساری محبتوں کا رُخ اپنی طرف موڑ لے۔ آمین ثمہ آمین 

اِختیار اور مجبوری۔۔۔۔۔۔۔۔

اِختیار اور مجبوری۔۔۔۔۔۔۔۔

میں کب سے سوچ رہا تھا کہ اِن دو الفاظ کا آپس میں کتنا گہرہ تعلق ہے ناں؟ دِن رات کی مانند جو ہمیشہ ایک دوسرے سے منسلک رہتے ہیں۔ ہم اگر زندگی کے کسی بھی مقام کا مشاہدہ کرلیں جہاں ہم نے اپنے اختیارات کا استعمال کیا ہو۔۔۔۔۔ وہاں اُس مقام پہ ہمارا اختیار مجبوری میں بدل دیا گیا۔ ہمارے اختیار کے استعمال میں کوئی نہ کوئی مجبوری آڑے آ گئی۔۔۔۔

ہماری زندگی ایک بہتی ندّی کی مانند ہے، جس کے بہاؤ کے ساتھ ہم بہتے جا رہے ہیں۔ اور زندگی میں اِختیارات کا استعمال یوں ہے جیسے ندّی کے پانی کے بہاؤ کی مخالف سمت میں تیراکی کرتے ہوئے کنارے پہ پہنچنے کی کوشش کرنا۔ بہاؤ سے مزاحمت کرتے کرتے مجبوریوں کی موجیں ہماری سانسیں اُکھاڑنے لگتی ہیں، ہمارے حوصلے پست کر دیتی ہیں اور پھر غوطے دے دے کر جان لے لیتی ہیں۔

اِسی طرح ایک سائل اُسے یہ نہیں معلوم ہوتا کہ جس دَر پہ وہ دستِ سوال دراز کر رہا ہے آیا کہ وہاں سے اُس کی اُمید بر آئے گی؟ پھر بھی اُسے ایک اُمید ہوتی ہے، اُسے مان ہوتا ہے۔ کہ وہ خالی ہاتھ نہیں لوٹایا جائے گا۔ اور اِسی مان کے ساتھ سائل اپنا اِختیار استعمال کرتے ہوئے سوال کرتا ہے۔ اور وہ سمجھ رہا ہوتا ہے کہ سامنے والا دینے پہ مختار ہے اور وہ اپنا اختیار استعمال کرکے میری طلب پوری کر دے گا۔ مگر سائل کو یہ نہیں معلوم کہ بسا اوقات مختار بھی مجبور ہوتا ہے، اُس کی مراد پوری نہیں کر پاتا اور سائل مجبور ہوکر واپس چلا جاتا ہے۔ سائل کا اپنا اختیار تھا اور مختار کا اپنا۔ مگر دونوں کے اختیارات کو مجبوری نگل گئی۔ ایک مانگنے کے باوجود خالی ہاتھ لوٹنے پہ مجبور ہوا، تو دوسرا دینے کی قدرت رکھتے ہوئے بھی خالی ہاتھ لٹانے پہ مجبور ہوا۔

انسان نہ مکمل طور پہ مختار ہے اور نہ ہی مجبور۔۔۔۔۔ بس ان دنوں کے درمیان لٹکتا رہتا ہے۔ انسان کے لیئے بہتر یہی ہے کہ وہ اپنے اختیارات اُس ذات کو سونپ دے جو کہ مجبور نہیں اور نہ اُس کی کوئی مجبوری ہے۔ جو کہ مختارِ کُل ہے۔ وہی سب کی مجبوریاں دُور کرنے پہ قدرت رکھتا ہے۔ وہ اگر چاہے تو سائل کو خالی ہاتھ نہ جانے دے، اور دینے والے کی مجبوریاں بھی ختم کردے۔ ایک یہی صورت ہے جو انسان کو مختار بناتی اور مجبور بھی نہیں ہونے دیتی۔

یرے نفس نے مجھے نصیحت کی

میرے نفس نے مجھے نصیحت کی اور بتایا کہ میں اس سے

محبت کروں، جس سے لوگ نفرت کرتے ہیں اور اس سے خلوص برتوں، جس سے لوگ بغض و کینہ رکھتے ہیں۔ اس نے مجھ پر واضح کیا کہ محبت چاہنے والے کا نہیں، چاہے جانے والے کا امتیاز ہے۔

اور اپنے نفس کے نصیحت کرنے سے پہلے محبت میرے لیئے ایک باریک دھاگا تھی، جو پاس پاس گڑھی ہوئی دو میخوں کے درمیان کسا ہوا تھا۔ لیکن اب اس نے ایک ہالے کی صورت اختیار کرلی ہے، جس کا اول، آخر ہے اور آخر اول۔ جو ہر موجود کو محیط ہے، اور آہستہ آہستہ پھیل رہا ہے تاکہ آیندہ جو بھی عرصئہ وجود پر قدم رکھنے والا ہو، اسے اپنی 

آغوش میں سمیٹ لے۔