Hasti ka aitbaar kiye bagair reha na jaye,
Dunya hai yahan per jiye bin raha na jaye,
Kat'ti nahin yeh zindagi umeed k bagher,
Yeh jaam woh hai jis ko piye bin raha na jaye,
Chahat ka zakhm dil ko tamasha na bana de,
Aesa hai chaak jis ko siye bin rahaa na jaye,
Dunya k is afshaar me hai us ki yaad yoon,
Aandhi ho tez aur diye bin raha na jaye,
Ik simt tera hukam hai, ik simt kayenaat,
Yeh bojh apne sir pe liye bin raha na jaye…
No comments:
Post a Comment