Us Ki Jaanib Se Wafa Ho Kabhi Aisa Bhi To Ho
Be-Talab Jalwa-Numa Ho Kabhi Aisa Bhi To Ho
Meri Aankho'n Se Gire Aap K Haathon Mein Rache
Ye Lahu Masal-E-Hina Ho Kabhi Aisa Bhi To Ho
Zard Musam K Siwa Kuch Nahi Dekha Hum Ne
Barg-E-Umeed Hara Ho Kabhi Aisa Bhi To Ho
Ye Bahane To Tere Roz Ka Qesa Thhere
Tujh Se Wada Bhi Wafa Ho Kabhi Aisa Bhi To Ho
Dewtaa Ban K Sazaon Se Bacha Rehta Hai
Tujh Se Bhi Koi Khata Ho Kabhi Aisa Bhi To Ho
Zindagi Hai Meri Tarasti Huwi Tanha Kab Se
Jaam Ho To Ho Ghata Ho Kabhi Aisa Bhi To Ho
No comments:
Post a Comment