کسی بھی انسان کی خوبی یا بڑائی کو مان لینا دراصل اللہ کے فیصلے کو ماننا ہے ۔۔۔

 کسی بھی انسان کی خوبی یا بڑائی کو مان لینا دراصل اللہ کے فیصلے کو ماننا ہے ۔۔۔ 

اور یہ بھی انسان کی کوالٹی ہے کہ وہ کسی دوسرے کو ملنے والی نعمت (مال ،اولاد، خوبصورتی ،زہانت ) پر حسد کے بجائے اپنے پاس موجود نعمتوں کو دیکھ کر شکر ادا کرے  ۔۔۔ اور کہے کہ وہ اللہ کی تقسیم پر راضی ہے۔۔۔۔ 

کیونکہ حسد بذات خود ایک بیماری ہے اور یہ انسان کے اندر ناشکرا پن پیدا کرتا ہے۔۔۔۔ 

لیکن جب ہم اللہ کے فیصلے پر راضی ہونا سیکھ لیتے ہیں کہ ہاں اللہ نے میرے لئے یہی پسند کیا۔۔۔ فلاں چیز کو مجھے  ایسے ہی دینا تھا تو شکوہ ختم ہونے لگتا ہے ۔۔۔ جب شکوہ ختم ہوتا ہے  تو شکر پیدا ہوتا ہے اور شکر ایمان کو بڑھاتا ہے ۔۔۔ اور ایسے لوگ شیطان کے چنگل سے نکلنے لگتے ہیں ۔۔

جب بھی آپکے دل میں ناشکری کے خیالات جنم لینا شروع کریں تو فورا سے الرٹ ہو جائیں ۔۔۔ کیونکہ یہ شیطان کا حملہ ہے آپ پر اور جب دشمن حملہ کرے تو ہاتھ پہ ہاتھ رکھ کر تھوڑی بیٹھا جاتا ہے۔۔۔۔ 

اللہ کے ذکر کی طرف مشغول ہوں ۔۔۔ حملہ شدید ہو تو مصلے پہ کھڑے ہو جائیں ۔۔۔۔ مگر حالت شکر میں ہی رہیں ۔۔۔ صرف اللہ کا ذکر ہی آپکو بچا سکتا ہے ۔۔۔۔۔

خود کو نا شکری کے اندھیروں میں دھکیلیں گے تو ایمان سے بھی جائیں گے ۔۔۔