Yehi wada lia tha na ..........

Yehi wada lia tha na
Hamaisha khush hi raihna hai
Lo daikho!
Daikh lo aa k
Meri ankhon ko daikho tum
Yeh kitni shokh lagti hain
Mere honton ko daikho tum
Hamaisha muskuratay hain
Koi bhi gham ager aya
Isay hans k saha mainay
Mere chehray ko daikho tum
Hamaisha pur sukoon hoga
Kia tha mainay jo tum say
Woh wada kar dia pura
Magar ek baat kaihni hai 
Kabhi jo waqt mil jaye
To meri shaairi parhna
Tumhain mehsoos to hoga
Kaheen talkhi bhara lahja
Kaheen yeh sard sa andaz
Kaheen pay dard ki jheelayen
Kaheen lahjay ki karwahat
Suno!
Main khush to hoon likin
Mera har lafz rootha hai...
___With Kahkashan Khan