Kuch aur sochne ki zarorat nahi mujhe
Tere siwa kisi se mohabbat nahi mujhe
Rehta hai bas tera hi mujhe raat din khayal
Main tujh ko bhol jaon yeh taqat nahi mujhe
Kal shab tumhari yaad mein aanso chilak pare,
Ab kuch bhi kehne ki haajat nahi mujhe
Kis ko sunaon jaa ke mein apna yeh hal ehwal,
Tum ne to keh diya hai ke fursat nahi mujhe,
Khushiyon se ab nahi hai koi rabta mera,
Pal bhar tumhare ghum se faragat nahi mujhe,
Sab kuch ujar gaya mera khwaabon ke sath sath
Faraz magar kisi se shikayat nahi mujhe
No comments:
Post a Comment