¶••• ضربان قلبم 🤎

سنا ہے گاؤں کا وہ کچا مکان جسکی دیوار کے پیچھے ھم ھر دوشنبے کی دوپہر کو ملا کرتے تھے ،

اس دیوار میں اب دراڑیں پڑچکی ہیں ،

دیوار پر سجے سبز پتے اب زرد رنگ کا روپ دھار چکے ہیں ، 

سب کچھ بدل چکا ہے ،

مگر تم ،

تم آج بھی چوری چپکے اس مکان کا چکر لگاتے ھو 

دیوار پر لکھے ھمارے ناموں کو تازہ کرتے ھو ،

ناموں کے بیچ جو سرخ دل ھم شوخی سے رنگا کرتے تھے اس دل میں سیاہ رنگ بھرتے ھو ،

آج بھی کچھ چنچل جوڑوں کو اس دیوار کے پیچھے محبت کی اٹھکیلیاں کرتے دیکھ اپنے آنسوؤں کو جذب کرتے ھو ،

آج بھی کتاب ھاتھ میں لیے ھماری پسندیدہ نظمیں اس دیوار کے گوش گزار کرتے ھو ،

آج بھی دیوار کی اوٹ سے

" قلبم میں آگئ " کی آواز سننے کو منتظر رھتے ھو 🖤