سوشل میڈیا پر ۔۔۔۔۔

کبھی بھی کسی کی طرف سے بُرے مُوڈ ، نظر انداز کرنے والے رویے ، ناقابلِ فہم خاموشی اور متوقع ریسپانس نہ ملنے پر ناراض مت ہوا کریں ۔

آپ کبھی بھی نہیں جان سکتے کہ اسکرین کے اُس پار پر کسی پر کیا گزر رہی ہے ؟

وہ کن حالات سے نبرد آزما ہے ؟

اُس کے لیے اُس وقت سب سے اہم کون سا معاملہ ہے ؟

یہ کافی ہے کہ وہ آپ سے کچھ توقعات نہیں باندھ رہا ورنہ اگر اُس طرف سے بھی یہ سلسلہ چل پڑے تو خواہ مخواہ کی آزمائش آپ کے گلے پڑ سکتی ہے ۔

سوشل میڈیا پر خوش رہنے کا یہ سادہ سا نسخہ ہے کہ " اپنی اپنی دنیا میں مست رہیں "

نہ کسی پر اُس کی برداشت سے زیادہ بوجھ ڈالیں نہ اپنے اوپر ایسا کوئی بوجھ طاری ہونے دیں ۔

بظاہر یہ خود غرضانہ سی بات لگتی ہے لیکن " اسکرین کے اُس پار ہم نہیں جانتے کہ کسی پر کب کیا گزر رہی ہے "

۔۔۔۔